నిజామాబాద్ జిల్లా కేంద్రంలోని వినాయక్ నగర్‌లో నూతనంగా ఏర్పాటు చేసిన నాని ఈవీ మోటర్ షోరూంను మాజీ డిసిసిబి చైర్మన్ పోచారం భాస్కర్ రెడ్డి ముఖ్య అతిథిగా హాజరై ప్రారంభించారు. ఈ సందర్భంగా నాని ఈవీ మోటార్స్ యాజమాన్యం వర్ని మండలంలోని నెహ్రూ నగర్ గ్రామ మాజీ సర్పంచ్‌కు శుభాకాంక్షలు తెలియజేసింది. బాన్సువాడ పరిధిలో జరిగిన ఈ ప్రారంభోత్సవ కార్యక్రమంలో ఉమ్మడి వర్ని మండలానికి చెందిన ప్రజాప్రతినిధులు మరియు నాయకులు పాల్గొన్నారు.

కామారెడ్డి జిల్లా బోధన్ బెల్లాల గ్రామంలోని ఇందిరమ్మ కాలనీలో బెల్ట్ షాపులకు వ్యతిరేకంగా వికలాంగుల జాతీయ అధ్యక్షురాలు సూర్యవంశం సుజాత పోరాటం చేపట్టారు. గ్రామంలో పర్యటించిన ఆమెతో స్థానిక మహిళలు తమ ఆవేదనను పంచుకున్నారు. తమ ఊరిలో బెల్ట్ షాపులు అస్సలు ఉండకూడదని వారు సుజాతకు స్పష్టం చేశారు. ఉదయం 6 గంటల నుంచే ఇక్కడ ప్రజలు మద్యానికి బానిసవుతున్నారని, యువత గంజాయి, ఇతర మత్తు పదార్థాల బారిన పడుతున్నారని మహిళలు ఆరోపించారు. కిరాణా షాపుల పేర్లు చెప్పుకుంటూ అక్రమంగా మద్యం అమ్ముతున్నారని, యువకులు ఎక్కడబడితే అక్కడ తాగుతూ తిరుగుతుండటంతో దొంగతనాలు పెరిగిపోయి ఆడవాళ్లకు రక్షణ లేకుండా పోయిందని ఆందోళన వ్యక్తం చేశారు. ఈ చిన్న గ్రామంలో ఉన్న దాదాపు 8 బెల్ట్ షాపులపై కఠిన చర్యలు తీసుకోవాలని ఎక్సైజ్ అధికారుల దృష్టికి తీసుకెళ్లారు. అధికారులు వెంటనే స్పందించి ఈ బెల్ట్ షాపులను తొలగించేలా తగిన చర్యలు తీసుకోవాలని గ్రామస్తులు డిమాండ్ చేస్తున్నారు.

