தென்காசி மாவட்டம் சுரண்டை அருகே உள்ள வி.கே.புதூர் அரசுப் பள்ளியில் 11-ஆம் வகுப்பு மாணவிகளை ஆசிரியை தேன் மரிய சுகந்தி மட்டையால் தாக்கினார். இதனால் காயமடைந்த மாணவிகள் மருத்துவமனைகளில் சிகிச்சை பெற்றனர். மாணவிகள் மற்றும் பெற்றோர் இந்த சம்பவத்தைப் பற்றி கோபம் கொண்டுள்ளனர். ஆசிரியை மீது உரிய நடவடிக்கை எடுக்க வேண்டும் என்று கோரிக்கை விடுத்துள்ளனர். மாணவர்கள் இந்த விஷயத்தைப் பற்றி ஆட்சியரிடம் மனு அளித்துள்ளனர். இச்சம்பவம் தொடர்பாக விசாரணை நடத்தப்பட்டு உரிய நடவடிக்கை எடுக்க வேண்டும் என்று கோரிக்கை விடுத்துள்ளனர்.

நாகர்கோவில் சிறைச்சாலையில் விசாரணை கைதி சபரிவர்மன் உயிரிழந்ததைத் தொடர்ந்து, சிபிசிஐடி போலீசார் விசாரணையைத் தொடர்ந்து நடத்தி வருகின்றனர். சிபிசிஐடி எஸ்பி ஷாஜிதா நாகர்கோவில் சிறையில் இன்று விசாரணை நடத்தினார். இதற்கு முன்னதாக சிபிசிஐடி அலுவலகத்திற்கு சென்றும் விசாரணை நடத்தினார். தொடர்ந்து கைதிகள் அறையிலும் விசாரணை மேற்கொண்டு வருகிறார். கன்னியாகுமரி மாவட்டத்தில் உள்ள நாகர்கோவில் சிறையில் இந்த விசாரணை நடைபெற்று வருகிறது.

தூத்துக்குடி மாவட்டத்தில் உப்பு உற்பத்தியாளர்கள் தமிழக அரசின் கப்பல் கட்டும் தளம் அமைக்கும் திட்டத்தை எதிர்த்து வருகின்றனர். இந்த திட்டம் காரணமாக தங்களது பாரம்பரிய தொழிலான உப்பு உற்பத்தி அழியும் என்று அவர்கள் கவலை தெரிவித்துள்ளனர். உப்பு உற்பத்தியாளர்கள் கடந்த 15 ஆண்டுகளாக இந்த தொழிலைச் செய்து வருவதாகவும், தங்களது குடும்ப உறுப்பினர்கள் அனைவரும் இந்த தொழிலைச் சார்ந்து வாழ்ந்து வருவதாகவும் கூறியுள்ளனர். இந்த தொழிலில் கிடைக்கும் வருமானத்தைக் கொண்டு தான் தங்களது குழந்தைகளைப் படிக்க வைத்து, வாழ்வாதாரத் தேவைகளை நிறைவேற்றி வருவதாகவும் அவர்கள் தெரிவித்துள்ளனர். தற்போது, தமிழ்நாடு அரசு பன்னாட்டு நிறுவனத்தின் மூலம் கப்பல் கட்டும் தளத்தை அமைக்கும் முயற்சியில் உள்ளது. இதனால் உப்பு உற்பத்தி செய்யும் நிலங்கள் கையகப்படுத்தப்படும் என்று அஞ்சுகின்றனர். இதனால் தங்களது வாழ்வாதாரம், எதிர்கால தலைமுறை பாரம்பரிய தொழில் அனைத்தும் அழியும் நிலை உள்ளது என்று கூறியுள்ளனர். எனவே, தனியார் கப்பல் கட்டும் தளம் திட்டத்தை இந்தப் பகுதியில் அமைக்கும் முயற்சியை கைவிடவும், பாரம்பரிய தொழில் இயற்கை வளம் பாதிக்காமல் மாற்று இடங்களில் இந்த திட்டத்தை அமைக்க வேண்டி கோரிக்கை விடுத்துள்ளனர். இந்த மனுவை தூத்துக்குடி மாவட்ட ஆட்சித்தலைவர் மூலம் முள்ளக்காடு பகுதி மக்கள் சார்பில் அனுப்பியுள்ளனர்.

