आगामी पावसाळ्याच्या पार्श्वभूमीवर पिंपरी चिंचवड शहरात मान्सूनपूर्व नाले सफाईच्या कामांनी वेग घेतला आहे. १ जून २०२६ पर्यंत महापालिकेने हाती घेतलेल्या एकूण कामांपैकी तब्बल ९२.३३ टक्के काम पूर्ण झाले असून, पावसाचे पाणी तुंबणे, साचलेला गाळ आणि स्थानिक पूरस्थिती टाळण्यासाठी प्रशासन नियोजनबद्ध आणि वेळबद्ध पद्धतीने ही मोहीम राबवत आहे. महापालिकेच्या विविध क्षेत्रीय कार्यालयांमार्फत ही नाले सफाई मोहीम मार्च महिन्यापासून सुरू झाली. यात शहरातील एकूण १४१ नाले आणि ९४ हजार ९१३ मीटर लांबीच्या नाल्यांची साफसफाई हाती घेण्यात आली आहे. सुरुवातीला १६ मार्च रोजी केवळ ५.०४ टक्के काम झाले होते, मात्र एप्रिल आणि मे महिन्यात कामांना गती मिळाल्याने २५ मेपर्यंत ८५.८४ टक्के तर १ जूनअखेर ९२.३३ टक्के प्रगती झाली आहे. क्षेत्रीय कार्यालयनिहाय कामगिरी पाहता, ‘ग’ क्षेत्रीय कार्यालयाने १०० टक्के नाले सफाई पूर्ण करत आघाडी घेतली आहे. ‘फ’ विभागात ९९.६१ टक्के तर ‘ई’ विभागात ९८.४४ टक्के काम पूर्ण झाले आहे. उर्वरित विभागांमधील साफसफाईची कामेही अंतिम टप्प्यात असून, पावसाळा सुरू होण्यापूर्वी संपूर्ण शहरातील नाले स्वच्छ करण्याचे उद्दिष्ट प्रशासनाने ठेवले आहे. या वर्षी पावसाळ्यात नाल्यांमध्ये साचणारा गाळ, प्लास्टिक आणि इतर कचऱ्यामुळे पाण्याचा प्रवाह अडकणार नाही आणि पाणी तुंबण्याच्या व स्थानिक पूरस्थितीच्या घटना घडणार नाहीत, याची महापालिकेने विशेष काळजी घेतली आहे. यासाठी नाले सफाईचे नियोजन अधिक काटेकोर करण्यात आले असून, संवेदनशील आणि पाणी साचण्याची शक्यता असलेल्या भागांवर विशेष लक्ष केंद्रित करण्यात आले आहे. पिंपरी चिंचवड महानगरपालिका आयुक्त डॉ. विजय सूर्यवंशी यांनी याबाबत माहिती देताना सांगितले की, नागरिकांना पाणी साचण्याच्या समस्यांना सामोरे जावे लागू नये, यासाठी नाले सफाईची कामे युद्धपातळीवर सुरू आहेत. सर्व क्षेत्रीय कार्यालयांच्या कामांचा नियमित आढावा घेतला जात असून, निर्धारित वेळेत आणि प्रभावी पद्धतीने कामे पूर्ण करण्यावर भर दिला जात आहे. उप आयुक्त डॉ. प्रदीप ठेंगल यांनी सांगितले की, नाले सफाईची कामे केवळ प्रमाणावर न पाहता गुणवत्तेच्या निकषांवरही तपासली जात आहेत. नाल्यांमधून काढलेला गाळ आणि कचरा तातडीने उचलून त्याची विल्हेवाट लावली जात आहे. महापालिकेकडून सुरू असलेल्या या व्यापक मोहिमेमुळे यंदाच्या पावसाळ्यात शहरातील जलनिस्सारण व्यवस्था अधिक सक्षम आणि सुरळीत राहण्यास मदत होणार असून, पाणी तुंबणे व स्थानिक पूरस्थितीच्या घटनांमध्ये लक्षणीय घट होईल, असा विश्वास महापालिका प्रशासनाने व्यक्त केला आहे.

