यशोधरा नगरात महिलेचे सोन्याचे मंगळसूत्र लांबवणारे २ भामटे पसार; आदर्श नगरात घरफोडीचा प्रयत्न ​खामगाव : दूध घेऊन पायी घराकडे परतणाऱ्या एका ५६ वर्षीय महिलेच्या गळ्यातील सोन्याचे मंगळसूत्र अज्ञात दोन दुचाकीस्वारांनी बळजबरीने हिसकावून पळ काढल्याची धक्कादायक घटना यशोधरा नगर भागात घडली. या घटनेने परिसरात एकच खळबळ उडाली असून, खामगाव शहर पोलीस ठाण्यात अज्ञात आरोपींविरुद्ध गुन्हा दाखल करण्यात आला आहे. ​मिळालेल्या माहितीनुसार, शंकर नगर येथील रहिवासी सौ. शशीकला जनार्दन सपकाळ (वय ५६) या गुरुवारी, २७ ऑगस्ट रोजी सायंकाळी ७:०० ते ७:१५ वाजेच्या सुमारास दूध घेऊन पायी घराकडे परत जात होत्या. दरम्यान, यशोधरा नगर परिसरात समोरून काळ्या रंगाच्या मोटारसायकलवरून आलेल्या दोन अज्ञात भामट्यांपैकी मागे बसलेल्या इसमाने त्यांच्या गळ्यातील १५ ग्रॅम वजनाची सोन्याची मंगळसूत्राची शॉर्ट गंठण पोत किंमत अंदाजे ७९ हजार २४५ रुपये बळजबरीने हिसकावून पोबारा केला. ​घटनेनंतर पीडित महिलेने तत्काळ खामगाव शहर पोलीस ठाण्यात धाव घेऊन तक्रार नोंदवली. सौ. शशिकला सपकाळ यांच्या फिर्यादीवरून शहर पोलिसांनी कलम ३०४(२), ३(५) बीएनएस अन्वये अज्ञात आरोपींविरुद्ध गुन्हा दाखल केला आहे. या प्रकरणाचा पुढील तपास पोलीस हेड कॉन्स्टेबल भीमराव वानखेडे करत आहेत. दरम्यान, काल मध्यरात्रीच्या सुमारास याच परिसराला लागून असलेल्या आदर्श नगर भागात तीन अज्ञात चोरट्यांनी चव्हाण यांच्या घराचे कुलूप तोडून घरफोडी करण्याचा प्रयत्न केला. सुदैवाने हा प्रयत्न अयशस्वी ठरला असला तरी, लागोपाठ घडलेल्या या घटनांमुळे परिसरात चोरट्यांची दहशत निर्माण झाली आहे. ​भरवस्तीत सायंकाळच्या वेळी मंगळसूत्र लांबवणे आणि मध्यरात्री घरफोडीचा प्रयत्न झाल्याने नागरिकांमध्ये तीव्र भीतीचे वातावरण पसरले आहे. पोलिसांनी रात्रीची गस्त वाढवून या दोन्ही घटनांतील संशयित आरोपींना तत्काळ अटक करावी, अशी जोरदार मागणी नागरिकांमधून होत आहे.

Shivaji Bhosale

Journalist खामगाव, बुलढाणा, महाराष्ट्र•

8 hrs ago

यशोधरा नगरात महिलेचे सोन्याचे मंगळसूत्र लांबवणारे २ भामटे पसार; आदर्श नगरात घरफोडीचा प्रयत्न ​खामगाव : दूध घेऊन पायी घराकडे परतणाऱ्या एका ५६ वर्षीय महिलेच्या गळ्यातील सोन्याचे मंगळसूत्र अज्ञात दोन दुचाकीस्वारांनी बळजबरीने हिसकावून पळ काढल्याची धक्कादायक घटना यशोधरा नगर भागात घडली. या घटनेने परिसरात एकच खळबळ उडाली असून, खामगाव शहर पोलीस ठाण्यात अज्ञात आरोपींविरुद्ध गुन्हा दाखल करण्यात आला आहे. ​मिळालेल्या माहितीनुसार, शंकर नगर येथील रहिवासी सौ. शशीकला जनार्दन सपकाळ (वय ५६) या गुरुवारी, २७ ऑगस्ट रोजी सायंकाळी ७:०० ते ७:१५ वाजेच्या सुमारास दूध घेऊन पायी घराकडे परत जात होत्या. दरम्यान, यशोधरा नगर परिसरात समोरून काळ्या रंगाच्या मोटारसायकलवरून आलेल्या दोन अज्ञात भामट्यांपैकी मागे बसलेल्या इसमाने त्यांच्या गळ्यातील १५ ग्रॅम वजनाची सोन्याची मंगळसूत्राची शॉर्ट गंठण पोत किंमत अंदाजे ७९ हजार २४५ रुपये बळजबरीने हिसकावून पोबारा केला. ​घटनेनंतर पीडित महिलेने तत्काळ खामगाव शहर पोलीस ठाण्यात धाव घेऊन तक्रार नोंदवली. सौ. शशिकला सपकाळ यांच्या फिर्यादीवरून शहर पोलिसांनी कलम ३०४(२), ३(५) बीएनएस अन्वये अज्ञात आरोपींविरुद्ध गुन्हा दाखल केला आहे. या प्रकरणाचा पुढील तपास पोलीस हेड कॉन्स्टेबल भीमराव वानखेडे करत आहेत. दरम्यान, काल मध्यरात्रीच्या सुमारास याच परिसराला लागून असलेल्या आदर्श नगर भागात तीन अज्ञात चोरट्यांनी चव्हाण यांच्या घराचे कुलूप तोडून घरफोडी करण्याचा प्रयत्न केला. सुदैवाने हा प्रयत्न अयशस्वी ठरला असला तरी, लागोपाठ घडलेल्या या घटनांमुळे परिसरात चोरट्यांची दहशत निर्माण झाली आहे. ​भरवस्तीत सायंकाळच्या वेळी मंगळसूत्र लांबवणे आणि मध्यरात्री घरफोडीचा प्रयत्न झाल्याने नागरिकांमध्ये तीव्र भीतीचे वातावरण पसरले आहे. पोलिसांनी रात्रीची गस्त वाढवून या दोन्ही घटनांतील संशयित आरोपींना तत्काळ अटक करावी, अशी जोरदार मागणी नागरिकांमधून होत आहे.