விருதுநகர் மாவட்டம் மல்லாங்கிணறு அருகே உள்ள முடியனூர் கிராமத்தில், மயானத்திற்குச் செல்ல போதிய சாலை வசதி இல்லாததால் இறந்தவர்களின் உடல்களை எடுத்துச் செல்வதில் பொதுமக்கள் மிகுந்த சிரமத்தை எதிர்கொண்டு வருகின்றனர். மழைக்காலங்களில் இந்தப் பாதை சேறும் சகதியுமாகவும், மற்ற நேரங்களில் மிகவும் மோசமான நிலையிலும் காணப்படுவதால், இறுதிச் சடங்குகளை மேற்கொள்வதில் பெரும் சிக்கல் ஏற்படுவதாக கிராம மக்கள் தெரிவித்துள்ளனர். எனவே, இந்த விவகாரத்தில் மாவட்ட நிர்வாகம் உடனடியாகத் தலையிட்டு, முடியனூர் கிராம மயானத்திற்குச் செல்லும் சாலையை சீரமைக்க நடவடிக்கை எடுக்க வேண்டும் என்றும், தங்களது நீண்டநாள் கோரிக்கையை நிறைவேற்ற வேண்டும் என்றும் அப்பகுதி மக்களும் சமூக ஆர்வலர்களும் வலியுறுத்தியுள்ளனர்.

போதைப்பொருள் ஒழிப்பு மற்றும் விழிப்புணர்வை வலியுறுத்தி, தேனி மாவட்டம் கடமலைக்குண்டு பகுதியில் அண்ணாமலையின் ‘வீ தி லீடர்ஸ்’ அமைப்பு சார்பில் மினி மாரத்தான் போட்டி நடத்தப்பட்டது. கடமலைக்குண்டு கிராமத்தில் தொடங்கி தங்கம்மாள்புரம் கிராமம் வரை சுமார் 10 கிலோமீட்டர் தொலைவிற்கு இந்த மாரத்தான் ஓட்டம் நடைபெற்றது. போட்டி தொடங்குவதற்கு முன்னதாக போதைப்பொருள் விழிப்புணர்வு குறித்த உறுதிமொழி எடுத்துக்கொள்ளப்பட்டது. அதிகாலை நேரத்தில் நடைபெற்ற இப்போட்டியில் 14 வயதுக்கு மேற்பட்ட ஆண்கள் மற்றும் பெண்கள் என 200-க்கும் மேற்பட்டோர் மிகுந்த உற்சாகத்துடன் கலந்துகொண்டு இலக்கை நோக்கி ஓடினர். போட்டியில் கலந்துகொண்ட வீரர் மற்றும் வீராங்கனைகளுக்குத் தேவையான குடிநீர் வசதி, மருத்துவ முதலுதவி வசதிகள் மற்றும் பாதுகாப்பு ஏற்பாடுகள் செய்யப்பட்டிருந்தன. போட்டியின் இறுதியில் வெற்றி பெற்று முதல் 5 இடங்களைப் பிடித்த நபர்களுக்கு ரொக்கப் பரிசுகளும், பாராட்டுச் சான்றிதழ்களும் வழங்கி சிறப்பிக்கப்பட்டது.

மதுரை வில்லாபுரம் பகுதியில் இரண்டு பாம்புகள் ஒன்றோடு ஒன்று பிணைந்து அரை மணி நேரம் நடனம் ஆடிய மிகவும் அரிதான காட்சி தற்போது சமூக வலைதளங்களில் வைரலாகி வருகிறது. இந்த அரிய காட்சியைக் கண்ட மக்கள் வியப்புற்றுள்ளனர். இந்த வீடியோவைப் பார்த்தவர்கள் இது ஒரு அற்புதமான நிகழ்வு என்று கூறுகின்றனர். இந்த வீடியோ மதுரை தெற்கு பகுதியில் பரவலாகப் பகிர்ந்து கொள்ளப்பட்டு வருகிறது.