City Mirror News

Media house पिंपरी चिंचवड, पुणे, महाराष्ट्र•

17 hrs ago

आगामी पावसाळ्याच्या पार्श्वभूमीवर पिंपरी चिंचवड शहरात मान्सूनपूर्व नाले सफाईच्या कामांनी वेग घेतला आहे. १ जून २०२६ पर्यंत महापालिकेने हाती घेतलेल्या एकूण कामांपैकी तब्बल ९२.३३ टक्के काम पूर्ण झाले असून, पावसाचे पाणी तुंबणे, साचलेला गाळ आणि स्थानिक पूरस्थिती टाळण्यासाठी प्रशासन नियोजनबद्ध आणि वेळबद्ध पद्धतीने ही मोहीम राबवत आहे. महापालिकेच्या विविध क्षेत्रीय कार्यालयांमार्फत ही नाले सफाई मोहीम मार्च महिन्यापासून सुरू झाली. यात शहरातील एकूण १४१ नाले आणि ९४ हजार ९१३ मीटर लांबीच्या नाल्यांची साफसफाई हाती घेण्यात आली आहे. सुरुवातीला १६ मार्च रोजी केवळ ५.०४ टक्के काम झाले होते, मात्र एप्रिल आणि मे महिन्यात कामांना गती मिळाल्याने २५ मेपर्यंत ८५.८४ टक्के तर १ जूनअखेर ९२.३३ टक्के प्रगती झाली आहे. क्षेत्रीय कार्यालयनिहाय कामगिरी पाहता, ‘ग’ क्षेत्रीय कार्यालयाने १०० टक्के नाले सफाई पूर्ण करत आघाडी घेतली आहे. ‘फ’ विभागात ९९.६१ टक्के तर ‘ई’ विभागात ९८.४४ टक्के काम पूर्ण झाले आहे. उर्वरित विभागांमधील साफसफाईची कामेही अंतिम टप्प्यात असून, पावसाळा सुरू होण्यापूर्वी संपूर्ण शहरातील नाले स्वच्छ करण्याचे उद्दिष्ट प्रशासनाने ठेवले आहे. या वर्षी पावसाळ्यात नाल्यांमध्ये साचणारा गाळ, प्लास्टिक आणि इतर कचऱ्यामुळे पाण्याचा प्रवाह अडकणार नाही आणि पाणी तुंबण्याच्या व स्थानिक पूरस्थितीच्या घटना घडणार नाहीत, याची महापालिकेने विशेष काळजी घेतली आहे. यासाठी नाले सफाईचे नियोजन अधिक काटेकोर करण्यात आले असून, संवेदनशील आणि पाणी साचण्याची शक्यता असलेल्या भागांवर विशेष लक्ष केंद्रित करण्यात आले आहे. पिंपरी चिंचवड महानगरपालिका आयुक्त डॉ. विजय सूर्यवंशी यांनी याबाबत माहिती देताना सांगितले की, नागरिकांना पाणी साचण्याच्या समस्यांना सामोरे जावे लागू नये, यासाठी नाले सफाईची कामे युद्धपातळीवर सुरू आहेत. सर्व क्षेत्रीय कार्यालयांच्या कामांचा नियमित आढावा घेतला जात असून, निर्धारित वेळेत आणि प्रभावी पद्धतीने कामे पूर्ण करण्यावर भर दिला जात आहे. उप आयुक्त डॉ. प्रदीप ठेंगल यांनी सांगितले की, नाले सफाईची कामे केवळ प्रमाणावर न पाहता गुणवत्तेच्या निकषांवरही तपासली जात आहेत. नाल्यांमधून काढलेला गाळ आणि कचरा तातडीने उचलून त्याची विल्हेवाट लावली जात आहे. महापालिकेकडून सुरू असलेल्या या व्यापक मोहिमेमुळे यंदाच्या पावसाळ्यात शहरातील जलनिस्सारण व्यवस्था अधिक सक्षम आणि सुरळीत राहण्यास मदत होणार असून, पाणी तुंबणे व स्थानिक पूरस्थितीच्या घटनांमध्ये लक्षणीय घट होईल, असा विश्वास महापालिका प्रशासनाने व्यक्त केला आहे.