जागतिक महिला दिनानिमित्त स्त्रीमुक्ती नव्हे स्त्री सन्मान कार्यक्रम; ३४५ महिलांचा गौरव जागतिक महिला दिनानिमित्त स्त्रीमुक्ती नव्हे स्त्री सन्मान कार्यक्रम; ३४५ महिलांचा गौरव विविध क्षेत्रांत योगदान देणाऱ्या महिलांचा सन्मान, मार्गदर्शन व प्रबोधन जागतिक महिला दिनानिमित्त अंबड येथे स्त्रीमुक्ती नव्हे स्त्री सन्मान’ या विशेष कार्यक्रमाचे आयोजन करण्यात आले. या कार्यक्रमात विविध क्षेत्रांत उल्लेखनीय कार्य करणाऱ्या ३४५ महिलांचा सन्मान करण्यात आला. अंबडच्या नगराध्यक्ष श्रीमती देवायानी कुलकर्णी, मत्स्योदरी महिला मिडटाऊनच्या श्रीमती कीर्ती जोशी, अ‍ॅड. आशा गाडेकर, संरक्षण अधिकारी श्रीमती मीनाक्षी शिंदे, आशा तालुका संघटक श्रीमती रेखा जाधव, ब्रह्मकुमारी संस्थेच्या श्रीमती ज्योती भोरे, कैलाश राठी, शिवाजी गाडेकर आदी मान्यवरांच्या हस्ते दीपप्रज्वलन व विश्वप्रार्थनेने कार्यक्रमाचे उद्घाटन करण्यात आले. कार्यक्रमास उपस्थित महिलांचे आगमन होताच नोंदणी करून त्यांचे स्वागत नैसर्गिक पद्धतीने तयार केलेल्या पौष्टिक बीट, गाजर, पेंड व खजूर ज्यूसने करण्यात आले. त्यानंतर योगशिक्षिका श्रीमती स्वप्नजा तुपकर आणि श्रीमती शिल्पा शेलगावकर यांनी योगिक ध्यानसाधना घेतली. ‘विठ्ठल विठ्ठल’च्या ठेक्यावर पवनमुक्त हालचाली आणि विविध प्रकारच्या टाळ्यांच्या व्यायामामुळे वातावरण प्रसन्न झाले. कार्यक्रमाच्या प्रमुख वक्त्या पुणे येथील उद्योजिका तथा कीर्तनकार श्रीमती विभावरी येवले यांनी समाजप्रबोधनासाठी कार्य करणारे मुंबई जीवनविद्या मिशनचे प्रवर्तक सद्गुरू वामनराव पै यांच्या कार्याची माहिती दिली. महिलांचा आर्थिक, सामाजिक व आध्यात्मिक विकास साधण्यासाठी त्यांनी केलेल्या कार्याचे महत्त्व त्यांनी स्पष्ट केले. संत ज्ञानेश्वर, संत तुकाराम आणि संत एकनाथ महाराज यांच्या शिकवणींचा आधार घेत आजच्या सामाजिक व मानसिक परिस्थितीवरही त्यांनी भाष्य केले. यावेळी अंबड तालुका न्यायालयाच्या जेएमएफसी-३ न्यायाधीश श्रीमती श्वेता एस. परिहार यांनी कार्यक्रमाला विशेष उपस्थिती लावून महिलांना शुभेच्छा दिल्या व विधी सुविधांबाबत मार्गदर्शन केले. न्यायाधीशांच्या उपस्थितीमुळे कार्यक्रमाचे आकर्षण वाढले. कार्यक्रमात मान्यवरांच्या हस्ते केक कापून महिलांना उत्साहपूर्ण वातावरणात महिला दिनाच्या शुभेच्छा देण्यात आल्या. उपस्थित सर्व महिलांसाठी चटणी, सॅलड व दुपारचे स्वादिष्ट जेवणाची व्यवस्था करण्यात आली होती. कार्यक्रमाचे सूत्रसंचालन देवा चित्राल यांनी केले व आभारप्रदर्शन केले.