தேனி மாவட்டத்தின் 21-வது வார்டில் உள்ள சிவாஜி நகர் விரிவாக்கப் பகுதியில் சுமார் 300-க்கும் மேற்பட்ட குடும்பங்கள் அடிப்படை வசதிகள் இன்றி தவித்து வருகின்றன. இப்பகுதியில் ரேஷன் கடையைத் தவிர குடிநீர், தெருவிளக்கு, பாதை மற்றும் சாக்கடை வசதிகள் என எந்த வித அடிப்படை வசதிகளும் இல்லாமல் இருப்பதாக குறிப்பிடப்பட்டுள்ளது. குப்பை வண்டி எதுவும் இப்பகுதிக்கு வந்ததே கிடையாது என்றும், இதனால் குப்பைகளை ஆங்காங்கே வனப்பகுதியை ஒட்டிய இடங்களில் கொட்டி வந்ததால், வனத்துறையினர் தற்போது வைகுண்டசாமி மில் அருகில் வனப்பகுதி வழியாக வருகின்ற பாதையினை ஜேசிபி மூலம் குழி தோண்டி அடைத்துள்ளனர். இதனால் இப்பகுதி பள்ளி / கல்லூரி மாணவர்களும், பொதுமக்களும் நகருக்குள் வருவதற்கு மிகுந்த சிரமமடைகின்றனர். விஸ்வநாததாஸ் காலனி வழியாக வரக்கூடிய பாதையானது மிகவும் குறுகலாக உள்ளதால், பள்ளி வாகனங்கள், ஆட்டோக்கள் மற்றும் அவசர கால ஆம்புலன்ஸ் வரவேண்டும் என்றால் கூட வனத்துறை அலுவலகத்திலிருந்து வரும் வனப்பகுதி வழியாகத் தான் வரவேண்டும். ஆனால் இதனையும் அடைத்துள்ளதால் கடந்த இரண்டு வார காலமாக மருத்துவ அவசர காலங்களில் மிகுந்த சிரமமடைந்துள்ளனர். தேனி மாவட்ட ஆட்சியர் அலுவலகத்தில் தேனி சிவாஜி நகர்பகுதி பொதுமக்கள் சார்பில் அடிப்படை வசதி கேட்டுமனு அளிக்கப்பட்டுள்ளது. மீண்டும் வனத்துறை சார்பில் அடைக்கப்பட்ட பாதையினை திறந்து விட்டு மக்கள் பயன்பாட்டுக்கு கொண்டு வர வேண்டும் என்றும் இப்பகுதியில் அடிப்படை வசதிகள் செய்து தர வேண்டும் என்று கோரிக்கை மனு அளித்துள்ளனர்.

