वर्धा जिल्ह्यात अपघातांचे वाढते प्रमाण कमी करण्यासाठी तसेच नागरिकांनी वाहतूक नियमांचे पालन करावे या उद्देशाने, मा. पोलीस अधीक्षक सौरभ कुमार अग्रवाल साहेब आणि मा. अपर पोलीस अधीक्षक सदाशिव वाघमारे साहेब, वर्धा जिल्हा यांच्या मार्गदर्शनाखाली जिल्हा वाहतूक पोलीस विभागातर्फे संपूर्ण जिल्ह्यात विशेष मोहीम राबवण्यात येत आहे. या मोहिमेंतर्गत, २९ मे २०२६ रोजी पेट्रोलिंग करत असताना वाहतूक नियंत्रण शाखा, वर्धा येथील अधिकारी पोउपनि अमोल लगड आणि अंमलदार सफी/४४३ अनिल तिवारी, पोहवा/१२६५ मुकेश राऊत, पोशि/९८३ प्रदीप कोवळे यांनी वाहन चालकांची तपासणी केली. त्यावेळी, गाडगे नगर, मसाळा, वर्धा येथील रहिवासी मंगेश श्रीधरराव काचोळे (वय ४० वर्ष) यांच्या रक्तामध्ये ३२.० mg% अल्कोहोल आढळून आले. तसेच, केजाजी चौक, गॉडप्लाट, वार्ड नं. १३, वर्धा येथील रहिवासी रमेश रामदासजी गुरव (वय ५८ वर्ष) यांच्या वैद्यकीय तपासणीत त्यांच्या रक्तामध्ये ७८.८ mg% अल्कोहोल असल्याचे निष्पन्न झाले. या दोन्ही वाहनधारकांवर मोटार वाहन कायद्याच्या कलम १८५ (दारू पिऊन वाहन चालवणे) आणि ३(१)१८१/१७७ नुसार कारवाई करण्यात आली. या दररोज राबवण्यात येणाऱ्या मोहिमेदरम्यान, संपूर्ण वर्धा जिल्ह्यामध्ये वाहतुकीच्या नियमांचे उल्लंघन करणाऱ्या वाहन चालकांवर कलम १२९/१७७ (बिना हेल्मेट), ३(१)१८१/१७७ (विनापरवाना वाहन चालवणे), १८५ (दारू पिऊन वाहन चालवणे), १८४ (धोकादायक वेगाने वाहन चालवणे) आणि १८४ सी (वाहन चालवताना मोबाईलवर बोलणे) या मोटार वाहन कायद्यान्वये कारवाई केली जात आहे. वाहतूक नियंत्रण शाखा, वर्धा यांनी नागरिकांना हेल्मेटशिवाय दुचाकी, सीटबेल्टशिवाय चारचाकी, अतिवेगाने आणि दारू पिऊन वाहन न चालवण्याचे आणि वाहतुकीच्या नियमांचे पालन करण्याचे आवाहन केले आहे.

राजेंद्र वामनराव खंडारे

आष्टी, वर्धा, महाराष्ट्र•

2 hrs ago

वर्धा जिल्ह्यात अपघातांचे वाढते प्रमाण कमी करण्यासाठी तसेच नागरिकांनी वाहतूक नियमांचे पालन करावे या उद्देशाने, मा. पोलीस अधीक्षक सौरभ कुमार अग्रवाल साहेब आणि मा. अपर पोलीस अधीक्षक सदाशिव वाघमारे साहेब, वर्धा जिल्हा यांच्या मार्गदर्शनाखाली जिल्हा वाहतूक पोलीस विभागातर्फे संपूर्ण जिल्ह्यात विशेष मोहीम राबवण्यात येत आहे. या मोहिमेंतर्गत, २९ मे २०२६ रोजी पेट्रोलिंग करत असताना वाहतूक नियंत्रण शाखा, वर्धा येथील अधिकारी पोउपनि अमोल लगड आणि अंमलदार सफी/४४३ अनिल तिवारी, पोहवा/१२६५ मुकेश राऊत, पोशि/९८३ प्रदीप कोवळे यांनी वाहन चालकांची तपासणी केली. त्यावेळी, गाडगे नगर, मसाळा, वर्धा येथील रहिवासी मंगेश श्रीधरराव काचोळे (वय ४० वर्ष) यांच्या रक्तामध्ये ३२.० mg% अल्कोहोल आढळून आले. तसेच, केजाजी चौक, गॉडप्लाट, वार्ड नं. १३, वर्धा येथील रहिवासी रमेश रामदासजी गुरव (वय ५८ वर्ष) यांच्या वैद्यकीय तपासणीत त्यांच्या रक्तामध्ये ७८.८ mg% अल्कोहोल असल्याचे निष्पन्न झाले. या दोन्ही वाहनधारकांवर मोटार वाहन कायद्याच्या कलम १८५ (दारू पिऊन वाहन चालवणे) आणि ३(१)१८१/१७७ नुसार कारवाई करण्यात आली. या दररोज राबवण्यात येणाऱ्या मोहिमेदरम्यान, संपूर्ण वर्धा जिल्ह्यामध्ये वाहतुकीच्या नियमांचे उल्लंघन करणाऱ्या वाहन चालकांवर कलम १२९/१७७ (बिना हेल्मेट), ३(१)१८१/१७७ (विनापरवाना वाहन चालवणे), १८५ (दारू पिऊन वाहन चालवणे), १८४ (धोकादायक वेगाने वाहन चालवणे) आणि १८४ सी (वाहन चालवताना मोबाईलवर बोलणे) या मोटार वाहन कायद्यान्वये कारवाई केली जात आहे. वाहतूक नियंत्रण शाखा, वर्धा यांनी नागरिकांना हेल्मेटशिवाय दुचाकी, सीटबेल्टशिवाय चारचाकी, अतिवेगाने आणि दारू पिऊन वाहन न चालवण्याचे आणि वाहतुकीच्या नियमांचे पालन करण्याचे आवाहन केले आहे.