बालकांच्या मृत्यू प्रकरणाची चौकशी करण्याची मागणी पालक व नातेवाईकांनी प्रशासनास दिले निवेदन अहेरी : अहेरी तालुक्यातील कोपेवंचा गावात लसीकरणानंतर दोन महिन्यांच्या बालकाचा काही तासांतच मृत्यू झाल्याची घटना समोर आली आहे. या घटनेमुळे गावात शोककळा पसरली असून, बालकाच्या मृत्यूची सखोल चौकशी करून संबंधितांची जबाबदारी निश्चित करावी, अशी मागणी पालक व नातेवाईकांनी प्रशासनाकडे निवेदनाद्वारे केली आहे. ७ सप्टेंबर २०२६ रोजी पेरमिली प्राथमिक आरोग्य केंद्राच्या हद्दीतील कोपेवंचा येथे नियमित लसीकरणासाठी आरोग्य विभागाचे कर्मचारी शामराव दोगे तलाडे यांच्या घरी गेले होते. यावेळी त्यांच्या दोन महिन्यांच्या बालकाला चार इंजेक्शन्स आणि दोन थेंब औषध देण्यात आल्याचे पालकांचे म्हणणे आहे. लसीकरणानंतर काही तासांतच बालकाचा मृत्यू झाल्याने कुटुंबीयांना मोठा धक्का बसला. बालक लसीकरणापूर्वी सुदृढ होते, असा दावा पालकांनी केला असून, लसीकरणानंतर अचानक प्रकृती बिघडून मृत्यू झाल्याने या घटनेबाबत संशय निर्माण झाल्याचे त्यांनी निवेदनात म्हटले आहे. लसीकरण करणारे कर्मचारी तसेच संबंधित वैद्यकीय अधिकाऱ्यांच्या भूमिकेची चौकशी करून निष्काळजीपणा आढळल्यास कठोर कारवाई करावी, अशी मागणी करण्यात आली आहे. या प्रकरणी उपविभागीय अधिकारी, अहेरी यांच्यामार्फत शासनातील संबंधित वरिष्ठ अधिकाऱ्यांना निवेदन सादर करण्यात आले आहे. मृत्यूचे नेमके कारण वैद्यकीय तपासणीतून स्पष्ट व्हावे आणि संपूर्ण प्रकरणाची निष्पक्ष चौकशी करण्यात यावी, अशी मागणी कुटुंबीयांनी केली आहे.

विवेक मीरालवार

Pharmacist अहेरी, गडचिरोली, महाराष्ट्र•

12 hrs ago

बालकांच्या मृत्यू प्रकरणाची चौकशी करण्याची मागणी पालक व नातेवाईकांनी प्रशासनास दिले निवेदन अहेरी : अहेरी तालुक्यातील कोपेवंचा गावात लसीकरणानंतर दोन महिन्यांच्या बालकाचा काही तासांतच मृत्यू झाल्याची घटना समोर आली आहे. या घटनेमुळे गावात शोककळा पसरली असून, बालकाच्या मृत्यूची सखोल चौकशी करून संबंधितांची जबाबदारी निश्चित करावी, अशी मागणी पालक व नातेवाईकांनी प्रशासनाकडे निवेदनाद्वारे केली आहे. ७ सप्टेंबर २०२६ रोजी पेरमिली प्राथमिक आरोग्य केंद्राच्या हद्दीतील कोपेवंचा येथे नियमित लसीकरणासाठी आरोग्य विभागाचे कर्मचारी शामराव दोगे तलाडे यांच्या घरी गेले होते. यावेळी त्यांच्या दोन महिन्यांच्या बालकाला चार इंजेक्शन्स आणि दोन थेंब औषध देण्यात आल्याचे पालकांचे म्हणणे आहे. लसीकरणानंतर काही तासांतच बालकाचा मृत्यू झाल्याने कुटुंबीयांना मोठा धक्का बसला. बालक लसीकरणापूर्वी सुदृढ होते, असा दावा पालकांनी केला असून, लसीकरणानंतर अचानक प्रकृती बिघडून मृत्यू झाल्याने या घटनेबाबत संशय निर्माण झाल्याचे त्यांनी निवेदनात म्हटले आहे. लसीकरण करणारे कर्मचारी तसेच संबंधित वैद्यकीय अधिकाऱ्यांच्या भूमिकेची चौकशी करून निष्काळजीपणा आढळल्यास कठोर कारवाई करावी, अशी मागणी करण्यात आली आहे. या प्रकरणी उपविभागीय अधिकारी, अहेरी यांच्यामार्फत शासनातील संबंधित वरिष्ठ अधिकाऱ्यांना निवेदन सादर करण्यात आले आहे. मृत्यूचे नेमके कारण वैद्यकीय तपासणीतून स्पष्ट व्हावे आणि संपूर्ण प्रकरणाची निष्पक्ष चौकशी करण्यात यावी, अशी मागणी कुटुंबीयांनी केली आहे.