फ्रिमेसन्स ऑफ नागपूरतर्फे दरवर्षीप्रमाणे यंदाही २४ जून रोजी 'जागतिक बंधुभाव दिन' उत्साहात साजरा करण्यात येणार आहे. त्यानिमित्ताने नागपुरात विविध सामाजिक, आरोग्य विषयक आणि जनजागृतीपर उपक्रमांचे रविवारी (१९ जून) पासून आयोजन करण्यात आले आहे. जागतिक बंधुभाव दिन समितीचे अध्यक्ष आणि रीजनल ग्रँड लॉज ऑफ वेस्टर्न इंडियाचे डेप्युटी रीजनल ग्रँड मास्टर तरुण श्रीवास्तव यांनी पत्रकार परिषदेत ही माहिती दिली. समाजात बंधुभाव, एकता, सहिष्णुता आणि सामाजिक समरसतेची भावना दृढ करणे तसेच विविधतेत एकता व मानवतेच्या मूल्यांचा प्रसार करणे हा या उपक्रमांमागील मुख्य उद्देश असल्याचे सांगण्यात आले. यावर्षीच्या सोहळ्यानिमित्त नागपुरात अनेक लोकोपयोगी कार्यक्रम राबविले जाणार आहेत. यात २१ जून रोजी थॅलेसेमिया जनजागृती वॉकाथॉन, २२ जून रोजी के. राईट वर्शिपफुल ब्रदर जी.एल. शाह स्मृती टेबल टेनिस स्पर्धा आणि २३ जून रोजी 'जन आक्रोश' संस्थेच्या सहकार्याने रस्ता सुरक्षा जनजागृती कार्यक्रमाचा समावेश आहे. तसेच, २४ जून रोजी शिवाजी नगर येथील डॉ. हेडगेवार रक्तपेढीत रक्तदान शिबिर आयोजित करण्यात आले आहे. मुख्य जागतिक बंधुभाव दिन सोहळा २४ जून रोजी सायंकाळी ५ वाजता ब्लाइंड रिलीफ असोसिएशन हॉल, लक्ष्मीनगर येथे होणार आहे. यासोबतच, नागपूर येथील फ्रिमेसन्स हॉलमधील ऐतिहासिक मॅसोनिक टेंपल सर्वसामान्य नागरिकांसाठी खुला ठेवण्यात येणार आहे, जिथे नागरिकांना फ्रिमेसनरीच्या कार्याची माहिती दिली जाईल. पत्रकार परिषदेत फ्रिमेसनरीच्या कार्यपद्धती, उद्दिष्टे आणि समाजोपयोगी उपक्रमांविषयीही माहिती देण्यात आली. फ्रिमेसनरी ही जगभरातील बंधुभाव, मदत आणि सत्य या तत्त्वांवर आधारित संस्था असून शिक्षण, आरोग्य, आपत्ती निवारण, रक्तदान, शिष्यवृत्ती आणि विविध धर्मादाय कार्यांमध्ये सक्रिय सहभाग नोंदवत असल्याचे स्पष्ट करण्यात आले. नागपुरातील फ्रिमेसन्स दरवर्षी लाखो रुपयांचे गुप्त धर्मादाय कार्य करतात आणि शहरात सध्या २० लॉजेस कार्यरत आहेत. विविध सामाजिक उपक्रमांच्या माध्यमातून नागपूर व परिसरातील नागरिकांच्या जीवनमानात सकारात्मक बदल घडवून आणण्याचा प्रयत्न सुरू असल्याचे आयोजकांनी नमूद केले. पत्रकार परिषदेत तरुण मेहरा, रविंद्र तिवारी, हेमंत जहागीरदार, संजय चतुर्वेदी, आदित्य वरणगांवकर, कपील बाहेरी, अमलेश पुरोहित, आयोजन सचिव आदित्य वर्मा यांच्यासह शुभांगी गर्ग आणि अंशिका कानेटकर उपस्थित होत्या. शिरीष बोरकर यांनी कार्यक्रमाचे संचालन केले. सर्व नागरिकांना जागतिक बंधुभाव दिनाच्या उपक्रमांमध्ये सहभागी होण्याचे आवाहन याप्रसंगी करण्यात आले.