पत्रकार ओमप्रकाश उढाण

घनसावंगी, जालना, महाराष्ट्र•

2 hrs ago

जागतिक महिला दिनानिमित्त स्त्रीमुक्ती नव्हे स्त्री सन्मान कार्यक्रम; ३४५ महिलांचा गौरव जागतिक महिला दिनानिमित्त स्त्रीमुक्ती नव्हे स्त्री सन्मान कार्यक्रम; ३४५ महिलांचा गौरव विविध क्षेत्रांत योगदान देणाऱ्या महिलांचा सन्मान, मार्गदर्शन व प्रबोधन जागतिक महिला दिनानिमित्त अंबड येथे स्त्रीमुक्ती नव्हे स्त्री सन्मान’ या विशेष कार्यक्रमाचे आयोजन करण्यात आले. या कार्यक्रमात विविध क्षेत्रांत उल्लेखनीय कार्य करणाऱ्या ३४५ महिलांचा सन्मान करण्यात आला. अंबडच्या नगराध्यक्ष श्रीमती देवायानी कुलकर्णी, मत्स्योदरी महिला मिडटाऊनच्या श्रीमती कीर्ती जोशी, अ‍ॅड. आशा गाडेकर, संरक्षण अधिकारी श्रीमती मीनाक्षी शिंदे, आशा तालुका संघटक श्रीमती रेखा जाधव, ब्रह्मकुमारी संस्थेच्या श्रीमती ज्योती भोरे, कैलाश राठी, शिवाजी गाडेकर आदी मान्यवरांच्या हस्ते दीपप्रज्वलन व विश्वप्रार्थनेने कार्यक्रमाचे उद्घाटन करण्यात आले. कार्यक्रमास उपस्थित महिलांचे आगमन होताच नोंदणी करून त्यांचे स्वागत नैसर्गिक पद्धतीने तयार केलेल्या पौष्टिक बीट, गाजर, पेंड व खजूर ज्यूसने करण्यात आले. त्यानंतर योगशिक्षिका श्रीमती स्वप्नजा तुपकर आणि श्रीमती शिल्पा शेलगावकर यांनी योगिक ध्यानसाधना घेतली. ‘विठ्ठल विठ्ठल’च्या ठेक्यावर पवनमुक्त हालचाली आणि विविध प्रकारच्या टाळ्यांच्या व्यायामामुळे वातावरण प्रसन्न झाले. कार्यक्रमाच्या प्रमुख वक्त्या पुणे येथील उद्योजिका तथा कीर्तनकार श्रीमती विभावरी येवले यांनी समाजप्रबोधनासाठी कार्य करणारे मुंबई जीवनविद्या मिशनचे प्रवर्तक सद्गुरू वामनराव पै यांच्या कार्याची माहिती दिली. महिलांचा आर्थिक, सामाजिक व आध्यात्मिक विकास साधण्यासाठी त्यांनी केलेल्या कार्याचे महत्त्व त्यांनी स्पष्ट केले. संत ज्ञानेश्वर, संत तुकाराम आणि संत एकनाथ महाराज यांच्या शिकवणींचा आधार घेत आजच्या सामाजिक व मानसिक परिस्थितीवरही त्यांनी भाष्य केले. यावेळी अंबड तालुका न्यायालयाच्या जेएमएफसी-३ न्यायाधीश श्रीमती श्वेता एस. परिहार यांनी कार्यक्रमाला विशेष उपस्थिती लावून महिलांना शुभेच्छा दिल्या व विधी सुविधांबाबत मार्गदर्शन केले. न्यायाधीशांच्या उपस्थितीमुळे कार्यक्रमाचे आकर्षण वाढले. कार्यक्रमात मान्यवरांच्या हस्ते केक कापून महिलांना उत्साहपूर्ण वातावरणात महिला दिनाच्या शुभेच्छा देण्यात आल्या. उपस्थित सर्व महिलांसाठी चटणी, सॅलड व दुपारचे स्वादिष्ट जेवणाची व्यवस्था करण्यात आली होती. कार्यक्रमाचे सूत्रसंचालन देवा चित्राल यांनी केले व आभारप्रदर्शन केले.