నిజామాబాద్ జిల్లా బోధన్‌ పట్టణంలోని ప్రభుత్వ జేసీ పాఠశాల ప్రధానోపాధ్యాయుడు నిధులను దుర్వినియోగం చేశాడని ఆరోపిస్తూ బోధన్‌ జేఏసీ విద్యార్థి సంఘాలు స్థానిక ఆర్డీవోకు వినతిపత్రం సమర్పించాయి. ఈ సందర్భంగా జేఏసీ చైర్మన్ నాగరాజు, కో-కన్వీనర్ సంజయ్ మాట్లాడుతూ, కేంద్ర, రాష్ట్ర ప్రభుత్వాలు ఏటా పాఠశాల నిర్వహణ కోసం రూ. 12 నుంచి 18 లక్షల నిధులను నేరుగా పాఠశాల ఖాతాలో జమ చేస్తున్నాయని తెలిపారు. అయితే, ప్రధానోపాధ్యాయుడు ఈ నిధులను తన వ్యక్తిగత ఖాతాలోకి మళ్లించుకుని పాఠశాల మౌలిక వసతుల కోసం ఖర్చు చేయలేదని, నిధులను దుర్వినియోగం చేశాడని విద్యార్థి సంఘాల నాయకులు తీవ్రంగా మండిపడ్డారు. గత నాలుగు సంవత్సరాలుగా అడ్మిషన్ల రికార్డులు మాయమయ్యాయని ప్రధానోపాధ్యాయుడు నాటకాలు ఆడుతున్నారని, విద్యార్థుల తల్లిదండ్రులు, స్థానిక ఉపాధ్యాయులు ప్రశ్నించినప్పుడు, అలాగే విద్యార్థి సంఘాలు అడిగినప్పుడు నకిలీ బ్యాంక్ ఆధారాలు, ఫేక్ బిల్లులు చూపిస్తూ పాఠశాల కోసం చాలా ఖర్చు చేశానని చెబుతున్నారని వారు ఆరోపించారు. కనీస మౌలిక వసతులు, మరుగుదొడ్లు, వాటర్ ఫెసిలిటీ కూడా కల్పించకుండా విద్యార్థులు బయటకెళ్లి అసౌకర్యానికి గురవుతున్నారని వారు ఆవేదన వ్యక్తం చేశారు. నిధుల దుర్వినియోగంపై సమగ్ర విచారణ జరిపి తక్షణమే చర్యలు తీసుకోవాలని, బడుగు, బలహీన వర్గాల విద్యార్థులు, పాఠశాల ఉనికిని కాపాడాలని డిమాండ్ చేశారు. అలాగే, ప్రధానోపాధ్యాయుడు వాడుకున్న పాఠశాల నిధులు మొత్తం తిరిగి పాఠశాల ఖాతాలో జమ చేసేలా చర్యలు తీసుకోవాలని కోరారు. ఈ కార్యక్రమంలో విద్యార్థి సంఘాల జేఏసీ నాయకులు ఎన్. బాలరాజ్, కిరణ్, ప్రశాంత్, రాజన్న, రాజు తదితరులు పాల్గొన్నారు.

9705176292

బోధన్, నిజామాబాద్, తెలంగాణ•

2 hrs ago

నిజామాబాద్ జిల్లా బోధన్‌ పట్టణంలోని ప్రభుత్వ జేసీ పాఠశాల ప్రధానోపాధ్యాయుడు నిధులను దుర్వినియోగం చేశాడని ఆరోపిస్తూ బోధన్‌ జేఏసీ విద్యార్థి సంఘాలు స్థానిక ఆర్డీవోకు వినతిపత్రం సమర్పించాయి. ఈ సందర్భంగా జేఏసీ చైర్మన్ నాగరాజు, కో-కన్వీనర్ సంజయ్ మాట్లాడుతూ, కేంద్ర, రాష్ట్ర ప్రభుత్వాలు ఏటా పాఠశాల నిర్వహణ కోసం రూ. 12 నుంచి 18 లక్షల నిధులను నేరుగా పాఠశాల ఖాతాలో జమ చేస్తున్నాయని తెలిపారు. అయితే, ప్రధానోపాధ్యాయుడు ఈ నిధులను తన వ్యక్తిగత ఖాతాలోకి మళ్లించుకుని పాఠశాల మౌలిక వసతుల కోసం ఖర్చు చేయలేదని, నిధులను దుర్వినియోగం చేశాడని విద్యార్థి సంఘాల నాయకులు తీవ్రంగా మండిపడ్డారు. గత నాలుగు సంవత్సరాలుగా అడ్మిషన్ల రికార్డులు మాయమయ్యాయని ప్రధానోపాధ్యాయుడు నాటకాలు ఆడుతున్నారని, విద్యార్థుల తల్లిదండ్రులు, స్థానిక ఉపాధ్యాయులు ప్రశ్నించినప్పుడు, అలాగే విద్యార్థి సంఘాలు అడిగినప్పుడు నకిలీ బ్యాంక్ ఆధారాలు, ఫేక్ బిల్లులు చూపిస్తూ పాఠశాల కోసం చాలా ఖర్చు చేశానని చెబుతున్నారని వారు ఆరోపించారు. కనీస మౌలిక వసతులు, మరుగుదొడ్లు, వాటర్ ఫెసిలిటీ కూడా కల్పించకుండా విద్యార్థులు బయటకెళ్లి అసౌకర్యానికి గురవుతున్నారని వారు ఆవేదన వ్యక్తం చేశారు. నిధుల దుర్వినియోగంపై సమగ్ర విచారణ జరిపి తక్షణమే చర్యలు తీసుకోవాలని, బడుగు, బలహీన వర్గాల విద్యార్థులు, పాఠశాల ఉనికిని కాపాడాలని డిమాండ్ చేశారు. అలాగే, ప్రధానోపాధ్యాయుడు వాడుకున్న పాఠశాల నిధులు మొత్తం తిరిగి పాఠశాల ఖాతాలో జమ చేసేలా చర్యలు తీసుకోవాలని కోరారు. ఈ కార్యక్రమంలో విద్యార్థి సంఘాల జేఏసీ నాయకులు ఎన్. బాలరాజ్, కిరణ్, ప్రశాంత్, రాజన్న, రాజు తదితరులు పాల్గొన్నారు.