బోధన్ పట్టణంలో ప్రతి ఆదివారం జరిగే వారాంతపు సంతలో మరోసారి తాయ్ బజారీ వసూళ్ల పేరుతో ప్రధాన రహదారిపై తీవ్ర ట్రాఫిక్ సమస్య ఏర్పడింది. గ్రామాల నుంచి కూరగాయలు అమ్మేందుకు వచ్చిన రైతులు, వ్యాపారుల వాహనాలను రోడ్డుపైనే ఆపి వసూళ్లు చేస్తుండటంతో భారీగా ట్రాఫిక్ జామ్ ఏర్పడి ప్రజలు తీవ్ర ఇబ్బందులు ఎదుర్కొన్నారు. సంఘటన స్థలంలో విధులు నిర్వహిస్తున్న ఒక ట్రాఫిక్ కానిస్టేబుల్ పలుమార్లు ట్రాఫిక్‌ను క్లియర్ చేయడానికి ప్రయత్నించినప్పటికీ, వసూళ్లు చేస్తున్న సిబ్బంది అతని సూచనలను పట్టించుకోకుండా ప్రధాన రహదారిపైనే తమ వసూళ్లను కొనసాగించారు. ఇది ఒక్కరోజు సమస్య కాదని, ప్రతి ఆదివారం సంత రోజున ఇదే పరిస్థితి పునరావృతమవుతోందని స్థానికులు చెబుతున్నారు. ఈ విషయంపై మున్సిపల్ కమిషనర్‌కు పలుమార్లు ఫిర్యాదులు చేసినప్పటికీ ఇప్పటివరకు ఎలాంటి సమర్థవంతమైన చర్యలు తీసుకోలేదని ప్రజలు ఆవేదన వ్యక్తం చేస్తున్నారు. టెండర్‌ను మున్సిపాలిటీ ఇచ్చినందున దాని అమలు, పర్యవేక్షణ కూడా అధికారుల బాధ్యతేనని వారు పేర్కొంటున్నారు. ప్రధాన రహదారిపైనే వాహనాలను ఆపి వసూళ్లు చేయడం వల్ల ట్రాఫిక్‌కు తీవ్ర అంతరాయం కలుగుతున్నప్పుడు, దీనికి బాధ్యత ఎవరిది? చట్టం సాధారణ ప్రజలకేనా? లేక టెండర్ పొందిన వారూ చట్టాన్ని పాటించాలా? అనే ప్రశ్నలు స్థానికుల నుంచి వినిపిస్తున్నాయి. జిల్లా పరిపాలన, మున్సిపల్ అధికారులు, పోలీసు శాఖ వెంటనే స్పందించి ఈ వ్యవహారంపై విచారణ జరిపి, ప్రధాన రహదారిపై వసూళ్లను నిలిపివేసి, ట్రాఫిక్‌కు అంతరాయం కలగకుండా తగిన చర్యలు తీసుకోవాలని ప్రజలు కోరుతున్నారు.

తెలంగాణలో రేవంత్ రెడ్డికి మాజీ మంత్రి హరీష్ రావు గారు గట్టిగా కౌంటర్ ఇచ్చారు. నీకు రక్తమే కావాలనుకుంటే, రైతుల కోసం మా రక్తాన్ని కూడా ధారపోస్తామంటూ హరీష్ రావు గారు స్పష్టం చేశారు.

తెలంగాణలోని నిర్మల్ జిల్లా బాసర శ్రీ జ్ఞాన సరస్వతి దేవి ఆలయ పునర్నిర్మాణ పనులు శరవేగంగా కొనసాగుతున్నాయి. ఈ నెల 5వ తేదీ నుంచి ప్రధాన రాజగోపురం తొలగింపు పనులను ప్రారంభించగా, ప్రస్తుతం గర్భగుడి పరిసరాలు మరియు పాత గోపురాల కూల్చివేత పనులు అత్యంత వేగంగా సాగుతున్నాయి. శృంగేరి పీఠాధిపతుల ఆదేశాల మేరకు, సంప్రదాయ శిల్పకళకు అనుగుణంగా ఈ ఆలయ పునర్నిర్మాణ పనులను చేపట్టడం విశేషం. ఈ నిర్మాణ పనుల వల్ల భక్తులకు ఎలాంటి ఇబ్బందులు కలగకుండా ఆలయ అధికారులు ప్రత్యేక ఏర్పాట్లు చేశారు. హైదరాబాద్‌కు చెందిన సూర్యమనేని సునంద్, పద్మ ప్రియ దంపతులు సుమారు 31 కోట్ల రూపాయలకు పైగా సొంత నిధులతో అమ్మవారి ఆలయ గర్భగుడి పునర్నిర్మాణ పనులకు అంకురార్పణ చేశారు. గర్భగుడి నిర్మాణం పూర్తయిన తర్వాత, రెండవ విడతలో భాగంగా తెలంగాణ రాష్ట్ర ప్రభుత్వం తరఫున సుమారు ₹225 కోట్ల నిధులతో ఆలయాన్ని సర్వాంగ సుందరంగా తీర్చిదిద్దనున్నారు. దీని ద్వారా బాసర క్షేత్రం మరింత అభివృద్ధి పథంలోకి అడుగులు వేయనుంది. ఈ అభివృద్ధి పనులను నిర్ణీత గడువులోగా పూర్తి చేస్తామని ఆలయ అధికారులు వెల్లడించారు. ఇప్పటికే ఆలయ ఈవో అంజనీదేవి, ఏఈఓ శ్రీనివాస్ నిరంతరం అభివృద్ధి పనులను సమీక్షిస్తూ, క్షేత్రస్థాయిలో అవసరమైన సూచనలు అందిస్తూ పనులను పర్యవేక్షిస్తున్నారు.

