लोकशाही अधिक सक्षम आणि विश्वासार्ह करण्यासाठी राबविण्यात येत असलेली विशेष सखोल मतदार यादी पुनरीक्षण मोहीम अत्यंत महत्त्वाची असल्याचे प्रतिपादन जिल्हाधिकारी योगेश कुंभेजकर यांनी केले आहे. वाशिम येथील जिल्हाधिकारी कार्यालयात आयोजित जिल्हास्तरीय आढावा बैठकीत त्यांनी सर्व अधिकारी, कर्मचारी, पर्यवेक्षक आणि बीएलओ यांना या प्रक्रियेत कोणतीही त्रुटी न ठेवता जबाबदारीने काम करण्याचे स्पष्ट निर्देश दिले आहेत. या मोहिमेत एकही पात्र मतदार वंचित राहू नये, हे मुख्य उद्दिष्ट असल्याचे त्यांनी स्पष्ट केले. बैठकीत विधानसभा मतदारसंघनिहाय आणि तालुकानिहाय कामाचा सविस्तर आढावा घेण्यात आला. यावेळी जिल्हाधिकारी यांनी प्रत्येक बीएलओला आपल्या कार्यक्षेत्रातील प्रत्येक कुटुंबापर्यंत पोहोचून मतदारांच्या माहितीची अचूक पडताळणी करण्याच्या सूचना दिल्या. घरोघरी जाऊन इन्युमरेशन फॉर्मचे वितरण, माहितीची अचूक पडताळणी आणि प्राप्त फॉर्मचे त्वरित डिजिटायझेशन करण्यावर त्यांनी विशेष भर दिला. नागरिकांना योग्य मार्गदर्शन करून प्रक्रियेत त्यांचा सक्रिय सहभाग वाढवावा, तसेच फॉर्म भरताना आवश्यक कागदपत्रे जोडून ही प्रक्रिया विहित वेळेत पूर्ण करावी, असे निर्देश त्यांनी दिले आहेत. या आढावा बैठकीला अप्पर जिल्हाधिकारी ब्रिजेश पाटील, निवासी उपजिल्हाधिकारी विश्वनाथ घुगे, नगर प्रशासन सहआयुक्त डॉ. बाबुराव बिक्कड आणि शिक्षणाधिकारी (प्राथमिक) विठ्ठल भुसारी उपस्थित होते. याशिवाय, जिल्ह्यातील सर्व तहसीलदार, मुख्याधिकारी आणि पर्यवेक्षक दुरदृश्य प्रणालीद्वारे बैठकीत सहभागी झाले होते. प्रलंबित बाबी तातडीने निकाली काढण्यासाठी नियमित आढावा घेण्याच्या आणि बीएलओंना आवश्यक मार्गदर्शन व सहकार्य उपलब्ध करून देण्याच्या सूचना जिल्हाधिकारी कुंभेजकर यांनी सर्व संबंधित अधिकाऱ्यांना दिल्या आहेत.

के.के. रिपोर्टर

Spa रिसोड, वाशिम, महाराष्ट्र•

11 hrs ago

लोकशाही अधिक सक्षम आणि विश्वासार्ह करण्यासाठी राबविण्यात येत असलेली विशेष सखोल मतदार यादी पुनरीक्षण मोहीम अत्यंत महत्त्वाची असल्याचे प्रतिपादन जिल्हाधिकारी योगेश कुंभेजकर यांनी केले आहे. वाशिम येथील जिल्हाधिकारी कार्यालयात आयोजित जिल्हास्तरीय आढावा बैठकीत त्यांनी सर्व अधिकारी, कर्मचारी, पर्यवेक्षक आणि बीएलओ यांना या प्रक्रियेत कोणतीही त्रुटी न ठेवता जबाबदारीने काम करण्याचे स्पष्ट निर्देश दिले आहेत. या मोहिमेत एकही पात्र मतदार वंचित राहू नये, हे मुख्य उद्दिष्ट असल्याचे त्यांनी स्पष्ट केले. बैठकीत विधानसभा मतदारसंघनिहाय आणि तालुकानिहाय कामाचा सविस्तर आढावा घेण्यात आला. यावेळी जिल्हाधिकारी यांनी प्रत्येक बीएलओला आपल्या कार्यक्षेत्रातील प्रत्येक कुटुंबापर्यंत पोहोचून मतदारांच्या माहितीची अचूक पडताळणी करण्याच्या सूचना दिल्या. घरोघरी जाऊन इन्युमरेशन फॉर्मचे वितरण, माहितीची अचूक पडताळणी आणि प्राप्त फॉर्मचे त्वरित डिजिटायझेशन करण्यावर त्यांनी विशेष भर दिला. नागरिकांना योग्य मार्गदर्शन करून प्रक्रियेत त्यांचा सक्रिय सहभाग वाढवावा, तसेच फॉर्म भरताना आवश्यक कागदपत्रे जोडून ही प्रक्रिया विहित वेळेत पूर्ण करावी, असे निर्देश त्यांनी दिले आहेत. या आढावा बैठकीला अप्पर जिल्हाधिकारी ब्रिजेश पाटील, निवासी उपजिल्हाधिकारी विश्वनाथ घुगे, नगर प्रशासन सहआयुक्त डॉ. बाबुराव बिक्कड आणि शिक्षणाधिकारी (प्राथमिक) विठ्ठल भुसारी उपस्थित होते. याशिवाय, जिल्ह्यातील सर्व तहसीलदार, मुख्याधिकारी आणि पर्यवेक्षक दुरदृश्य प्रणालीद्वारे बैठकीत सहभागी झाले होते. प्रलंबित बाबी तातडीने निकाली काढण्यासाठी नियमित आढावा घेण्याच्या आणि बीएलओंना आवश्यक मार्गदर्शन व सहकार्य उपलब्ध करून देण्याच्या सूचना जिल्हाधिकारी कुंभेजकर यांनी सर्व संबंधित अधिकाऱ्यांना दिल्या आहेत.