કાલોલ તાલુકામાં સરકારી 'સ્વાગત કાર્યક્રમ' વહીવટી લાલિયાવાડી અને અધિકારીઓની મનસ્વી નીતિને કારણે માત્ર એક વહીવટી નાટક બની ગયો હોવાનું સામે આવ્યું છે, જેનાથી અરજદારોમાં ભારે રોષ ફેલાયો છે. સરકારી નિયમ મુજબ અરજદારોને યોગ્ય લેખિત જાણ કરવાને બદલે, તેમને એક દિવસ અગાઉ માત્ર ફોન દ્વારા હાજર રહેવા જણાવાયું હતું, જેનાથી અરજદારો મૂંઝવણમાં મુકાયા હતા. આ કાર્યક્રમમાં અરજદારોને સવારે ૯:૦૦ કલાકે હાજર રહેવાની તાકીદ કરવામાં આવી હતી, જેથી દૂર-દૂરના ગામડાઓમાંથી ગરીબ અને મધ્યમ વર્ગના લોકો સમયસર આવી પહોંચ્યા હતા. પરંતુ, પંચમહાલ જિલ્લા વિકાસ અધિકારી (DDO) પોતે નિયત સમય કરતાં બે કલાક મોડા એટલે કે સવારે ૧૧:૦૦ વાગ્યે સ્થળ પર પધાર્યા હતા. આ કાળઝાળ ગરમી અને અસુવિધાઓ વચ્ચે અરજદારો બે કલાક સુધી અધિકારીની રાહ જોઈને ટળવળ્યા હતા, જેને કારણે લોકોમાં એવા સવાલો ઉઠી રહ્યા છે કે જો વહીવટી વડા જ સમયસર ન આવે, તો પ્રજાના પ્રશ્નોનું નિરાકરણ કેવી રીતે આવશે અને શું નિયમો માત્ર જનતા માટે જ છે? આ જ કાર્યક્રમ અંતર્ગત કુલ ૧૬ પ્રશ્નો રજુ કરવામાં આવ્યા હતા, જે પૈકી ૯ પ્રશ્નો વેજલપુર વિસ્તારના હતા. અરજદાર સઈદ ઈબ્રાહિમ કાલુએ વેજલપુર ગ્રામ પંચાયત અને સરપંચ ઉપર ગંભીર આક્ષેપો લગાવતા જણાવ્યું કે તેમના વડીલો દ્વારા ધર્મશાળા બનાવવા દાનમાં આપેલી જમીન પર ગેરકાયદેસર 'એકતા બજાર શોપિંગ સેન્ટર' બનાવવામાં આવ્યું છે. આ ઉપરાંત, ગ્રામ પંચાયત પાસેના 'ચંદન શોપિંગ સેન્ટર'ને નાળું બંધ કરીને બનાવવામાં આવ્યું છે, જેને દૂર કરવાની પણ માંગ કરવામાં આવી હતી. જોડિયા કુવા ગામની ગૌચરની જમીન પર સરપંચ પતી દ્વારા મંજૂરી વગર કરાયેલા ગેરકાયદેસર બાંધકામો હટાવવા અંગે પણ સઈદ ઈબ્રાહિમ કાલુએ મુખ્યમંત્રી સુધી રજુઆતો કરી હતી. આ પ્રશ્નો ચર્ચામાં આવ્યા બાદ તલાટી કમ મંત્રીને માપણી કરવા જણાવી મુલત્વી રાખવામાં આવ્યા હોવાની વિગત મળી રહી છે.

Virendra Mehta

Classified ads newspaper publisher Kalol, Panch Mahals•

14 hrs ago

કાલોલ તાલુકામાં સરકારી 'સ્વાગત કાર્યક્રમ' વહીવટી લાલિયાવાડી અને અધિકારીઓની મનસ્વી નીતિને કારણે માત્ર એક વહીવટી નાટક બની ગયો હોવાનું સામે આવ્યું છે, જેનાથી અરજદારોમાં ભારે રોષ ફેલાયો છે. સરકારી નિયમ મુજબ અરજદારોને યોગ્ય લેખિત જાણ કરવાને બદલે, તેમને એક દિવસ અગાઉ માત્ર ફોન દ્વારા હાજર રહેવા જણાવાયું હતું, જેનાથી અરજદારો મૂંઝવણમાં મુકાયા હતા. આ કાર્યક્રમમાં અરજદારોને સવારે ૯:૦૦ કલાકે હાજર રહેવાની તાકીદ કરવામાં આવી હતી, જેથી દૂર-દૂરના ગામડાઓમાંથી ગરીબ અને મધ્યમ વર્ગના લોકો સમયસર આવી પહોંચ્યા હતા. પરંતુ, પંચમહાલ જિલ્લા વિકાસ અધિકારી (DDO) પોતે નિયત સમય કરતાં બે કલાક મોડા એટલે કે સવારે ૧૧:૦૦ વાગ્યે સ્થળ પર પધાર્યા હતા. આ કાળઝાળ ગરમી અને અસુવિધાઓ વચ્ચે અરજદારો બે કલાક સુધી અધિકારીની રાહ જોઈને ટળવળ્યા હતા, જેને કારણે લોકોમાં એવા સવાલો ઉઠી રહ્યા છે કે જો વહીવટી વડા જ સમયસર ન આવે, તો પ્રજાના પ્રશ્નોનું નિરાકરણ કેવી રીતે આવશે અને શું નિયમો માત્ર જનતા માટે જ છે? આ જ કાર્યક્રમ અંતર્ગત કુલ ૧૬ પ્રશ્નો રજુ કરવામાં આવ્યા હતા, જે પૈકી ૯ પ્રશ્નો વેજલપુર વિસ્તારના હતા. અરજદાર સઈદ ઈબ્રાહિમ કાલુએ વેજલપુર ગ્રામ પંચાયત અને સરપંચ ઉપર ગંભીર આક્ષેપો લગાવતા જણાવ્યું કે તેમના વડીલો દ્વારા ધર્મશાળા બનાવવા દાનમાં આપેલી જમીન પર ગેરકાયદેસર 'એકતા બજાર શોપિંગ સેન્ટર' બનાવવામાં આવ્યું છે. આ ઉપરાંત, ગ્રામ પંચાયત પાસેના 'ચંદન શોપિંગ સેન્ટર'ને નાળું બંધ કરીને બનાવવામાં આવ્યું છે, જેને દૂર કરવાની પણ માંગ કરવામાં આવી હતી. જોડિયા કુવા ગામની ગૌચરની જમીન પર સરપંચ પતી દ્વારા મંજૂરી વગર કરાયેલા ગેરકાયદેસર બાંધકામો હટાવવા અંગે પણ સઈદ ઈબ્રાહિમ કાલુએ મુખ્યમંત્રી સુધી રજુઆતો કરી હતી. આ પ્રશ્નો ચર્ચામાં આવ્યા બાદ તલાટી કમ મંત્રીને માપણી કરવા જણાવી મુલત્વી રાખવામાં આવ્યા હોવાની વિગત મળી રહી છે.