રાજકોટ જિલ્લાના ધોરાજી શહેરમાં નગરપાલિકા તંત્ર દ્વારા શહેરની સુંદરતા વધારવા અને લોકોની સુવિધા માટે આશરે ₹1.43 કરોડના ખર્ચે 'આઇકોનિક રોડ' અને 'નિર્મળ પથ' બનાવવામાં આવ્યો હતો. જોકે, તંત્રની ઘોર બેદરકારી અને વહીવટી ઉદાસીનતાના કારણે આજે આ પ્રોજેક્ટ ફક્ત શોભાના ગાંઠિયા સમાન બની ગયો છે, જ્યાંથી પસાર થવું સ્થાનિકો અને મોર્નિંગ વોકર્સ માટે મુશ્કેલ બન્યું છે. આ નિર્મળ પથની બિલકુલ બાજુમાંથી પસાર થતી નદી દૂષિત પાણી, કચરા અને ગાંડી વેલથી ખદબદી રહી છે, જેના કારણે અસહ્ય દુર્ગંધ અને મચ્છરોનો ત્રાસ વધી ગયો છે. આ સ્થિતિ અહીં આવતા લોકોના સ્વાસ્થ્ય માટે જોખમ ઊભું કરી રહી છે. નવાઈની વાત એ છે કે જ્યારે આ નિર્મળ પથનું નિર્માણ કાર્ય ચાલુ હતું, ત્યારે જ તેમાં મોટા પાયે ભ્રષ્ટાચાર થયાના આક્ષેપો ઉઠ્યા હતા, પરંતુ આજદિન સુધી તંત્ર દ્વારા તેની કોઈ યોગ્ય તપાસ કરાઈ નથી. પ્રોજેક્ટ બન્યા પછી ક્યારેય નદીની સફાઈ કે પથની જાળવણી કરવામાં આવી નથી. આજે કરોડો રૂપિયાના ખર્ચે બનેલો આ આઇકોનિક રોડ બિસ્માર બની ગયો છે, જેના કારણે સિનિયર સિટીઝન્સ અને અન્ય લોકોને ચાલવામાં ભારે મુશ્કેલી પડે છે. ધોરાજીના રહીશો સલીમભાઈ મોગલ, પૂજાબેન મહેતા અને સંદીપભાઈ અમીપરા સહિત અન્ય સ્થાનિકોની ઉગ્ર માંગ છે કે રોડનું તાત્કાલિક રિપેરિંગ કરવામાં આવે અને નદીની નિયમિત સાફ-સફાઈ તથા યોગ્ય જાળવણી થાય, જેથી કરોડો રૂપિયાનો આ પ્રોજેક્ટ ખરા અર્થમાં 'નિર્મળ' બની રહે અને લોકો માટે આશીર્વાદરૂપ સાબિત થાય.

Alpesh trivedi

Courier service ધોરાજી, રાજકોટ, ગુજરાત•

8 hrs ago

રાજકોટ જિલ્લાના ધોરાજી શહેરમાં નગરપાલિકા તંત્ર દ્વારા શહેરની સુંદરતા વધારવા અને લોકોની સુવિધા માટે આશરે ₹1.43 કરોડના ખર્ચે 'આઇકોનિક રોડ' અને 'નિર્મળ પથ' બનાવવામાં આવ્યો હતો. જોકે, તંત્રની ઘોર બેદરકારી અને વહીવટી ઉદાસીનતાના કારણે આજે આ પ્રોજેક્ટ ફક્ત શોભાના ગાંઠિયા સમાન બની ગયો છે, જ્યાંથી પસાર થવું સ્થાનિકો અને મોર્નિંગ વોકર્સ માટે મુશ્કેલ બન્યું છે. આ નિર્મળ પથની બિલકુલ બાજુમાંથી પસાર થતી નદી દૂષિત પાણી, કચરા અને ગાંડી વેલથી ખદબદી રહી છે, જેના કારણે અસહ્ય દુર્ગંધ અને મચ્છરોનો ત્રાસ વધી ગયો છે. આ સ્થિતિ અહીં આવતા લોકોના સ્વાસ્થ્ય માટે જોખમ ઊભું કરી રહી છે. નવાઈની વાત એ છે કે જ્યારે આ નિર્મળ પથનું નિર્માણ કાર્ય ચાલુ હતું, ત્યારે જ તેમાં મોટા પાયે ભ્રષ્ટાચાર થયાના આક્ષેપો ઉઠ્યા હતા, પરંતુ આજદિન સુધી તંત્ર દ્વારા તેની કોઈ યોગ્ય તપાસ કરાઈ નથી. પ્રોજેક્ટ બન્યા પછી ક્યારેય નદીની સફાઈ કે પથની જાળવણી કરવામાં આવી નથી. આજે કરોડો રૂપિયાના ખર્ચે બનેલો આ આઇકોનિક રોડ બિસ્માર બની ગયો છે, જેના કારણે સિનિયર સિટીઝન્સ અને અન્ય લોકોને ચાલવામાં ભારે મુશ્કેલી પડે છે. ધોરાજીના રહીશો સલીમભાઈ મોગલ, પૂજાબેન મહેતા અને સંદીપભાઈ અમીપરા સહિત અન્ય સ્થાનિકોની ઉગ્ર માંગ છે કે રોડનું તાત્કાલિક રિપેરિંગ કરવામાં આવે અને નદીની નિયમિત સાફ-સફાઈ તથા યોગ્ય જાળવણી થાય, જેથી કરોડો રૂપિયાનો આ પ્રોજેક્ટ ખરા અર્થમાં 'નિર્મળ' બની રહે અને લોકો માટે આશીર્વાદરૂપ સાબિત થાય.