Pallavi Patil, निवासी संपादक

Lawyer नागपूर (शहरी), नागपूर, महाराष्ट्र•

1 day ago

फ्रिमेसन्स ऑफ नागपूरतर्फे दरवर्षीप्रमाणे यंदाही २४ जून रोजी 'जागतिक बंधुभाव दिन' उत्साहात साजरा करण्यात येणार आहे. त्यानिमित्ताने नागपुरात विविध सामाजिक, आरोग्य विषयक आणि जनजागृतीपर उपक्रमांचे रविवारी (१९ जून) पासून आयोजन करण्यात आले आहे. जागतिक बंधुभाव दिन समितीचे अध्यक्ष आणि रीजनल ग्रँड लॉज ऑफ वेस्टर्न इंडियाचे डेप्युटी रीजनल ग्रँड मास्टर तरुण श्रीवास्तव यांनी पत्रकार परिषदेत ही माहिती दिली. समाजात बंधुभाव, एकता, सहिष्णुता आणि सामाजिक समरसतेची भावना दृढ करणे तसेच विविधतेत एकता व मानवतेच्या मूल्यांचा प्रसार करणे हा या उपक्रमांमागील मुख्य उद्देश असल्याचे सांगण्यात आले. यावर्षीच्या सोहळ्यानिमित्त नागपुरात अनेक लोकोपयोगी कार्यक्रम राबविले जाणार आहेत. यात २१ जून रोजी थॅलेसेमिया जनजागृती वॉकाथॉन, २२ जून रोजी के. राईट वर्शिपफुल ब्रदर जी.एल. शाह स्मृती टेबल टेनिस स्पर्धा आणि २३ जून रोजी 'जन आक्रोश' संस्थेच्या सहकार्याने रस्ता सुरक्षा जनजागृती कार्यक्रमाचा समावेश आहे. तसेच, २४ जून रोजी शिवाजी नगर येथील डॉ. हेडगेवार रक्तपेढीत रक्तदान शिबिर आयोजित करण्यात आले आहे. मुख्य जागतिक बंधुभाव दिन सोहळा २४ जून रोजी सायंकाळी ५ वाजता ब्लाइंड रिलीफ असोसिएशन हॉल, लक्ष्मीनगर येथे होणार आहे. यासोबतच, नागपूर येथील फ्रिमेसन्स हॉलमधील ऐतिहासिक मॅसोनिक टेंपल सर्वसामान्य नागरिकांसाठी खुला ठेवण्यात येणार आहे, जिथे नागरिकांना फ्रिमेसनरीच्या कार्याची माहिती दिली जाईल. पत्रकार परिषदेत फ्रिमेसनरीच्या कार्यपद्धती, उद्दिष्टे आणि समाजोपयोगी उपक्रमांविषयीही माहिती देण्यात आली. फ्रिमेसनरी ही जगभरातील बंधुभाव, मदत आणि सत्य या तत्त्वांवर आधारित संस्था असून शिक्षण, आरोग्य, आपत्ती निवारण, रक्तदान, शिष्यवृत्ती आणि विविध धर्मादाय कार्यांमध्ये सक्रिय सहभाग नोंदवत असल्याचे स्पष्ट करण्यात आले. नागपुरातील फ्रिमेसन्स दरवर्षी लाखो रुपयांचे गुप्त धर्मादाय कार्य करतात आणि शहरात सध्या २० लॉजेस कार्यरत आहेत. विविध सामाजिक उपक्रमांच्या माध्यमातून नागपूर व परिसरातील नागरिकांच्या जीवनमानात सकारात्मक बदल घडवून आणण्याचा प्रयत्न सुरू असल्याचे आयोजकांनी नमूद केले. पत्रकार परिषदेत तरुण मेहरा, रविंद्र तिवारी, हेमंत जहागीरदार, संजय चतुर्वेदी, आदित्य वरणगांवकर, कपील बाहेरी, अमलेश पुरोहित, आयोजन सचिव आदित्य वर्मा यांच्यासह शुभांगी गर्ग आणि अंशिका कानेटकर उपस्थित होत्या. शिरीष बोरकर यांनी कार्यक्रमाचे संचालन केले. सर्व नागरिकांना जागतिक बंधुभाव दिनाच्या उपक्रमांमध्ये सहभागी होण्याचे आवाहन याप्रसंगी करण्यात आले.