८ मार्च रोजी महिला दिनाचे औचित्य साधून अकोला जिल्ह्यातील पातूर येथे एका कलाकाराने खास रांगोळी साकारली. ही रांगोळी पहिल्यांदाच काढण्यात आली असून, त्याद्वारे सर्व महिलांच्या स्मृतींना उजाळा देत अभिवादन करण्यात आले आहे.

८ मार्च रोजी महिला दिनाचे औचित्य साधून अकोला जिल्ह्यातील पातूर येथे एका कलाकाराने खास रांगोळी साकारली. ही रांगोळी पहिल्यांदाच काढण्यात आली असून, त्याद्वारे सर्व महिलांच्या स्मृतींना उजाळा देत अभिवादन करण्यात आले आहे.

अकोला जिल्ह्यातील बार्शिटाकळी येथील वैष्णवी शिवण क्लासेसने आपल्या यशस्वी प्रवासाची १८ वर्षे पूर्ण केली आहेत.

निकृष्ट दर्जाच्या सोयाबीन बियाण्यांमुळे हजारो शेतकऱ्यांवर दुबार पेरणीचे गंभीर संकट ओढवले आहे. या पार्श्वभूमीवर अकोल्यात राष्ट्रवादी काँग्रेस (अजित पवार गट)चे माजी आमदार अमोल मिटकरी यांनी आक्रमक पवित्रा घेत कृषी अधीक्षक कार्यालयाला टाळे ठोकले आहे. या आंदोलनाद्वारे अमोल मिटकरी यांनी संबंधित दोषी कंपन्यांवर तातडीने कठोर कारवाई करण्याची मागणी केली आहे. निकृष्ट बियाण्यांमुळे नुकसान सोसाव्या लागणाऱ्या शेतकऱ्यांना दिलासा देण्यासाठी हे आंदोलन करण्यात आले असून, दोषींवर कायदेशीर कारवाई व्हावी, हा प्रमुख सूर या आंदोलनात उमटला आहे.

बुलढाणा जिल्ह्यातील वारकऱ्यांच्या सोयीसाठी सुरू करण्यात आलेल्या खामगाव-पंढरपूर विठ्ठल दर्शन एक्सप्रेसच्या वेळापत्रकात तातडीने बदल करण्याची मागणी शिवसेना (उद्धव बाळासाहेब ठाकरे) पक्षाने केली आहे. या संदर्भात खामगाव रेल्वे प्रशासनाद्वारे भुसावळ रेल्वे प्रबंधकांना निवेदन देण्यात आले असून, मागणी मान्य न झाल्यास तीव्र आंदोलनाचा इशारा देण्यात आला आहे. निवेदनात नमूद केल्यानुसार, ही विशेष एक्सप्रेस २१ जुलै २०२६ आणि २३ जुलै २०२६ रोजी खामगाववरून सुटणार आहे. मात्र, परतीचे वेळापत्रक अनुक्रमे २२ जुलै आणि २४ जुलै असे निश्चित करण्यात आले आहे. यंदा आषाढी एकादशी २५ जुलै २०२६ रोजी असल्याने, वारकरी एकादशीचे दर्शन घेऊन द्वादशीला परततात. सध्याच्या नियोजनामुळे रेल्वेच्या दोन्ही फेऱ्या एकादशीपूर्वीच पूर्ण होत असल्याने वारकऱ्यांची मोठी गैरसोय होणार आहे. त्यामुळे आषाढी एकादशीनंतर परतीचा प्रवास नियोजित करण्याची मागणी करण्यात आली आहे. हे निवेदन शिवसेना तालुकाप्रमुख श्रीराम खेलदार आणि शहरप्रमुख रवी जैन यांच्या नेतृत्वात देण्यात आले. यावेळी ह.भ.प. श्री महादेव महाराज बोराडे, सुभाष ठाकूर, बाबा काळे, राहुल मनमोडे, अक्षय हातेकर, हेमंत खारोडे, गजानन होगे, रामेश्वर लहुडकार आणि प्रमोदभाऊ फाटे यांच्यासह अनेक पदाधिकारी व शिवसैनिक उपस्थित होते.