தூத்துக்குடி மாவட்டம் ஸ்ரீவைகுண்டம் பெரும்பத்து தெருவைச் சேர்ந்த சண்முகநாதன் - சித்ரா தம்பதியினர், பிரசவத்திற்காக 25/7/2026 அன்று காலை ஸ்ரீவைகுண்டம் அரசு பொது மருத்துவமனையில் அனுமதிக்கப்பட்டனர். மறுநாள் 26/7/2026 அன்று இரவு 8:30 மணி அளவில் குழந்தையின் துடிப்பு மிகக் குறைவாக இருப்பதாகக் கூறி, உடனடியாகப் பாளையங்கோட்டை மருத்துவக் கல்லூரி மருத்துவமனைக்கு விரைவாகச் செல்லுமாறு மருத்துவரும் செவிலியரும் அறிவுறுத்தினர். இதனைத் தொடர்ந்து 108 ஆம்புலன்ஸுக்குத் தகவல் தெரிவிக்கப்பட்டது. ஆனால் ஸ்ரீவைகுண்டம் 108 வாகனம் சாத்தான்குளத்திற்குச் சென்றிருப்பதாகவும், அது திரும்பி வர ஒன்றரை முதல் இரண்டு மணி நேரம் ஆகும் என்றும் தகவல் தெரிவிக்கப்பட்டது. இதனால் திகைத்து நின்ற சண்முகநாதனுக்கு உதவ, தகவலின் பேரில் ஆறாம் பண்ணை ஜமாத் சார்பாக உடனடியாக ஆம்புலன்ஸ் வரவழைக்கப்பட்டு, கர்ப்பிணி சித்ரா மற்றும் சண்முகநாதன் பாளையங்கோட்டை மருத்துவக் கல்லூரி மருத்துவமனைக்கு அனுப்பி வைக்கப்பட்டனர். அவர்கள் புறப்பட்டுச் சென்ற பின்னரே சாத்தான்குளத்தில் இருந்து 108 வாகனம் ஸ்ரீவைகுண்டம் அரசு மருத்துவமனைக்கு வந்து சேர்ந்துள்ளது. கடந்த 10 முதல் 12 ஆண்டுகளுக்கு முன்பு ஸ்ரீவைகுண்டம் மருத்துவமனைக்கு தனியாக ஆம்புலன்ஸ் வசதி இருந்த நிலையில், தற்சமயம் அது இல்லாமல் பொதுமக்கள் மிகுந்த சிரமத்தைச் சந்தித்து வருகின்றனர். அவசர சிகிச்சை பகுதியைக் கொண்ட ஸ்ரீவைகுண்டம் அரசு மருத்துவமனைக்குத் தனியாக ஆம்புலன்ஸ் வசதியை ஏற்படுத்தித் தர வேண்டும் என தொகுதி சட்டமன்ற உறுப்பினர், மாவட்ட ஆட்சியர் மற்றும் பாராளுமன்ற உறுப்பினருக்கு, மக்கள் பணியில் ஸ்ரீவைகுண்டம் இ.சித்திரைவேல், ஊர்ப் பொதுமக்கள் மற்றும் சமூக ஆர்வலர்கள் சார்பாகக் கோரிக்கை விடுக்கப்பட்டுள்ளது.

தேனி மாவட்டம், கம்பம் அருகே உள்ள ஊத்துக்காடு கிராமத்தில், நகராட்சி குப்பை வாகனங்கள் சிறைபிடிக்கப்பட்டன. கம்பம் நகராட்சி, தனியார் தோட்டத்தில் உள்ள பயன்பாடற்ற கிணற்றில் குப்பைகளை கொட்ட முயன்றதை எதிர்த்து, கிராம மக்கள் போராட்டத்தில் ஈடுபட்டனர். குப்பைகள் கொட்டப்பட்டால் நிலத்தடி நீர் பாதிக்கப்படுவதுடன் துர்நாற்றம் ஏற்படும் எனக் கூறி மக்கள் எதிர்ப்பு தெரிவித்தனர். தகவலறிந்து சம்பவ இடத்திற்கு வந்த நகராட்சி, பேரூராட்சி அதிகாரிகள் மற்றும் உத்தமபாளையம் காவல்துறையினர் பொதுமக்களுடன் பேச்சுவார்த்தை நடத்தினர். இனிமேல் நகராட்சிக்கான குப்பைகள் கொட்டப்படாது, பாதிப்பு ஏற்படாது என உறுதியளிக்கப்பட்ட பின்னரே குப்பைகளை கொட்ட அனுமதிக்கப்படும் என பொதுமக்கள் தெரிவித்ததைத் தொடர்ந்து, நகராட்சி வாகனங்கள் திருப்பி அனுப்பப்பட்டன.

மதுரை அலங்காநல்லூர் - பாலமேடு மெயின்ரோடு ரெங்கராஜபுரத்தில் அமைந்துள்ள கிரிப்டோ மல்டிஸ்பெஷாலிட்டி மருத்துவமனையில் பொதுமக்களுக்கு முற்றிலும் இலவச மருத்துவ ஆலோசனை வழங்கப்படுகிறது. இந்த மருத்துவமனையில் அனுபவம் மிகுந்த மற்றும் மக்கள் சேவையாற்றும் மருத்துவர்களான Dr. PAUL (M.B.B.S), Dr. MURUGAPANDI (M.B.B.S., D.C.H), Dr. HARIKARAN (M.S. Ortho) மற்றும் Dr. DIVYA (M.S. O.G) ஆகியோர் இலவசமாக மருத்துவ ஆலோசனைகளை வழங்குகின்றனர்.