நெல்லை டவுன் அருகே இன்று காலை மர்ம நபர்கள் நடத்திய கொடூர தாக்குதலில் பிளம்பர் ஒருவர் வெட்டிக்கொலை செய்யப்பட்ட சம்பவம் பெரும் பரபரப்பை ஏற்படுத்தியுள்ளது. நெல்லை டவுன் பாறையடி மந்திரமூர்த்தி தெருவைச் சேர்ந்த குருநாதனின் மகன் ஆவுடையப்பன் (38) என்பவர் பிளம்பராக பணியாற்றி வந்தார். திருமணமான இவருக்கு மனைவியும் இரண்டு குழந்தைகளும் உள்ளனர். இன்று காலை சுமார் 9.15 மணியளவில், சங்கரன்கோவில்–நெல்லை டவுன் மெயின் சாலையில் உள்ள கோட்டையடி சுடுகாடு அருகே ஆவுடையப்பன் நடந்து சென்று கொண்டிருந்தபோது, அங்கு வந்த மர்ம நபர்கள் அவரை வழிமறித்து அரிவாளால் சரமாரியாக வெட்டித் தள்ளினர். இதில் பலத்த காயமடைந்த அவர் சம்பவ இடத்திலேயே ரத்த வெள்ளத்தில் பரிதாபமாக உயிரிழந்தார். இச்சம்பவம் குறித்து தகவல் அறிந்து சம்பவ இடத்திற்கு விரைந்த நெல்லை டவுன் போலீசார், ஆவுடையப்பனின் உடலை மீட்டு பிரேதப் பரிசோதனைக்கு அனுப்ப முயன்றனர். ஆனால், குற்றவாளிகளை உடனடியாக கைது செய்ய வேண்டும் என்று வலியுறுத்தி அவரது உறவினர்கள் போலீசாரை தடுத்து நிறுத்தி வாக்குவாதத்தில் ஈடுபட்டனர். இதனால் அங்கு பதற்றமான சூழல் நிலவியதை அடுத்து, சம்பவ இடத்திற்கு வந்த காவல்துறை துணை ஆணையர் அன்சூர் நாகர் உறவினர்களுடன் சமரச பேச்சுவார்த்தை நடத்தினார். குற்றவாளிகள் விரைவில் கைது செய்யப்படுவார்கள் என்று அவர் உறுதியளித்ததை அடுத்து, ஆவுடையப்பனின் உடல் உடற்கூறு ஆய்விற்காக ஆம்புலன்ஸ் மூலம் பாளையங்கோட்டை அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டது. கொலையாளிகளை விரைந்து பிடிக்க மோப்பநாய் வரவழைக்கப்பட்டு சோதனை நடத்தப்பட்டதுடன், தனிப்படைகள் அமைத்து போலீசார் தீவிர விசாரணை மேற்கொண்டு வருகின்றனர். பட்டப்பகலில் நடந்த இந்த கொடூர கொலைச் சம்பவம் நெல்லை பகுதியில் பெரும் அதிர்ச்சியையும் பயத்தையும் ஏற்படுத்தியுள்ளது.

N balu Nbalu

Journalist Thoothukkudi, Tuticorin•

3 hrs ago

நெல்லை டவுன் அருகே இன்று காலை மர்ம நபர்கள் நடத்திய கொடூர தாக்குதலில் பிளம்பர் ஒருவர் வெட்டிக்கொலை செய்யப்பட்ட சம்பவம் பெரும் பரபரப்பை ஏற்படுத்தியுள்ளது. நெல்லை டவுன் பாறையடி மந்திரமூர்த்தி தெருவைச் சேர்ந்த குருநாதனின் மகன் ஆவுடையப்பன் (38) என்பவர் பிளம்பராக பணியாற்றி வந்தார். திருமணமான இவருக்கு மனைவியும் இரண்டு குழந்தைகளும் உள்ளனர். இன்று காலை சுமார் 9.15 மணியளவில், சங்கரன்கோவில்–நெல்லை டவுன் மெயின் சாலையில் உள்ள கோட்டையடி சுடுகாடு அருகே ஆவுடையப்பன் நடந்து சென்று கொண்டிருந்தபோது, அங்கு வந்த மர்ம நபர்கள் அவரை வழிமறித்து அரிவாளால் சரமாரியாக வெட்டித் தள்ளினர். இதில் பலத்த காயமடைந்த அவர் சம்பவ இடத்திலேயே ரத்த வெள்ளத்தில் பரிதாபமாக உயிரிழந்தார். இச்சம்பவம் குறித்து தகவல் அறிந்து சம்பவ இடத்திற்கு விரைந்த நெல்லை டவுன் போலீசார், ஆவுடையப்பனின் உடலை மீட்டு பிரேதப் பரிசோதனைக்கு அனுப்ப முயன்றனர். ஆனால், குற்றவாளிகளை உடனடியாக கைது செய்ய வேண்டும் என்று வலியுறுத்தி அவரது உறவினர்கள் போலீசாரை தடுத்து நிறுத்தி வாக்குவாதத்தில் ஈடுபட்டனர். இதனால் அங்கு பதற்றமான சூழல் நிலவியதை அடுத்து, சம்பவ இடத்திற்கு வந்த காவல்துறை துணை ஆணையர் அன்சூர் நாகர் உறவினர்களுடன் சமரச பேச்சுவார்த்தை நடத்தினார். குற்றவாளிகள் விரைவில் கைது செய்யப்படுவார்கள் என்று அவர் உறுதியளித்ததை அடுத்து, ஆவுடையப்பனின் உடல் உடற்கூறு ஆய்விற்காக ஆம்புலன்ஸ் மூலம் பாளையங்கோட்டை அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டது. கொலையாளிகளை விரைந்து பிடிக்க மோப்பநாய் வரவழைக்கப்பட்டு சோதனை நடத்தப்பட்டதுடன், தனிப்படைகள் அமைத்து போலீசார் தீவிர விசாரணை மேற்கொண்டு வருகின்றனர். பட்டப்பகலில் நடந்த இந்த கொடூர கொலைச் சம்பவம் நெல்லை பகுதியில் பெரும் அதிர்ச்சியையும் பயத்தையும் ஏற்படுத்தியுள்ளது.