గజ్వెల్ సిద్దిపేట జిల్లా జనవరి 12 ఐ 3 న్యూస్ /* ప్రభుత్వ డిగ్రీ కళాశాల అటానమస్ గజ్వేల్ ఎన్సిసి విభాగం ఆధ్వర్యంలో జనవరి 12వ తేదీ జాతీయ యువజన దినోత్సవం పురస్కరించుకొని స్వామి వివేకానంద జయంతి వేడుకలు నిర్వహించారు. భారతీయ సాంస్కృతిక వైభవాన్ని ప్రపంచానికి చాటి చెప్పిన వివేకానందుని అందరూ స్ఫూర్తిగా తీసుకోవాలని మన జీవిత లక్ష్యసాధనలో వివేకానందుని సూక్తులు ఎంతగానో తోడ్పడతాయని, ఉన్నత లక్ష్యాన్ని చేరుకోవడానికి పట్టుదల శ్రమించే తత్వంతో పాటు చక్కని క్రమశిక్షణ అలవర్చుకోవాలని ఎన్సిసి ఏఎన్ఓ లెఫినెట్ మహేందర్ రెడ్డి క్యాడెట్స్ ను ఉద్దేశించి పేర్కొన్నారు. ఈ సందర్భంగా విద్యార్థులకు "వివేకానందుని జీవితము స్ఫూర్తి పొందిన సంఘటనలు" అంశంపై వక్తృత పోటీ నిర్వహించారు కార్యక్రమంలో ఎన్సిసి ఏఎన్ఓ మరియు క్యారెట్స్ పాల్గొన్నారు

2 hrs ago

KHADEER REPORTER

Journalist జగదేవ్‌పూర్, సిద్దిపేట, తెలంగాణ•

2 hrs ago

గజ్వెల్ సిద్దిపేట జిల్లా జనవరి 11 ఐ 3 న్యూస్ /* సిద్దిపేట జిల్లాకు అన్యాయం చేసే ఆలోచనను వెంటనే విరమించుకోవాలి: దేవి రవీందర్ సిద్దిపేట జిల్లా పై తెలంగాణ రాష్ట్ర ప్రభుత్వం కపట ప్రేమతో, కక్షపూరిత ధోరణితో వ్యవహరిస్తోందని మాజీ రాష్ట్ర ఎంపీటీసీల ఫోరం కన్వీనర్ దేవి రవీందర్ ఆరోపించారు. జిల్లాల కుదింపు పేరుతో సిద్దిపేట జిల్లాకు అన్యాయం చేయాలనే ఆలోచనను రాష్ట్ర ప్రభుత్వం వెంటనే మానుకోవాలని ఆయన హెచ్చరించారు. సిద్దిపేట జిల్లా గజ్వేల్ పట్టణ కేంద్రంలోని స్థానిక అంబేద్కర్ చౌరస్తా వద్ద ఆయన మాట్లాడుతూ, జిల్లాల కుదింపు పేరుతో సిద్దిపేట జిల్లాను దెబ్బతీయాలని చూడటం హేయమైన చర్యగా అభివర్ణించారు. డాక్టర్ బాబాసాహెబ్ అంబేద్కర్ స్ఫూర్తితో చిన్న రాష్ట్రాల ద్వారా అభివృద్ధి సాధ్యమని ఆయన పేర్కొన్నారు. అంబేద్కర్ గారు రచించిన రాజ్యాంగంలోని ఆర్టికల్ 3 ఆధారంగా 14 సంవత్సరాల సుదీర్ఘ పోరాటం తర్వాత తెలంగాణ రాష్ట్రాన్ని సాధించుకున్నామని గుర్తు చేశారు. తెలంగాణ రాష్ట్రమే ధ్యేయంగా పరిపాలనా సౌలభ్యం కోసం అప్పట్లో పది జిల్లాలుగా ఉన్న తెలంగాణను 33 జిల్లాలుగా విభజించి ప్రజలకు పరిపాలనను మరింత సులభతరం చేశారని తెలిపారు. ఇలాంటి చారిత్రక నిర్ణయాన్ని విస్మరించి, కాంగ్రెస్ ప్రభుత్వం ఇప్పుడు 33 జిల్లాలను కుదించాలనే ఆలోచన చేయడం బాధాకరమని అన్నారు. రాష్ట్ర రెవెన్యూ శాఖ మంత్రి పొంగులేటి శ్రీనివాస్ నిండు శాసనసభలో రాష్ట్ర ప్రభుత్వం జిల్లాల కుదింపు ఆలోచనలో ఉందని చెప్పడం ఆందోళన కలిగించిందన్నారు. ఇప్పటికైనా ప్రభుత్వం ఈ ఆలోచనను విరమించుకుని ప్రజలకు సుపరిపాలన అందించే దిశగా ఆలోచించాలని సూచించారు. లేనియెడల, గతంలో తెలంగాణ సాధన కోసం సిద్దిపేట జిల్లా ఎలా ఉద్యమాలకు నాంది పలికిందో, అదే విధంగా ఈరోజు కూడా జిల్లాల గుర్తింపును కాపాడుకునే వరకు మరో ఉద్యమానికి సిద్ధంగా ఉందని ఆయన హెచ్చరించారు. ఈ కార్యక్రమంలో మండల పార్టీ అధ్యక్షుడు బెండ మధు, మాజీ కౌన్సిలర్లు శివకుమార్, చందు, అలాగే వివిధ ప్రజా సంఘాల నాయకులు పాల్గొన్నారు.

KHADEER REPORTER

Journalist జగదేవ్‌పూర్, సిద్దిపేట, తెలంగాణ•

20 hrs ago