సబ్ రిజిస్ట్రార్ కార్యాలయంలో రెండో రోజు ఏసీబీ దాడులు -రూ.80 వేలకు పైగా లెక్కల్లో లేని నగదు స్వాధీనం -కడప ఏసీబీ డీఎస్పీ సీతారామారావు మదనపల్లె: స్థానిక సబ్ రిజిస్ట్రార్ కార్యాలయంలో రిజిస్ట్రేషన్ల పేరిట సాగుతున్న అవినీతి దందాపై అవినీతి నిరోధక శాఖ (ఏసీబీ) అధికారులు కొరడా ఝుళిపించారు. ప్రభుత్వ రుసుముల కంటే అదనంగా ప్రజల నుంచి పెద్ద ఎత్తున లంచాలు వసూలు చేస్తున్నారన్న విశ్వసనీయ సమాచారంతో కడప ఏసీబీ డీఎస్పీ సీతారామారావు నేతృత్వంలో అధికారులు సోమవారం ఆకస్మిక తనిఖీలు చేపట్టారు. రాత్రి వరకూ కొనసాగిన విచారణ, మంగళవారం మధ్యాహ్నం వరకు కొనసాగింది. ఏసీబీ అధికారులు దాడుల్లో భాగంగా సబ్ రిజిస్టర్ కార్యాలయంలోని పలు కీలక పత్రాలు, దస్త్రాలను క్షుణ్ణంగా పరిశీలించడంతోపాటు కార్యాలయంలో జరిగిన లావాదేవీలు, వసూలు చేసిన ఫీజులను తనిఖీ చేశారు. అనంతరం ఏసీబీ డీఎస్పీ సీతారామ రావు మీడియాతో మాట్లాడుతూ...... సబ్ రిజిస్ట్రార్ గురుస్వామితో పాటు సిబ్బంది సాధారణ ప్రజల వద్ద నుంచి రిజిస్ట్రేషన్ ఫీజుల కంటే అదనపు వసూళ్లకు పాల్పడుతున్నట్లు సమాచారం అందిందని చెప్పారు. దీంతో రంగంలోకి దిగిన ఏసీబీ బృందం సోమవారం సాయంత్రం నుంచి రాత్రి వరకు కార్యాలయంలో ముమ్మర సోదాలు నిర్వహించామన్నారు. కార్యాలయంలో అనధికారికంగా పనిచేస్తున్న ప్రైవేటు వ్యక్తులు, లోపల ఉన్న డాక్యుమెంట్ రైటర్లు, హాజరైన ప్రజలను అదుపులోకి తీసుకొని రికార్డులను క్షుణ్ణంగా పరిశీలించామన్నారు. లెక్క తేలని నగదు స్వాధీనం తనిఖీల సమయంలో కార్యాలయంలో లభ్యమైన మొత్తం నగదును అధికారులు స్వాధీనం చేసుకుని రికార్డులతో సరిపోల్చామన్నారు. అందులో రూ. 45,000 మాత్రమే ప్రభుత్వానికి చెల్లించాల్సిన చట్టబద్ధమైన ఫీజుగా తేలిందని, మిగిలిన రూ. 82,000 పైగా ఉన్న మొత్తానికి ఎటువంటి లెక్కాపత్రాలు లేకపోవడంతో, అది ప్రజల నుంచి వసూలు చేసిన లంచపు సొమ్ముగా ప్రాథమికంగా నిర్ధారించామన్నారు. ఉన్నతాధికారులకు నివేదిక సోదాల్లో రికార్డుల అవకతవకలు, స్వాధీనం చేసుకున్న నగదు తాలూకు వివరాలతో కూడిన సమగ్ర నివేదికను ఉన్నతాధికారుల ద్వారా ప్రభుత్వానికి పంపుతున్నట్లు డీఎస్పీ సీతారామారావు వెల్లడించారు. ప్రభుత్వం, ఉన్నతాధికారుల నుంచి అందే తదుపరి ఉత్తర్వులు, ఆదేశాల మేరకు సబ్ రిజిస్ట్రార్ గురుస్వామి, సంబంధిత సిబ్బందిపై తగిన చట్టపరమైన చర్యలు తీసుకుంటామని ఆయన స్పష్టం చేశారు.

