गोंदिया शहरात सध्या भीषण पाणीटंचाईने गंभीर रूप धारण केले असून, अनियमित पाणीपुरवठ्यामुळे नागरिक कमालीचे त्रस्त झाले आहेत. या गंभीर जलसमस्येकडे प्रशासनाचे लक्ष वेधण्यासाठी आज शिवसेना (उद्धव बाळासाहेब ठाकरे) पक्षाच्या वतीने महाराष्ट्र जीवन प्राधिकरण (MJP) कार्यालयावर धडक आंदोलन करण्यात आले. शिवसेनेच्या जिल्हा संघटिका श्रीमती रुपाली रोटकर यांच्या नेतृत्वाखालील शिष्टमंडळाने प्राधिकरण कार्यालयात निवेदन सादर केले. या निवेदनात स्पष्टपणे नमूद करण्यात आले की, शहराच्या विविध भागांत पाणीपुरवठा पूर्णपणे विस्कळीत झाला असून, या भीषण उन्हाळ्यात शुद्ध आणि पुरेसा पाण्यासाठी नागरिक वणवण भटकत आहेत. या आंदोलनादरम्यान, संतप्त शिवसैनिक आणि परिसरातील नागरिकांनी मटका फोडून प्रशासनाच्या निष्क्रियतेचा तीव्र निषेध नोंदवला. प्रशासनावर ताशेरे ओढत शिवसेनेने स्पष्ट इशारा दिला की, जर पाणीपुरवठा तात्काळ सुरळीत झाला नाही, तर आगामी काळात याहूनही तीव्र आंदोलन छेडले जाईल आणि त्याची सर्वस्वी जबाबदारी प्रशासनाची असेल. यावेळी मोठ्या संख्येने शिवसेना पदाधिकारी, शिवसैनिक आणि स्थानिक नागरिक उपस्थित होते. आता यावर प्रशासन कोणती भूमिका घेते, याकडे सर्वांचे लक्ष लागले आहे.

नरेश बोपचे

Journalist आमगाव, गोंदिया, महाराष्ट्र•

9 hrs ago

गोंदिया शहरात सध्या भीषण पाणीटंचाईने गंभीर रूप धारण केले असून, अनियमित पाणीपुरवठ्यामुळे नागरिक कमालीचे त्रस्त झाले आहेत. या गंभीर जलसमस्येकडे प्रशासनाचे लक्ष वेधण्यासाठी आज शिवसेना (उद्धव बाळासाहेब ठाकरे) पक्षाच्या वतीने महाराष्ट्र जीवन प्राधिकरण (MJP) कार्यालयावर धडक आंदोलन करण्यात आले. शिवसेनेच्या जिल्हा संघटिका श्रीमती रुपाली रोटकर यांच्या नेतृत्वाखालील शिष्टमंडळाने प्राधिकरण कार्यालयात निवेदन सादर केले. या निवेदनात स्पष्टपणे नमूद करण्यात आले की, शहराच्या विविध भागांत पाणीपुरवठा पूर्णपणे विस्कळीत झाला असून, या भीषण उन्हाळ्यात शुद्ध आणि पुरेसा पाण्यासाठी नागरिक वणवण भटकत आहेत. या आंदोलनादरम्यान, संतप्त शिवसैनिक आणि परिसरातील नागरिकांनी मटका फोडून प्रशासनाच्या निष्क्रियतेचा तीव्र निषेध नोंदवला. प्रशासनावर ताशेरे ओढत शिवसेनेने स्पष्ट इशारा दिला की, जर पाणीपुरवठा तात्काळ सुरळीत झाला नाही, तर आगामी काळात याहूनही तीव्र आंदोलन छेडले जाईल आणि त्याची सर्वस्वी जबाबदारी प्रशासनाची असेल. यावेळी मोठ्या संख्येने शिवसेना पदाधिकारी, शिवसैनिक आणि स्थानिक नागरिक उपस्थित होते. आता यावर प्रशासन कोणती भूमिका घेते, याकडे सर्वांचे लक्ष लागले आहे.