ବଲାଙ୍ଗୀର ଜିଲ୍ଲାର ମୁରିବହାଲ ବ୍ଲକ ଅନ୍ତର୍ଗତ ହଳଦୀ ଗ୍ରାମ ପଞ୍ଚାୟତରେ ବିଧାୟକ ଲକ୍ଷ୍ମଣ ବାଗଙ୍କ ନିର୍ବାଚନ ମଣ୍ଡଳୀରେ ମନରେଗା ଯୋଜନାରେ ବ୍ୟାପକ ହେରାଫେରି ହେଉଥିବା ଅଭିଯୋଗ ହୋଇଛି। ବିନା ସୂଚନା ଫଳକରେ କୋଟି କୋଟି ଟଙ୍କାର କାମ ଚାଲିଛି ଏବଂ ୱାର୍ଡ ମେମ୍ବରମାନଙ୍କୁ ମଧ୍ୟ ଏ ସମ୍ପର୍କରେ କୌଣସି ସୂଚନା ଦିଆଯାଇ ନାହିଁ ବୋଲି ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ହଳଦୀ ଗ୍ରାମର ପାତାଳ ପଡ଼ାରେ ଏହି ଦୁର୍ନୀତି ଦେଖିବାକୁ ମିଳିଛି, ଯେଉଁଠାରେ ଦୁଇଟି ୱାର୍ଡରେ ଛଅ ଶହରୁ ଅଧିକ ଲୋକ ବାସ କରୁଥିଲେ ମଧ୍ୟ ପିଇବା ପାଣି ସମେତ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି। ଅଭିଯୋଗ ଅନୁଯାୟୀ, ସରପଞ୍ଚ ସମିନା ସେଠ୍ ସରପଞ୍ଚ ହେବା ପରଠାରୁ ଗାଁକୁ ଆସିନାହାନ୍ତି ଏବଂ ଜବ୍ କାର୍ଡ ଧାରୀମାନେ ନିୟମିତ ଭାବେ କାମରେ ସାମିଲ ହୋଇପାରୁ ନାହାନ୍ତି। ଗ୍ରାମର ହଡ଼ନକଟା ବନ୍ଧଠାରୁ ଚାଲିଥିବା ଏକ ନାଳ କାମରେ ମନରେଗା ନିୟମର ଉଲ୍ଲଂଘନ କରି ଜେସିବି ସାହାଯ୍ୟରେ କାର୍ଯ୍ୟ କରାଯାଉଥିବା ଏବଂ ଗାଁ ସାଥୀ ନୀଳାମ୍ବର ମହାକୁର ହଡ଼ନକଟା ବନ୍ଧରେ ମାଟି ଉନ୍ନତି ନ କରି ସରକାରୀ ଟଙ୍କା ଆତ୍ମସାତ କରୁଥିବା ଅଭିଯୋଗ ହୋଇଛି। ଗ୍ରାମବାସୀମାନେ ନାଳା କାମ କାହା ସ୍ୱାର୍ଥରେ ଚାଲିଛି ବୋଲି ପ୍ରଶ୍ନ କରିଛନ୍ତି। ଠିକାଦାର ସାଜିଥିବା ଗାଁ ସାଥୀ ନୀଳାମ୍ବର ମହାକୁର କୋଟି କୋଟି ଟଙ୍କାର କାମ ସମ୍ପର୍କରେ ୱାର୍ଡ ମେମ୍ବରମାନଙ୍କୁ ମଧ୍ୟ ଅବଗତ କରାଇ ନାହାନ୍ତି। କାର୍ଯ୍ୟରତ ପଞ୍ଚାୟତ ନିର୍ବାହୀ ଅଧିକାରୀ କିମ୍ବା ଜେଇ କେବେ ମଧ୍ୟ କାମ ଦେଖିବାକୁ ଆସୁନଥିବା ଅଭିଯୋଗ ହୋଇଛି। ନାଳ ପାର୍ଶ୍ୱରେ ନିର୍ମିତ କାନ୍ଥର ନିମ୍ନମାନର କାର୍ଯ୍ୟ ଦେଖିଲେ ଯେକେହି ଆଶ୍ଚର୍ଯ୍ୟ ହେବ ବୋଲି କୁହାଯାଇଛି। ଲୋକମାନେ ଉପରୁ ତଳ ଯାଏଁ ସମସ୍ତେ ଟଙ୍କା ଆତ୍ମସାତ କରିବାରେ ବ୍ୟସ୍ତ ଥିବା ଏବଂ ପିସି ପାଇଲେ ଚୁପ୍ ରହୁଥିବା ଅଭିଯୋଗ କରିଛନ୍ତି। ଏପରି ଦୁର୍ନୀତିକୁ ନେଇ ଲକ୍ଷ୍ମଣ ବାଗଙ୍କ ନିର୍ବାଚନ ମଣ୍ଡଳୀରେ ଏହା ଲୋକହସା ସୃଷ୍ଟି କରୁଥିବା ଚର୍ଚ୍ଚା ହେଉଛି। ଆଗାମୀ ଦିନରେ ପ୍ରଶାସନିକ ଅଧିକାରୀ ଏବଂ ବିଧାୟକ ଲକ୍ଷ୍ମଣ ବାଗ ଏ ନେଇ କି ପଦକ୍ଷେପ ନେଉଛନ୍ତି, ତାହା ଦେଖିବାକୁ ବାକି ରହିଲା।

