ৰাণীৰ চেঁচাত বনৰীয়া হাতীৰ তাণ্ডৱ, পদুলিৰ গেট, ভঁৰাল ঘৰ লণ্ডভণ্ড ৰাণীৰ চেঁচাত বনৰীয়া হাতীৰ তাণ্ডৱ, পদুলিৰ গেট, ভঁৰাল ঘৰ লণ্ডভণ্ড হাতীৰ আক্ৰমণৰ পৰা কথমপি প্ৰাণৰক্ষা পূৱ কামৰূপ বন সংমণ্ডলৰ ৰাণী বনাঞ্চলিক বিষয়া কাৰ্যালয়ৰ অন্তৰ্গত চেঁচা গাঁৱত আজি অৰ্থাৎ ২৫ আগষ্টৰ পুৱা চাৰি বজাত ৪টা বনৰীয়া হাতীয়ে এক ভয়ংকৰ তাণ্ডৱ চলায়। উল্লেখ্য যে চেঁচা খণ্ড বন কাৰ্যালয়ৰ পৰা প্ৰায় দুশ মিটাৰ আঁতৰৰ দুটা পৰিয়াল হাতীৰ তাণ্ডৱৰ ফলত বেয়াকৈ ক্ষতিগ্ৰস্ত হয়। ভুক্তভোগী গোপাল ৰাভাই (৫৫) ব্যক্ত কৰা মতে– মোৰ ভঁৰাল ভাঙি ধান খায়। ভঁৰাল ঘৰটোত দুটা ডাঙৰ বেগত ধান থৈছিলো। তাৰে এটা বেগ বাহিৰলৈ টানি আনি খোৱাৰ লগতে মাটিত পেলাই অনিষ্ট কৰে। বেগটোত ২০মোন ধান আছিল। কিন্তু তাৰ আধাতকৈ বেছি পৰিমাণৰ ধান হাতীয়ে নষ্ট কৰি থৈ গ’ল। মোৰ ভঁৰালত ধান খোৱাৰ পুৰ্বে মোৰ ককাইদেউ মাণিক ৰাভাৰ ঘৰত কিছু হাই–উৰুমি শুনিবলৈ পাইছিলো। কিন্তু বিশেষ একো নাই বুলি বিচনাৰ পৰা উঠি অহা নাছিলোঁ। তাৰ কিছু সয়ম পাছত মোৰ ভঁৰাল ঘৰৰ টিনপাতৰ শব্দ শুনিবলৈ পাওঁ। ভাবিছিলো পকা মধুৰিবোৰ টিনপাতত পৰা শব্দ বুলি। শব্দ ক্ৰমাৎ বাঢ়িবলৈ ধৰাত মই আৰু পত্নী বাহিৰলৈ ওলাই আহিয়েই দেখিলো মোৰ চোতালৰ একোণত চাৰিটাকৈ হাতী থিয় হৈ আছে। ভয়ত বিতত হৈ আমি কেৱল চিঞৰিছো। তেনে মুহুৰ্তত এটা হাতী আমাৰ পিনে চোঁচা লৈছিল। আমি প্ৰাণৰ মমতাত বাৰাণ্ডাত উঠিছিলো। আমাৰ চিঞৰ–বাখৰত চুবুৰীয়ালোক সকল ওলাই আহিছিল। আমাৰ ঘৰত মানুহৰ সংখ্যা বাঢ়ি যোৱাত হাতীকেইটাই নিজে নিজেই কাষৰীয়া বনাঞ্চললৈ গুছি যোৱা আমি স্বস্তিৰ নিঃশ্বাস এৰিছিলো। আন এগৰাকী ভূক্তভোগী মাণিক ৰাভাই কৈছিল– পুৱা চাৰি বজাত মোৰ পদুলিৰ গেটৰ পকী বেৰত খুন্দা মৰা শব্দ শুনিবলৈ পাইছিলো। ইয়াৰ কিছু সময়ত মোৰ গেটখনত প্ৰচণ্ড শব্দ হয়। কি হ’ল বুলি বিচনাৰ পৰা উঠি আহিয়েই দেখিলো– মোৰ লোহাৰ গেটখন ঠেলি মাটিত পেলাই দি চাৰিটা হাতী পদুলিমুখত থিয় হৈ আছে। আমি সকলোৱে হাই–উৰুমি কৰিলো। প্ৰায় আধা ঘণ্টা তেনেদৰে থকাৰ পাছত হাতীকেইটাই নিজে নিজে গুছি গৈ মোৰ ভাইটী গোপাল ৰাভাৰ ভঁৰাল ঘৰ ভাঙিছিল। মোৰ চৌহদৰ ইটাৰে নিৰ্মাণ কৰা বেৰত হাতীয়ে খুন্দা মৰাত কেইবা ঠাইতো ফাঁট মেলিছে।