మెదక్ జిల్లా మనోహరాబాద్ మండలం రంగాయపల్లి గ్రామంలో ఉన్న ఎమ్మెస్ అగర్వాల్ పరిశ్రమను వెంటనే తొలగించాలని గ్రామ మహిళలు ప్రభుత్వాన్ని డిమాండ్ చేశారు. ఈ పరిశ్రమ నుంచి వెలువడుతున్న కాలుష్యం కారణంగా గ్రామంలోని ప్రజలు తీవ్ర ఆరోగ్య సమస్యలను ఎదుర్కొంటున్నారని, ముఖ్యంగా క్యాన్సర్ వంటి ప్రాణాంతక వ్యాధులు వేగంగా పెరుగుతున్నాయని మహిళలు తీవ్ర ఆందోళన వ్యక్తం చేశారు. పరిశ్రమ వల్ల జరుగుతున్న కాలుష్యంపై తాము ప్రశ్నించినా, లేదా దానికి వ్యతిరేకంగా ఆందోళనలు నిర్వహించినా తమపై అక్రమ కేసులు నమోదు చేస్తున్నారని మహిళలు ఆరోపించారు. ప్రజల ప్రాణాల కంటే పరిశ్రమ ప్రయోజనాలకే ఎక్కువ ప్రాధాన్యత ఇవ్వడం అత్యంత బాధాకరమని వారు పేర్కొన్నారు. గ్రామ ప్రజల ఆరోగ్యం, వారి భవిష్యత్తును దృష్టిలో ఉంచుకుని ఎమ్మెస్ అగర్వాల్ పరిశ్రమను వెంటనే ఇక్కడి నుండి తరలించాలని, రంగాయపల్లిని కాలుష్య రహిత గ్రామంగా మార్చాలని మహిళలు ప్రభుత్వానికి విజ్ఞప్తి చేశారు.

