ବୌଦ୍ଧ ଜିଲ୍ଲାର ହରଭଙ୍ଗା ବ୍ଲକ ଅନ୍ତର୍ଗତ ତିଲେଶ୍ୱର ପଞ୍ଚାୟତର ବୁରୁବୁଡ଼ା ଶିବ ମନ୍ଦିରରେ ଏଥର ମହାସମାରୋହରେ ଶୀତଳଷଷ୍ଠୀ ଉତ୍ସବ ପାଳିତ ହୋଇଛି। ଆଞ୍ଚଳିକ ବାବା ଗୁପ୍ତେଶ୍ୱର ମନ୍ଦିର ପରିଚାଳନା କମିଟି ପକ୍ଷରୁ ଆୟୋଜିତ ଏହି ଶିବ ବିବାହ ଉତ୍ସବ ଚଳିତ ବର୍ଷ ଅତ୍ୟନ୍ତ ଆକର୍ଷଣୀୟ ଭାବେ ଆୟୋଜିତ ହୋଇଥିଲା। ଚଳିତ ବର୍ଷ ତିଲେଶ୍ୱର ଗ୍ରାମର ପ୍ରିୟଲତା ଖାଡ଼େଙ୍ଗା ଓ ନାରାୟଣ ମହାନ୍ତି ମାତା ପାର୍ବତୀଙ୍କ ମାତାପିତା ଭାବେ କନ୍ୟାଦାନ କରିଥିଲେ। ସେହିପରି, ତିଲେଶ୍ୱର ଗ୍ରାମର ଜ୍ୟୋତିର୍ମୟୀ ପ୍ରଧାନ ଓ ପ୍ରାଣବନ୍ଧୁ ପ୍ରଧାନ ବାବା ଗୁପ୍ତେଶ୍ୱରଙ୍କ ମାତାପିତା ଭାବେ ବିବାହ କାର୍ଯ୍ୟ ସମ୍ପନ୍ନ କରିଥିଲେ। ଭୋର ସକାଳୁ ମନ୍ଦିରରେ ନୀତିକାନ୍ତି ସରିବା ପରେ ମାତା ପାର୍ବତୀ ଓ ମହାଦେବଙ୍କୁ ଏକ ବିରାଟ ସାଂସ୍କୃତିକ ଶୋଭାଯାତ୍ରାରେ ଉଭୟ ବର ପିତା ଓ କନ୍ୟା ପିତାଙ୍କ ଘରକୁ ଅଣାଯାଇଥିଲା। ମନ୍ଦିର ପକ୍ଷରୁ ଏହି ବର୍ଷ ସୁନାର ଏକ ୩୦ ଗ୍ରାମର ତ୍ରିଶୂଳ ଓ ୧୦୦ ଗ୍ରାମ ଲେଖାଏଁ ରୂପା ସହ ବିଭିନ୍ନ ନୀତିକାନ୍ତି ଶତାଧିକ ଶ୍ରଦ୍ଧାଳୁଙ୍କ ଗହଣରେ ସମାପ୍ତ ହୋଇଥିଲା। କେବଳ ଦୁଇ ପରିବାର ନୁହେଁ, ସମଗ୍ର ତିଲେଶ୍ୱର ଅଞ୍ଚଳ ଉତ୍ସବମୁଖର ହୋଇଉଠିଥିଲା। ସନ୍ଧ୍ୟାରେ ବାବା ଗୁପ୍ତେଶ୍ୱରଙ୍କ ବରଯାତ୍ରୀରେ ପାରମ୍ପରିକ ଦଣ୍ଡନୃତ୍ୟ ସହିତ ଦୁଲଦୁଲି, ଅଘୋରୀ ନୃତ୍ୟ, କୃଷ୍ଣଗୁରୁ ଓ ନାମସଂକୀର୍ତ୍ତନରେ ତିଲେଶ୍ୱର ବଜାର ପ୍ରକମ୍ପିତ ହୋଇଥିଲା। ହଜାର ହଜାର ଶ୍ରଦ୍ଧାଳୁ ଏହି ବରଯାତ୍ରୀ ଶୋଭାଯାତ୍ରାରେ ସାମିଲ ହୋଇ ନୃତ୍ୟ ଓ ବାଦ୍ୟର ତାଳେ ତାଳେ ଝୁମିଥିଲେ। ଏହି ଶୋଭାଯାତ୍ରା ମହାଦେବ ମନ୍ଦିରରେ ପହଞ୍ଚିବା ପରେ କନ୍ୟା ଘର ପକ୍ଷରୁ ମହାଦେବଙ୍କୁ ସ୍ୱାଗତ କରାଯାଇ ବେଦୀକୁ ପାଛୋଟି ଅଣାଯାଇଥିଲା। ସେଠାରେ ବାବା ଗୁପ୍ତେଶ୍ୱର ଓ ମାତା ପାର୍ବତୀଙ୍କ ବିବାହ ବୈଦିକ ରୀତିନୀତିରେ ସମ୍ପୂର୍ଣ୍ଣ ହୋଇଥିଲା।