संसदेचे पावसाळी अधिवेशन जवळ येत असताना महाराष्ट्राच्या राजकारणात मोठ्या घडामोडींचे संकेत मिळत आहेत. केंद्र सरकारच्या मंत्रिमंडळात फेरबदल आणि विस्ताराची चर्चा रंगली असून, त्यात देवेंद्र फडणवीस यांना केंद्रात महत्त्वाची जबाबदारी, विशेषतः अर्थमंत्रीपद दिले जाऊ शकते, अशी शक्यता राजकीय वर्तुळात वर्तवली जात आहे. या पार्श्वभूमीवर शिवसेना (उद्धव बाळासाहेब ठाकरे) नेते आणि खासदार संजय राऊत यांनी एक मोठा दावा केला आहे. जर देवेंद्र फडणवीस केंद्रात गेले, तर राज्याच्या मुख्यमंत्रिपदाची धुरा चंद्रशेखर बावनकुळे यांच्याकडे सोपवली जाऊ शकते. संजय राऊत यांच्या मते, देवेंद्र फडणवीस यांच्यानंतर चंद्रशेखर बावनकुळे हे मुख्यमंत्रिपदासाठी सर्वाधिक योग्य नाव आहेत, कारण ते सर्वांना सोबत घेऊन चालणारे आणि संघटन सांभाळणारे नेते आहेत. याशिवाय, देवेंद्र फडणवीस स्वतःच चंद्रशेखर बावनकुळे यांच्या नावाची शिफारस करतील, असे राजकीय आकलनही त्यांनी मांडले आहे. याच वेळी संजय राऊत यांनी एकनाथ शिंदे यांच्याबाबत स्पष्ट भूमिका मांडताना, ते पुन्हा मुख्यमंत्री होणार नाहीत असे ठामपणे सांगितले. यासोबतच, त्यांनी गिरीश महाजन यांच्या कामगिरीवर टीका करत त्यांचा रेकॉर्ड समाधानकारक नसल्याचे म्हटले आहे. तथापि, केंद्र सरकारकडून मंत्रिमंडळ विस्तार किंवा महाराष्ट्रातील नेतृत्वाबाबत कोणतीही अधिकृत घोषणा झालेली नाही. सध्यातरी या सर्व घडामोडी केवळ राजकीय चर्चांवर आणि संजय राऊत यांच्या दाव्यांवर आधारित असून, आता राज्याचे लक्ष या चर्चेला मिळणाऱ्या वळणाकडे लागले आहे.

बुलढाणा जिल्ह्यात आज शिक्षकांनी राज्यव्यापी शाळा बंद आंदोलनाचा भाग म्हणून जिल्हाधिकारी कार्यालयावर भव्य महामोर्चा काढला. मुंबईतील आझाद मैदानावर सुरू असलेल्या आंदोलनाला पाठिंबा दर्शवत, जिल्ह्यातील विविध संघटनांच्या शेकडो शिक्षकांनी रस्त्यावर उतरून आपल्या मागण्यांसाठी आवाज उठवला. शहरातील जिजामाता संकुल येथून निघालेला हा मोर्चा संगम चौक आणि जयस्तंभ चौक मार्गे थेट जिल्हाधिकारी कार्यालयावर धडकला. शिक्षकांनी प्रामुख्याने अशैक्षणिक कामांपासून सुटका मिळावी, अशी ठाम मागणी केली आहे. याशिवाय टीईटीची सक्ती रद्द करणे आणि पदोन्नतीमधील जाचक व अन्यायकारक अटी काढून टाकणे या प्रमुख मागण्यांचाही समावेश आहे. विशेषतः बीएलओ (BLO) म्हणून शिक्षकांवर लादल्या जाणाऱ्या कामांचा मोठा वैताग असल्याचे आंदोलकांनी स्पष्ट केले. आंदोलक शिक्षकांच्या शिष्टमंडळाने जिल्हाधिकारी कार्यालयात निवेदन सादर केले असून, शासनाने तातडीने या मागण्यांवर सकारात्मक निर्णय घ्यावा, अन्यथा यापेक्षा तीव्र स्वरूपाचे आंदोलन छेडले जाईल, असा इशारा देण्यात आला आहे.