రాజన్న సిరిసిల్ల జిల్లా వేములవాడలోని శ్రీ రాజరాజేశ్వర స్వామి దేవస్థానం అనుబంధ ఆలయమైన శ్రీ భీమేశ్వర స్వామి ఆలయంలో ఆదివారం భక్తుల రద్దీ నెలకొంది. ఈ సందర్భంగా ఆలయానికి విచ్చేసే భక్తులకు ఎలాంటి అసౌకర్యాలు కలగకుండా దేవస్థానం కార్యనిర్వహణాధికారి (ఈవో) శ్రీమతి ఎల్. రమాదేవి క్షేత్రస్థాయిలో ఆలయ ప్రాంగణాన్ని మరియు లోపలి పలు విభాగాలను స్వయంగా పరిశీలించి సంబంధిత అధికారులకు పలు సూచనలు చేశారు. ఆలయ ప్రాంగణంలోని టెంకాయలు కొట్టే ప్రాంతాన్ని పరిశీలించిన ఈవో, అక్కడ భక్తుల నుంచి ఎవరైనా అక్రమంగా డబ్బులు వసూలు చేస్తున్నారా అనే విషయాన్ని ఆరా తీశారు. టెంకాయలు కొట్టేందుకు లేదా ఇతర సేవల పేరుతో ఎవరికీ డబ్బులు ఇవ్వవద్దని, ఎవరైనా డబ్బులు డిమాండ్ చేస్తే వెంటనే విధుల్లో ఉన్న అధికారులకు లేదా దేవస్థానం కార్యాలయానికి ఫిర్యాదు చేయాలని ఆలయ మైక్ ద్వారా భక్తులకు సూచించారు. అలాగే కోడె మొక్కులు చెల్లించే భక్తులకు టెండర్‌దారులు విక్రయిస్తున్న పచ్చిగడ్డి, అరటిపండ్ల నాణ్యతను పరిశీలించి, నాణ్యమైన వస్తువులే అందించాలని ఆదేశించారు. దీపారాధన చేసే ప్రాంతాన్ని సందర్శించి, భక్తులు వెలిగించే దీపాల కోసం సహజమైన నెయ్యిని మాత్రమే వినియోగించేలా చూడాలని, ప్లాస్టిక్ లేదా రసాయన పదార్థాలు కలిగిన వస్తువులను ఉపయోగించకుండా తగిన చర్యలు తీసుకోవాలని సిబ్బందికి స్పష్టం చేశారు. ఈ పరిశీలనలో భాగంగా ఉచిత దర్శనం, శీఘ్ర దర్శనం, అతి శీఘ్ర దర్శనం క్యూలైన్లతో పాటు భక్తులు టికెట్లు పొందుతున్న విధానాన్ని పరిశీలించారు. ముఖ్యంగా వృద్ధులు, దివ్యాంగులకు అందుతున్న సౌకర్యాలపై స్వయంగా భక్తులను అడిగి తెలుసుకుని, అవసరమైన చోట మరింత మెరుగైన సేవలు అందించాలని అధికారులను ఆదేశించారు. భక్తులకు పారదర్శకమైన, సౌకర్యవంతమైన సేవలు అందించడమే దేవస్థానం లక్ష్యమని ఈవో ఎల్. రమాదేవి స్పష్టం చేశారు. ఈ కార్యక్రమంలో ఆలయ పర్యవేక్షకులు శ్రీనివాస్ శర్మ, ఆలయ పరిశీలకులు వంశీ మోహన్, ఇతర ఆలయ అధికారులు మరియు ఉద్యోగులు పాల్గొన్నారు.

ప్రభుత్వం చేపడుతున్న ఎస్ఐఆర్ కార్యక్రమంపై హమారా సహారా యూత్ అండ్ వెల్ఫేర్ సొసైటీ సభ్యులు అవగాహన సదస్సు నిర్వహిస్తున్నారు. నిర్మల్ జిల్లా కేంద్రంలో ప్రతిరోజు ఒక కాలనీని ఎంచుకుని, సొసైటీ స్థాపకుడు ఇర్షాన్ ఆధ్వర్యంలో ఈ కార్యక్రమాన్ని సాగిస్తున్నారు. ఇందులో భాగంగా స్థానిక ప్రజలకు ఎస్ఐఆర్ కార్యక్రమంపై అవగాహన కల్పిస్తూ ఫారాలను పూర్తి చేయిస్తున్నారు. ఓటర్లు తమ సరైన ధ్రువపత్రాలను పరిశీలించుకుని, అవసరమైన సమాచారాన్ని ప్రభుత్వానికి అందించాలని ఈ సందర్భంగా సొసైటీ ప్రతినిధులు సూచించారు. ఈ కార్యక్రమంలో సొసైటీ సభ్యులు ఇర్షాన్, ఫహీమ్, ఆఫ్రిన్, మహీం, రజాక్ తదితరులు పాల్గొంటున్నారు.

తెలంగాణలో కరువు వస్తున్న నేపథ్యంలో పంటలకు, రైతులకు నీళ్ళు ఎలా అని ఒక జర్నలిస్ట్ అడిగిన ప్రశ్నకు సీఎం రేవంత్ రెడ్డి వివాదాస్పద సమాధానం ఇచ్చారు. ఏముంది వాళ్ళను కోసి పంటల మీద రక్తం చల్లితే అదే పండుతుంది అంటూ సీఎం రేవంత్ రెడ్డి బదులిచ్చారు.