महाराष्ट्रातील चित्रपट, दूरदर्शन मालिका आणि वेब मालिकांच्या चित्रीकरण स्थळांवर पुरविल्या जाणाऱ्या अन्नाच्या खालावलेल्या दर्जाबाबत राष्ट्रवादी चित्रपट सांस्कृतिक विभागाने गंभीर चिंता व्यक्त केली आहे. या पार्श्वभूमीवर, राज्यातील सर्व शूटिंग स्थळांवर अचानक अन्नसुरक्षा तपासणी मोहीम राबविण्याची मागणी संघटनेने अन्न व औषध प्रशासनाचे आयुक्त तुकाराम मुंढे यांच्याकडे एका निवेदनाद्वारे केली आहे. चित्रीकरण स्थळांवर अनेकदा निकृष्ट, अस्वच्छ आणि अन्नसुरक्षा नियमांचे उल्लंघन करणारे अन्न पुरविले जात असल्याच्या तक्रारी सातत्याने समोर येत असल्याने ही तातडीची मागणी करण्यात आली आहे. चित्रपटसृष्टीतील कलाकार, तंत्रज्ञ, मेकअप आर्टिस्ट, लाईटमन, स्पॉटबॉय आणि इतर कामगारांना दिवसाला १२ ते १६ तास कठोर काम करावे लागते. अशा वेळी त्यांना दर्जेदार आणि पौष्टिक अन्न मिळणे आवश्यक असताना, केवळ खर्च कमी करण्यासाठी निकृष्ट दर्जाचे साहित्य वापरले जात असल्याचा आरोप संघटनेने केला आहे. विशेषतः आउटडोअर शूटिंग दरम्यान अन्न साठवणूक, पिण्याचे पाणी आणि स्वयंपाकाच्या स्वच्छतेकडे दुर्लक्ष केले जाते. यामुळे कामगारांना अन्न विषबाधा, पोटाचे विकार, संसर्गजन्य आजार आणि निर्जलीकरणासारख्या गंभीर आरोग्य समस्यांना सामोरे जावे लागत असून त्याचा परिणाम संपूर्ण निर्मिती प्रक्रियेवर होत आहे. या समस्येचे निवारण करण्यासाठी राष्ट्रवादी चित्रपट सांस्कृतिक विभागाने प्रशासनाकडे अन्न नमुन्यांची तपासणी करणे, केटरिंग कंत्राटदारांचे परवाने तपासणे आणि दोषींवर दंडात्मक कारवाई करून त्यांचे परवाने रद्द करण्याची मागणी केली आहे. याशिवाय, सर्व चित्रीकरण स्थळांसाठी अन्न पुरवठादारांची अनिवार्य नोंदणी, शुद्ध पिण्याचे पाणी आणि स्वयंपाक कर्मचाऱ्यांची नियमित वैद्यकीय तपासणी यासारखी स्वतंत्र मार्गदर्शक तत्त्वे तयार करण्याची गरज व्यक्त केली आहे. कलाकारांच्या तक्रारींसाठी स्वतंत्र हेल्पलाइन सुरू करण्याची मागणी करत, प्रशासनाने यावर तातडीने कठोर पावले उचलावीत आणि अन्नाच्या गुणवत्तेत कोणतीही तडजोड खपवून घेतली जाणार नाही, असा इशारा संघटनेने दिला आहे.

Anil Kachare

Event management company बीड, बीड, महाराष्ट्र•

6 hrs ago

महाराष्ट्रातील चित्रपट, दूरदर्शन मालिका आणि वेब मालिकांच्या चित्रीकरण स्थळांवर पुरविल्या जाणाऱ्या अन्नाच्या खालावलेल्या दर्जाबाबत राष्ट्रवादी चित्रपट सांस्कृतिक विभागाने गंभीर चिंता व्यक्त केली आहे. या पार्श्वभूमीवर, राज्यातील सर्व शूटिंग स्थळांवर अचानक अन्नसुरक्षा तपासणी मोहीम राबविण्याची मागणी संघटनेने अन्न व औषध प्रशासनाचे आयुक्त तुकाराम मुंढे यांच्याकडे एका निवेदनाद्वारे केली आहे. चित्रीकरण स्थळांवर अनेकदा निकृष्ट, अस्वच्छ आणि अन्नसुरक्षा नियमांचे उल्लंघन करणारे अन्न पुरविले जात असल्याच्या तक्रारी सातत्याने समोर येत असल्याने ही तातडीची मागणी करण्यात आली आहे. चित्रपटसृष्टीतील कलाकार, तंत्रज्ञ, मेकअप आर्टिस्ट, लाईटमन, स्पॉटबॉय आणि इतर कामगारांना दिवसाला १२ ते १६ तास कठोर काम करावे लागते. अशा वेळी त्यांना दर्जेदार आणि पौष्टिक अन्न मिळणे आवश्यक असताना, केवळ खर्च कमी करण्यासाठी निकृष्ट दर्जाचे साहित्य वापरले जात असल्याचा आरोप संघटनेने केला आहे. विशेषतः आउटडोअर शूटिंग दरम्यान अन्न साठवणूक, पिण्याचे पाणी आणि स्वयंपाकाच्या स्वच्छतेकडे दुर्लक्ष केले जाते. यामुळे कामगारांना अन्न विषबाधा, पोटाचे विकार, संसर्गजन्य आजार आणि निर्जलीकरणासारख्या गंभीर आरोग्य समस्यांना सामोरे जावे लागत असून त्याचा परिणाम संपूर्ण निर्मिती प्रक्रियेवर होत आहे. या समस्येचे निवारण करण्यासाठी राष्ट्रवादी चित्रपट सांस्कृतिक विभागाने प्रशासनाकडे अन्न नमुन्यांची तपासणी करणे, केटरिंग कंत्राटदारांचे परवाने तपासणे आणि दोषींवर दंडात्मक कारवाई करून त्यांचे परवाने रद्द करण्याची मागणी केली आहे. याशिवाय, सर्व चित्रीकरण स्थळांसाठी अन्न पुरवठादारांची अनिवार्य नोंदणी, शुद्ध पिण्याचे पाणी आणि स्वयंपाक कर्मचाऱ्यांची नियमित वैद्यकीय तपासणी यासारखी स्वतंत्र मार्गदर्शक तत्त्वे तयार करण्याची गरज व्यक्त केली आहे. कलाकारांच्या तक्रारींसाठी स्वतंत्र हेल्पलाइन सुरू करण्याची मागणी करत, प्रशासनाने यावर तातडीने कठोर पावले उचलावीत आणि अन्नाच्या गुणवत्तेत कोणतीही तडजोड खपवून घेतली जाणार नाही, असा इशारा संघटनेने दिला आहे.