శ్రీనాధుడు ఎం

Local News Reporter మదనపల్లె, అన్నమయ్య, ఆంధ్రప్రదేశ్•

12 hrs ago

సబ్ రిజిస్ట్రార్ కార్యాలయంలో రెండో రోజు ఏసీబీ దాడులు -రూ.80 వేలకు పైగా లెక్కల్లో లేని నగదు స్వాధీనం -కడప ఏసీబీ డీఎస్పీ సీతారామారావు మదనపల్లె: స్థానిక సబ్ రిజిస్ట్రార్ కార్యాలయంలో రిజిస్ట్రేషన్ల పేరిట సాగుతున్న అవినీతి దందాపై అవినీతి నిరోధక శాఖ (ఏసీబీ) అధికారులు కొరడా ఝుళిపించారు. ప్రభుత్వ రుసుముల కంటే అదనంగా ప్రజల నుంచి పెద్ద ఎత్తున లంచాలు వసూలు చేస్తున్నారన్న విశ్వసనీయ సమాచారంతో కడప ఏసీబీ డీఎస్పీ సీతారామారావు నేతృత్వంలో అధికారులు సోమవారం ఆకస్మిక తనిఖీలు చేపట్టారు. రాత్రి వరకూ కొనసాగిన విచారణ, మంగళవారం మధ్యాహ్నం వరకు కొనసాగింది. ఏసీబీ అధికారులు దాడుల్లో భాగంగా సబ్ రిజిస్టర్ కార్యాలయంలోని పలు కీలక పత్రాలు, దస్త్రాలను క్షుణ్ణంగా పరిశీలించడంతోపాటు కార్యాలయంలో జరిగిన లావాదేవీలు, వసూలు చేసిన ఫీజులను తనిఖీ చేశారు. అనంతరం ఏసీబీ డీఎస్పీ సీతారామ రావు మీడియాతో మాట్లాడుతూ...... సబ్ రిజిస్ట్రార్ గురుస్వామితో పాటు సిబ్బంది సాధారణ ప్రజల వద్ద నుంచి రిజిస్ట్రేషన్ ఫీజుల కంటే అదనపు వసూళ్లకు పాల్పడుతున్నట్లు సమాచారం అందిందని చెప్పారు. దీంతో రంగంలోకి దిగిన ఏసీబీ బృందం సోమవారం సాయంత్రం నుంచి రాత్రి వరకు కార్యాలయంలో ముమ్మర సోదాలు నిర్వహించామన్నారు. కార్యాలయంలో అనధికారికంగా పనిచేస్తున్న ప్రైవేటు వ్యక్తులు, లోపల ఉన్న డాక్యుమెంట్ రైటర్లు, హాజరైన ప్రజలను అదుపులోకి తీసుకొని రికార్డులను క్షుణ్ణంగా పరిశీలించామన్నారు. లెక్క తేలని నగదు స్వాధీనం తనిఖీల సమయంలో కార్యాలయంలో లభ్యమైన మొత్తం నగదును అధికారులు స్వాధీనం చేసుకుని రికార్డులతో సరిపోల్చామన్నారు. అందులో రూ. 45,000 మాత్రమే ప్రభుత్వానికి చెల్లించాల్సిన చట్టబద్ధమైన ఫీజుగా తేలిందని, మిగిలిన రూ. 82,000 పైగా ఉన్న మొత్తానికి ఎటువంటి లెక్కాపత్రాలు లేకపోవడంతో, అది ప్రజల నుంచి వసూలు చేసిన లంచపు సొమ్ముగా ప్రాథమికంగా నిర్ధారించామన్నారు. ఉన్నతాధికారులకు నివేదిక సోదాల్లో రికార్డుల అవకతవకలు, స్వాధీనం చేసుకున్న నగదు తాలూకు వివరాలతో కూడిన సమగ్ర నివేదికను ఉన్నతాధికారుల ద్వారా ప్రభుత్వానికి పంపుతున్నట్లు డీఎస్పీ సీతారామారావు వెల్లడించారు. ప్రభుత్వం, ఉన్నతాధికారుల నుంచి అందే తదుపరి ఉత్తర్వులు, ఆదేశాల మేరకు సబ్ రిజిస్ట్రార్ గురుస్వామి, సంబంధిత సిబ్బందిపై తగిన చట్టపరమైన చర్యలు తీసుకుంటామని ఆయన స్పష్టం చేశారు.