बुलढाणा जिल्ह्यातील खामगाव मतदारसंघातील पिंपळगाव राजा येथे सुरू असलेल्या विशेष सखोल पुनरिक्षण (SIR) कार्यक्रमाची उपविभागीय अधिकारी तथा सहाय्यक मतदार नोंदणी अधिकारी डॉ. रामेश्वर पुरी यांनी प्रत्यक्ष पाहणी केली आहे. डॉ. पुरी यांनी मतदान केंद्राला भेट देऊन बीएलओ (BLO), पर्यवेक्षक आणि संबंधित कर्मचाऱ्यांकडून सुरू असलेल्या कामाचा आढावा घेतला. या पाहणी दरम्यान मतदार यादीशी संबंधित नोंदी, गणनापत्रके आणि आवश्यक कागदपत्रांची तपासणी करण्यात आली. त्यानंतर त्यांनी तेथे उपस्थित नागरिकांशी संवाद साधत विशेष सखोल पुनरिक्षण प्रक्रियेबाबत माहिती घेतली. तसेच बीएलओ (BLO) यांच्या कामातील अडचणी समजून घेत त्यांना आवश्यक मार्गदर्शन केले. आयोजित आढावा बैठकीत बोलताना उपविभागीय अधिकारी डॉ. रमेश पुरी यांनी मतदार यादीचे हे विशेष सखोल पुनरिक्षण अत्यंत अचूक, पारदर्शक आणि निर्धारित वेळेत पूर्ण करण्याच्या सूचना दिल्या. प्रत्येक पात्र मतदाराची नोंद सुनिश्चित करण्यासाठी सर्व संबंधित अधिकारी आणि कर्मचाऱ्यांनी परस्परांशी समन्वयाने काम करावे, असे आवाहनही त्यांनी या वेळी केले.

बीएलओ (BLO) कामाचा असलेला अतिताण आणि विविध अडचणींमुळे बुलढाण्यातील शिक्षक आता शासनाविरुद्ध आक्रमक झाले आहेत. गुरुवारी ९ जुलै रोजी जिल्ह्यातील शिक्षकांनी एकत्र येत बुलढाणा जिल्हाधिकारी कार्यालयावर भव्य मोर्चा काढला. मुंबईतील आझाद मैदानावर सुरू असलेल्या राज्यव्यापी आंदोलनाला बळ देण्यासाठी आणि शासनाचे लक्ष वेधून घेण्यासाठी हा मोर्चा काढण्यात आला होता. शहरात जिजामाता संकुल येथून सुरू झालेला हा मोर्चा संगम चौक आणि जयस्तंभ चौकामार्गे जिल्हाधिकारी कार्यालयावर धडकला, जिथे शिक्षकांच्या शिष्टमंडळाने आपल्या मागण्यांचे निवेदन जिल्हाधिकाऱ्यांना सादर केले. या आंदोलनात 'शिक्षण वाचवा, शाळा वाचवा, देश वाचवा' अशी घोषणा देत शिक्षकांनी आपल्या प्रमुख मागण्या रेटून धरल्या. यामध्ये शिक्षकांना बीएलओ कामातून कायमस्वरूपी मुक्त करणे, टीईटीची (TET) सक्ती रद्द करणे, पदोन्नतीमधील अन्यायकारक अटी आणि संच मान्यतेचे चुकीचे धोरण रद्द करण्याची मागणी करण्यात आली. राज्यव्यापी आंदोलनाला पाठिंबा देण्यासाठी जिल्ह्यातील १३ तालुक्यांतील शेकडो शिक्षकांनी यात सहभाग नोंदवला. अनेक शिक्षकांनी रजा टाकून किंवा सकाळची शाळा आटोपून बुलढाणा गाठले, तर काही ठिकाणी शाळा बंद ठेवून शिक्षक या मोर्चात सहभागी झाले होते. शेगाव तालुका सर्व शिक्षक संघटना समन्वय समितीने देखील 'आम्हाला शिकवू द्या, मुलांना शिकू द्या' अशा फलकांसह या आंदोलनात पुढाकार घेतला. शासकीय धोरणांवर टीका करताना मोर्चातील एका शिक्षिकेने संताप व्यक्त केला की, अध्यापनाव्यतिरिक्त असैक्षणिक कामे लादली जात असल्याने विद्यार्थ्यांच्या शिक्षणाकडे दुर्लक्ष होत आहे. बीएलओ कामामुळे शिक्षक वर्गावर उपस्थित राहू शकत नाहीत, ज्यामुळे पालकांच्या प्रश्नांना सामोरे जावे लागते. याव्यतिरिक्त आधार कार्डाचे कामही शिक्षकांवर सोपवण्यात आले आहे. आंदोलनादरम्यान शिक्षकांनी पेन्शनच्या मुद्द्यावरही सरकारला धारेवर धरले. टीईटी परीक्षा उत्तीर्ण न झाल्यास सेवेतून निवृत्त करण्याची शासनाची धमकी चुकीची असल्याचे सांगत, 'आम्हाला पेन्शन द्या, आम्ही खुशाल घरी बसू,' अशी भूमिका शिक्षकांनी मांडली. शासनाने मागण्या मान्य न केल्यास यापुढे आंदोलनाची धार अधिक तीव्र केली जाईल, असा इशारा मोर्चेकरी शिक्षकांनी दिला आहे.