गोंदिया जिल्ह्यातील आमगाव नगरपरिषद हद्दीतील कोरेबार ते गणेशपूर दरम्यानच्या सिमेंट काँक्रीट रस्ता आणि नाली बांधकामाच्या गुणवत्तेवरून नागरिक अत्यंत संतप्त झाले आहेत. सालेकसा रोडवरील या रस्त्याच्या कामात तांत्रिक निकषांचे सर्रास उल्लंघन करून निकृष्ट दर्जाचे साहित्य वापरल्याचा गंभीर आरोप नागरिकांनी केला आहे. या संपूर्ण विकासकामांची स्वतंत्र तांत्रिक चौकशी करून दोषींवर कठोर कारवाई करण्याची मागणी आता जोर धरू लागली आहे. नागरिकांच्या तक्रारीनुसार, या मार्गावर आवश्यक ठिकाणी पूल किंवा पाणी निचऱ्याची योग्य व्यवस्था न करताच रस्त्याचे काम पूर्ण करण्यात आले आहे. तसेच मंजूर आराखड्यानुसार १८ एमएम गिट्टीचा वापर करणे बंधनकारक असताना, प्रत्यक्षात केवळ १४ एमएम गिट्टी वापरून कामात हातसफाई करण्यात आल्याचा दावा करण्यात आला आहे. नगरपरिषदेच्या संबंधित अधिकारी व अभियंत्यांनी याकडे दुर्लक्ष केल्याचा आरोप करत तिरथ येटरे, अभय ढेगे, नितेश दोनोंडे, बालू वंजारी, विनोद तावाडे, पिंकेश शेंडे, जगदीश चुटे, प्रशांत गायधने, धीरज ठाकरे, समीर पठाण आणि राजू लाडसे यांनी उच्चस्तरीय तांत्रिक समितीमार्फत या कामाची सखोल तपासणी करण्याची मागणी केली आहे. सार्वजनिक निधीतून होणाऱ्या कामात तडजोड न करता दोषी ठेकेदार व अधिकाऱ्यांवर कारवाई करून हे काम पुन्हा करून घेण्याची मागणी त्यांनी लावून धरली आहे. दुसरीकडे, आमगाव नगरपरिषदेचे मुख्याधिकारी प्रमोद कांबळे यांनी नागरिकांचे सर्व आरोप पूर्णपणे फेटाळून लावले आहेत. त्यांनी स्पष्ट केले की, त्यांनी स्वतः संबंधित कामाची प्रत्यक्ष पाहणी केली असून तेथे १८ एमएम गिट्टीचाच वापर करण्यात आल्याचे स्पष्टपणे दिसून आले आहे. हे काम तांत्रिक निकषांनुसारच योग्य पद्धतीने झाले असून करण्यात आलेले आरोप बिनबुडाचे आणि तथ्यहीन आहेत. नागरिकांनी कोणत्याही अफवांवर विश्वास न ठेवता केवळ अधिकृत माहितीवरच विश्वास ठेवावा, असे आवाहन मुख्याधिकारी प्रमोद कांबळे यांनी केले आहे.

नरेश बोपचे

Journalist आमगाव, गोंदिया, महाराष्ट्र•

22 hrs ago

गोंदिया जिल्ह्यातील आमगाव नगरपरिषद हद्दीतील कोरेबार ते गणेशपूर दरम्यानच्या सिमेंट काँक्रीट रस्ता आणि नाली बांधकामाच्या गुणवत्तेवरून नागरिक अत्यंत संतप्त झाले आहेत. सालेकसा रोडवरील या रस्त्याच्या कामात तांत्रिक निकषांचे सर्रास उल्लंघन करून निकृष्ट दर्जाचे साहित्य वापरल्याचा गंभीर आरोप नागरिकांनी केला आहे. या संपूर्ण विकासकामांची स्वतंत्र तांत्रिक चौकशी करून दोषींवर कठोर कारवाई करण्याची मागणी आता जोर धरू लागली आहे. नागरिकांच्या तक्रारीनुसार, या मार्गावर आवश्यक ठिकाणी पूल किंवा पाणी निचऱ्याची योग्य व्यवस्था न करताच रस्त्याचे काम पूर्ण करण्यात आले आहे. तसेच मंजूर आराखड्यानुसार १८ एमएम गिट्टीचा वापर करणे बंधनकारक असताना, प्रत्यक्षात केवळ १४ एमएम गिट्टी वापरून कामात हातसफाई करण्यात आल्याचा दावा करण्यात आला आहे. नगरपरिषदेच्या संबंधित अधिकारी व अभियंत्यांनी याकडे दुर्लक्ष केल्याचा आरोप करत तिरथ येटरे, अभय ढेगे, नितेश दोनोंडे, बालू वंजारी, विनोद तावाडे, पिंकेश शेंडे, जगदीश चुटे, प्रशांत गायधने, धीरज ठाकरे, समीर पठाण आणि राजू लाडसे यांनी उच्चस्तरीय तांत्रिक समितीमार्फत या कामाची सखोल तपासणी करण्याची मागणी केली आहे. सार्वजनिक निधीतून होणाऱ्या कामात तडजोड न करता दोषी ठेकेदार व अधिकाऱ्यांवर कारवाई करून हे काम पुन्हा करून घेण्याची मागणी त्यांनी लावून धरली आहे. दुसरीकडे, आमगाव नगरपरिषदेचे मुख्याधिकारी प्रमोद कांबळे यांनी नागरिकांचे सर्व आरोप पूर्णपणे फेटाळून लावले आहेत. त्यांनी स्पष्ट केले की, त्यांनी स्वतः संबंधित कामाची प्रत्यक्ष पाहणी केली असून तेथे १८ एमएम गिट्टीचाच वापर करण्यात आल्याचे स्पष्टपणे दिसून आले आहे. हे काम तांत्रिक निकषांनुसारच योग्य पद्धतीने झाले असून करण्यात आलेले आरोप बिनबुडाचे आणि तथ्यहीन आहेत. नागरिकांनी कोणत्याही अफवांवर विश्वास न ठेवता केवळ अधिकृत माहितीवरच विश्वास ठेवावा, असे आवाहन मुख्याधिकारी प्रमोद कांबळे यांनी केले आहे.