TIME OF ASSAM

ছয়গাঁও, কামৰূপ, অসম•

15 hrs ago

ৰাণীৰ চেঁচাত বনৰীয়া হাতীৰ তাণ্ডৱ, পদুলিৰ গেট, ভঁৰাল ঘৰ লণ্ডভণ্ড ৰাণীৰ চেঁচাত বনৰীয়া হাতীৰ তাণ্ডৱ, পদুলিৰ গেট, ভঁৰাল ঘৰ লণ্ডভণ্ড হাতীৰ আক্ৰমণৰ পৰা কথমপি প্ৰাণৰক্ষা পূৱ কামৰূপ বন সংমণ্ডলৰ ৰাণী বনাঞ্চলিক বিষয়া কাৰ্যালয়ৰ অন্তৰ্গত চেঁচা গাঁৱত আজি অৰ্থাৎ ২৫ আগষ্টৰ পুৱা চাৰি বজাত ৪টা বনৰীয়া হাতীয়ে এক ভয়ংকৰ তাণ্ডৱ চলায়। উল্লেখ্য যে চেঁচা খণ্ড বন কাৰ্যালয়ৰ পৰা প্ৰায় দুশ মিটাৰ আঁতৰৰ দুটা পৰিয়াল হাতীৰ তাণ্ডৱৰ ফলত বেয়াকৈ ক্ষতিগ্ৰস্ত হয়। ভুক্তভোগী গোপাল ৰাভাই (৫৫) ব্যক্ত কৰা মতে– মোৰ ভঁৰাল ভাঙি ধান খায়। ভঁৰাল ঘৰটোত দুটা ডাঙৰ বেগত ধান থৈছিলো। তাৰে এটা বেগ বাহিৰলৈ টানি আনি খোৱাৰ লগতে মাটিত পেলাই অনিষ্ট কৰে। বেগটোত ২০মোন ধান আছিল। কিন্তু তাৰ আধাতকৈ বেছি পৰিমাণৰ ধান হাতীয়ে নষ্ট কৰি থৈ গ’ল। মোৰ ভঁৰালত ধান খোৱাৰ পুৰ্বে মোৰ ককাইদেউ মাণিক ৰাভাৰ ঘৰত কিছু হাই–উৰুমি শুনিবলৈ পাইছিলো। কিন্তু বিশেষ একো নাই বুলি বিচনাৰ পৰা উঠি অহা নাছিলোঁ। তাৰ কিছু সয়ম পাছত মোৰ ভঁৰাল ঘৰৰ টিনপাতৰ শব্দ শুনিবলৈ পাওঁ। ভাবিছিলো পকা মধুৰিবোৰ টিনপাতত পৰা শব্দ বুলি। শব্দ ক্ৰমাৎ বাঢ়িবলৈ ধৰাত মই আৰু পত্নী বাহিৰলৈ ওলাই আহিয়েই দেখিলো মোৰ চোতালৰ একোণত চাৰিটাকৈ হাতী থিয় হৈ আছে। ভয়ত বিতত হৈ আমি কেৱল চিঞৰিছো। তেনে মুহুৰ্তত এটা হাতী আমাৰ পিনে চোঁচা লৈছিল। আমি প্ৰাণৰ মমতাত বাৰাণ্ডাত উঠিছিলো। আমাৰ চিঞৰ–বাখৰত চুবুৰীয়ালোক সকল ওলাই আহিছিল। আমাৰ ঘৰত মানুহৰ সংখ্যা বাঢ়ি যোৱাত হাতীকেইটাই নিজে নিজেই কাষৰীয়া বনাঞ্চললৈ গুছি যোৱা আমি স্বস্তিৰ নিঃশ্বাস এৰিছিলো। আন এগৰাকী ভূক্তভোগী মাণিক ৰাভাই কৈছিল– পুৱা চাৰি বজাত মোৰ পদুলিৰ গেটৰ পকী বেৰত খুন্দা মৰা শব্দ শুনিবলৈ পাইছিলো। ইয়াৰ কিছু সময়ত মোৰ গেটখনত প্ৰচণ্ড শব্দ হয়। কি হ’ল বুলি বিচনাৰ পৰা উঠি আহিয়েই দেখিলো– মোৰ লোহাৰ গেটখন ঠেলি মাটিত পেলাই দি চাৰিটা হাতী পদুলিমুখত থিয় হৈ আছে। আমি সকলোৱে হাই–উৰুমি কৰিলো। প্ৰায় আধা ঘণ্টা তেনেদৰে থকাৰ পাছত হাতীকেইটাই নিজে নিজে গুছি গৈ মোৰ ভাইটী গোপাল ৰাভাৰ ভঁৰাল ঘৰ ভাঙিছিল। মোৰ চৌহদৰ ইটাৰে নিৰ্মাণ কৰা বেৰত হাতীয়ে খুন্দা মৰাত কেইবা ঠাইতো ফাঁট মেলিছে।