Priya brata sahoo

ବୌଦ୍ଧ ସଦର, ବୌଦ୍ଧ, ଓଡ଼ିଶା•

22 hrs ago

ବୌଦ୍ଧ ଜିଲ୍ଲାର ହରଭଙ୍ଗା ବ୍ଲକ ଅନ୍ତର୍ଗତ ତିଲେଶ୍ୱର ପଞ୍ଚାୟତର ବୁରୁବୁଡ଼ା ଶିବ ମନ୍ଦିରରେ ଏଥର ମହାସମାରୋହରେ ଶୀତଳଷଷ୍ଠୀ ଉତ୍ସବ ପାଳିତ ହୋଇଛି। ଆଞ୍ଚଳିକ ବାବା ଗୁପ୍ତେଶ୍ୱର ମନ୍ଦିର ପରିଚାଳନା କମିଟି ପକ୍ଷରୁ ଆୟୋଜିତ ଏହି ଶିବ ବିବାହ ଉତ୍ସବ ଚଳିତ ବର୍ଷ ଅତ୍ୟନ୍ତ ଆକର୍ଷଣୀୟ ଭାବେ ଆୟୋଜିତ ହୋଇଥିଲା। ଚଳିତ ବର୍ଷ ତିଲେଶ୍ୱର ଗ୍ରାମର ପ୍ରିୟଲତା ଖାଡ଼େଙ୍ଗା ଓ ନାରାୟଣ ମହାନ୍ତି ମାତା ପାର୍ବତୀଙ୍କ ମାତାପିତା ଭାବେ କନ୍ୟାଦାନ କରିଥିଲେ। ସେହିପରି, ତିଲେଶ୍ୱର ଗ୍ରାମର ଜ୍ୟୋତିର୍ମୟୀ ପ୍ରଧାନ ଓ ପ୍ରାଣବନ୍ଧୁ ପ୍ରଧାନ ବାବା ଗୁପ୍ତେଶ୍ୱରଙ୍କ ମାତାପିତା ଭାବେ ବିବାହ କାର୍ଯ୍ୟ ସମ୍ପନ୍ନ କରିଥିଲେ। ଭୋର ସକାଳୁ ମନ୍ଦିରରେ ନୀତିକାନ୍ତି ସରିବା ପରେ ମାତା ପାର୍ବତୀ ଓ ମହାଦେବଙ୍କୁ ଏକ ବିରାଟ ସାଂସ୍କୃତିକ ଶୋଭାଯାତ୍ରାରେ ଉଭୟ ବର ପିତା ଓ କନ୍ୟା ପିତାଙ୍କ ଘରକୁ ଅଣାଯାଇଥିଲା। ମନ୍ଦିର ପକ୍ଷରୁ ଏହି ବର୍ଷ ସୁନାର ଏକ ୩୦ ଗ୍ରାମର ତ୍ରିଶୂଳ ଓ ୧୦୦ ଗ୍ରାମ ଲେଖାଏଁ ରୂପା ସହ ବିଭିନ୍ନ ନୀତିକାନ୍ତି ଶତାଧିକ ଶ୍ରଦ୍ଧାଳୁଙ୍କ ଗହଣରେ ସମାପ୍ତ ହୋଇଥିଲା। କେବଳ ଦୁଇ ପରିବାର ନୁହେଁ, ସମଗ୍ର ତିଲେଶ୍ୱର ଅଞ୍ଚଳ ଉତ୍ସବମୁଖର ହୋଇଉଠିଥିଲା। ସନ୍ଧ୍ୟାରେ ବାବା ଗୁପ୍ତେଶ୍ୱରଙ୍କ ବରଯାତ୍ରୀରେ ପାରମ୍ପରିକ ଦଣ୍ଡନୃତ୍ୟ ସହିତ ଦୁଲଦୁଲି, ଅଘୋରୀ ନୃତ୍ୟ, କୃଷ୍ଣଗୁରୁ ଓ ନାମସଂକୀର୍ତ୍ତନରେ ତିଲେଶ୍ୱର ବଜାର ପ୍ରକମ୍ପିତ ହୋଇଥିଲା। ହଜାର ହଜାର ଶ୍ରଦ୍ଧାଳୁ ଏହି ବରଯାତ୍ରୀ ଶୋଭାଯାତ୍ରାରେ ସାମିଲ ହୋଇ ନୃତ୍ୟ ଓ ବାଦ୍ୟର ତାଳେ ତାଳେ ଝୁମିଥିଲେ। ଏହି ଶୋଭାଯାତ୍ରା ମହାଦେବ ମନ୍ଦିରରେ ପହଞ୍ଚିବା ପରେ କନ୍ୟା ଘର ପକ୍ଷରୁ ମହାଦେବଙ୍କୁ ସ୍ୱାଗତ କରାଯାଇ ବେଦୀକୁ ପାଛୋଟି ଅଣାଯାଇଥିଲା। ସେଠାରେ ବାବା ଗୁପ୍ତେଶ୍ୱର ଓ ମାତା ପାର୍ବତୀଙ୍କ ବିବାହ ବୈଦିକ ରୀତିନୀତିରେ ସମ୍ପୂର୍ଣ୍ଣ ହୋଇଥିଲା।