விருதுநகர் மாவட்டம் காரியாபட்டியில் உள்ள திருச்சுழி சட்டமன்ற உறுப்பினர் அலுவலகத்தில், முன்னாள் அமைச்சரும், திருச்சுழி சட்டமன்ற உறுப்பினருமான தங்கம் தென்னரசு கட்சி நிர்வாகிகளுடன் சட்டமன்ற தொகுதியின் வளர்ச்சி திட்ட பணிகள் மற்றும் பொதுமக்களின் கோரிக்கைகள் குறித்து ஆலோசனை நடத்தினார். இதைத்தொடர்ந்து செய்தியாளர்களைச் சந்தித்த அவர், பல்வேறு முக்கிய விவகாரங்கள் குறித்துப் பேசினார். நேற்று சட்டமன்றத்தில் முதலமைச்சர் பேசியது தொடர்பாக எதிர்க்கட்சித் தலைவர் தெரிவித்த கருத்துக்களை அப்படியே தான் வழிமொழிவதாகவும், கூடுதலாக எதுவும் சொல்வதற்கு இல்லை என்றும் தங்கம் தென்னரசு குறிப்பிட்டார். திருவள்ளூரில் நடந்த அம்மோனியா வாயு கசிவு சம்பவத்தால் 9 பேர் உயிரிழந்தது ஒரு துயரச் சம்பவம் என்றும், இக்காலத்திலும் இது நடந்திருக்கக் கூடாது என்றும் அவர் வருத்தம் தெரிவித்தார். அம்மோனியா வாயு கசிவால் 2 குழந்தை தொழிலாளர்கள் மரணமடைந்தது உண்மையாக இருக்கும் பட்சத்தில், அதுகுறித்து தொழிலாளர் நலத்துறை உரிய நடவடிக்கை எடுக்க வேண்டும் என்றும் அவர் வலியுறுத்தினார். பரந்தூர் விமான நிலையம் தேவையில்லை என்பதுதான் தவெக அரசின் நிலைப்பாடாக உள்ளதாகத் தெரிவித்த அவர், தமிழகத்தின் ஒட்டுமொத்த வளர்ச்சிக்கும் பரந்தூர் விமான நிலையம் ஒரு அத்தியாவசியமான திட்டம் என்பதால்தான் திமுக ஆட்சியில் இத்திட்டம் கொண்டுவரப்பட்டதாக விளக்கினார். 2030-க்குள் 1 டிரில்லியன் அமெரிக்க டாலர் பொருளாதாரத்தை எட்ட வேண்டுமென்றால், நாட்டிற்கான வளர்ச்சித் திட்டங்கள் அவசியமானவை என்பதை உணர்ந்துதான் பரந்தூர் விமான நிலையத் திட்டம் கொண்டுவரப்பட்டது என்றும் அவர் கூறினார். தவெக ஆட்சிக்கு வரும் முன்பே பரந்தூர் விமான நிலையத் திட்டம் தேவையில்லை என்ற நிலைப்பாட்டில் இருந்தார்கள் என்பதைச் சுட்டிக்காட்டிய தங்கம் தென்னரசு, அதே நிலைப்பாட்டில் அவர்கள் உறுதியாக இருக்கிறார்களா இல்லையா என்பதைப் பொறுத்திருந்துதான் பார்க்க வேண்டும் என்று கூறினார்.

குமார்

Kariapatti, Virudhunagar•

12 hrs ago

விருதுநகர் மாவட்டம் காரியாபட்டியில் உள்ள திருச்சுழி சட்டமன்ற உறுப்பினர் அலுவலகத்தில், முன்னாள் அமைச்சரும், திருச்சுழி சட்டமன்ற உறுப்பினருமான தங்கம் தென்னரசு கட்சி நிர்வாகிகளுடன் சட்டமன்ற தொகுதியின் வளர்ச்சி திட்ட பணிகள் மற்றும் பொதுமக்களின் கோரிக்கைகள் குறித்து ஆலோசனை நடத்தினார். இதைத்தொடர்ந்து செய்தியாளர்களைச் சந்தித்த அவர், பல்வேறு முக்கிய விவகாரங்கள் குறித்துப் பேசினார். நேற்று சட்டமன்றத்தில் முதலமைச்சர் பேசியது தொடர்பாக எதிர்க்கட்சித் தலைவர் தெரிவித்த கருத்துக்களை அப்படியே தான் வழிமொழிவதாகவும், கூடுதலாக எதுவும் சொல்வதற்கு இல்லை என்றும் தங்கம் தென்னரசு குறிப்பிட்டார். திருவள்ளூரில் நடந்த அம்மோனியா வாயு கசிவு சம்பவத்தால் 9 பேர் உயிரிழந்தது ஒரு துயரச் சம்பவம் என்றும், இக்காலத்திலும் இது நடந்திருக்கக் கூடாது என்றும் அவர் வருத்தம் தெரிவித்தார். அம்மோனியா வாயு கசிவால் 2 குழந்தை தொழிலாளர்கள் மரணமடைந்தது உண்மையாக இருக்கும் பட்சத்தில், அதுகுறித்து தொழிலாளர் நலத்துறை உரிய நடவடிக்கை எடுக்க வேண்டும் என்றும் அவர் வலியுறுத்தினார். பரந்தூர் விமான நிலையம் தேவையில்லை என்பதுதான் தவெக அரசின் நிலைப்பாடாக உள்ளதாகத் தெரிவித்த அவர், தமிழகத்தின் ஒட்டுமொத்த வளர்ச்சிக்கும் பரந்தூர் விமான நிலையம் ஒரு அத்தியாவசியமான திட்டம் என்பதால்தான் திமுக ஆட்சியில் இத்திட்டம் கொண்டுவரப்பட்டதாக விளக்கினார். 2030-க்குள் 1 டிரில்லியன் அமெரிக்க டாலர் பொருளாதாரத்தை எட்ட வேண்டுமென்றால், நாட்டிற்கான வளர்ச்சித் திட்டங்கள் அவசியமானவை என்பதை உணர்ந்துதான் பரந்தூர் விமான நிலையத் திட்டம் கொண்டுவரப்பட்டது என்றும் அவர் கூறினார். தவெக ஆட்சிக்கு வரும் முன்பே பரந்தூர் விமான நிலையத் திட்டம் தேவையில்லை என்ற நிலைப்பாட்டில் இருந்தார்கள் என்பதைச் சுட்டிக்காட்டிய தங்கம் தென்னரசு, அதே நிலைப்பாட்டில் அவர்கள் உறுதியாக இருக்கிறார்களா இல்லையா என்பதைப் பொறுத்திருந்துதான் பார்க்க வேண்டும் என்று கூறினார்.