Santosh Nayak PRESS

Local News Reporter Balangir, Odisha•

2 hrs ago

ବଲାଙ୍ଗୀର ଜିଲ୍ଲାର ମୁରିବହାଲ ବ୍ଲକ ଅନ୍ତର୍ଗତ ହଳଦୀ ଗ୍ରାମ ପଞ୍ଚାୟତରେ ବିଧାୟକ ଲକ୍ଷ୍ମଣ ବାଗଙ୍କ ନିର୍ବାଚନ ମଣ୍ଡଳୀରେ ମନରେଗା ଯୋଜନାରେ ବ୍ୟାପକ ହେରାଫେରି ହେଉଥିବା ଅଭିଯୋଗ ହୋଇଛି। ବିନା ସୂଚନା ଫଳକରେ କୋଟି କୋଟି ଟଙ୍କାର କାମ ଚାଲିଛି ଏବଂ ୱାର୍ଡ ମେମ୍ବରମାନଙ୍କୁ ମଧ୍ୟ ଏ ସମ୍ପର୍କରେ କୌଣସି ସୂଚନା ଦିଆଯାଇ ନାହିଁ ବୋଲି ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ହଳଦୀ ଗ୍ରାମର ପାତାଳ ପଡ଼ାରେ ଏହି ଦୁର୍ନୀତି ଦେଖିବାକୁ ମିଳିଛି, ଯେଉଁଠାରେ ଦୁଇଟି ୱାର୍ଡରେ ଛଅ ଶହରୁ ଅଧିକ ଲୋକ ବାସ କରୁଥିଲେ ମଧ୍ୟ ପିଇବା ପାଣି ସମେତ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି। ଅଭିଯୋଗ ଅନୁଯାୟୀ, ସରପଞ୍ଚ ସମିନା ସେଠ୍ ସରପଞ୍ଚ ହେବା ପରଠାରୁ ଗାଁକୁ ଆସିନାହାନ୍ତି ଏବଂ ଜବ୍ କାର୍ଡ ଧାରୀମାନେ ନିୟମିତ ଭାବେ କାମରେ ସାମିଲ ହୋଇପାରୁ ନାହାନ୍ତି। ଗ୍ରାମର ହଡ଼ନକଟା ବନ୍ଧଠାରୁ ଚାଲିଥିବା ଏକ ନାଳ କାମରେ ମନରେଗା ନିୟମର ଉଲ୍ଲଂଘନ କରି ଜେସିବି ସାହାଯ୍ୟରେ କାର୍ଯ୍ୟ କରାଯାଉଥିବା ଏବଂ ଗାଁ ସାଥୀ ନୀଳାମ୍ବର ମହାକୁର ହଡ଼ନକଟା ବନ୍ଧରେ ମାଟି ଉନ୍ନତି ନ କରି ସରକାରୀ ଟଙ୍କା ଆତ୍ମସାତ କରୁଥିବା ଅଭିଯୋଗ ହୋଇଛି। ଗ୍ରାମବାସୀମାନେ ନାଳା କାମ କାହା ସ୍ୱାର୍ଥରେ ଚାଲିଛି ବୋଲି ପ୍ରଶ୍ନ କରିଛନ୍ତି। ଠିକାଦାର ସାଜିଥିବା ଗାଁ ସାଥୀ ନୀଳାମ୍ବର ମହାକୁର କୋଟି କୋଟି ଟଙ୍କାର କାମ ସମ୍ପର୍କରେ ୱାର୍ଡ ମେମ୍ବରମାନଙ୍କୁ ମଧ୍ୟ ଅବଗତ କରାଇ ନାହାନ୍ତି। କାର୍ଯ୍ୟରତ ପଞ୍ଚାୟତ ନିର୍ବାହୀ ଅଧିକାରୀ କିମ୍ବା ଜେଇ କେବେ ମଧ୍ୟ କାମ ଦେଖିବାକୁ ଆସୁନଥିବା ଅଭିଯୋଗ ହୋଇଛି। ନାଳ ପାର୍ଶ୍ୱରେ ନିର୍ମିତ କାନ୍ଥର ନିମ୍ନମାନର କାର୍ଯ୍ୟ ଦେଖିଲେ ଯେକେହି ଆଶ୍ଚର୍ଯ୍ୟ ହେବ ବୋଲି କୁହାଯାଇଛି। ଲୋକମାନେ ଉପରୁ ତଳ ଯାଏଁ ସମସ୍ତେ ଟଙ୍କା ଆତ୍ମସାତ କରିବାରେ ବ୍ୟସ୍ତ ଥିବା ଏବଂ ପିସି ପାଇଲେ ଚୁପ୍ ରହୁଥିବା ଅଭିଯୋଗ କରିଛନ୍ତି। ଏପରି ଦୁର୍ନୀତିକୁ ନେଇ ଲକ୍ଷ୍ମଣ ବାଗଙ୍କ ନିର୍ବାଚନ ମଣ୍ଡଳୀରେ ଏହା ଲୋକହସା ସୃଷ୍ଟି କରୁଥିବା ଚର୍ଚ୍ଚା ହେଉଛି। ଆଗାମୀ ଦିନରେ ପ୍ରଶାସନିକ ଅଧିକାରୀ ଏବଂ ବିଧାୟକ ଲକ୍ଷ୍ମଣ ବାଗ ଏ ନେଇ କି ପଦକ୍ଷେପ ନେଉଛନ୍ତି, ତାହା ଦେଖିବାକୁ ବାକି ରହିଲା।