कल्याणमध्ये २० जून रोजी नरेंद्र पवार फाउंडेशन आणि तहसीलदार कार्यालय, कल्याण यांच्या संयुक्त विद्यमाने आयोजित करण्यात आलेल्या मोफत शासकीय दाखले वितरण शिबिराला नागरिकांचा प्रचंड प्रतिसाद मिळाला. शाळा-महाविद्यालयीन प्रवेश प्रक्रिया आणि विविध शासकीय योजनांसाठी आवश्यक असलेले दाखले एकाच ठिकाणी उपलब्ध झाल्याने शेकडो विद्यार्थी, पालक आणि ज्येष्ठ नागरिकांची शासकीय कार्यालयांमध्ये चकरा मारण्याची मोठी धावपळ वाचली. सध्या शैक्षणिक प्रवेशाचा काळ असल्याने स्थानिक वास्तव्य दाखला, डोमिसाईल (अधिवास) दाखला, उत्पन्नाचा दाखला आणि ज्येष्ठ नागरिक कार्ड मिळवण्यासाठी नागरिकांनी या शिबिरात मोठी गर्दी केली होती. तहसीलदार कार्यालयाच्या अधिकाऱ्यांनी नागरिकांना योग्य मार्गदर्शन करत दाखले वितरण प्रक्रिया अत्यंत सुलभ आणि गतिमान पद्धतीने पूर्ण केली. नगरसेविका हेमलता नरेंद्र पवार यांनी दिलेल्या माहितीनुसार, आवश्यक कागदपत्रांची पूर्तता करून शेकडो नागरिकांना तात्काळ दाखले उपलब्ध करून देण्यात आले, ज्यामुळे नागरिकांना सरकारी कार्यालयांची वारी करावी लागली नाही. या विशेष आणि यशस्वी आयोजनासाठी माजी आमदार तथा कल्याण विकास फाउंडेशनचे अध्यक्ष नरेंद्र पवार, नगरसेविका हेमलता नरेंद्र पवार आणि नगरसेवक तसेच केडीएमसी शिक्षण समिती सदस्य शामल मंगेश गायकर यांनी विशेष पुढाकार घेतला होता. यावेळी शिवसेना स्थानिक नगरसेविका विजया अरविंद पोटे, नितीन चौधरी, गणेश गायकर, प्रणव महाजन, चंदू बिरारी, संदीप गडगे, रोहित लामतुरे, बंटी अपराज, अमोल गायकवाड, भिका भदाणे, प्रभाकर शिंदे, नाना बारवे, संतोष राजपूत, अरुण राजपूत, गौरव पवार यांच्यासह परिसरातील अनेक मान्यवर आणि कार्यकर्ते मोठ्या संख्येने उपस्थित होते. सर्वसामान्य नागरिकांच्या थेट सोयीसाठी असलेल्या या उपक्रमाचे सर्व स्तरांतून कौतुक होत असून, भविष्यातही अशी शिबिरे आयोजित केली जावीत, अशी इच्छा नागरिकांनी व्यक्त केली आहे.

जनहित न्यूज महाराष्ट्र

Newspaper distribution कल्याण, ठाणे, महाराष्ट्र•

13 hrs ago

कल्याणमध्ये २० जून रोजी नरेंद्र पवार फाउंडेशन आणि तहसीलदार कार्यालय, कल्याण यांच्या संयुक्त विद्यमाने आयोजित करण्यात आलेल्या मोफत शासकीय दाखले वितरण शिबिराला नागरिकांचा प्रचंड प्रतिसाद मिळाला. शाळा-महाविद्यालयीन प्रवेश प्रक्रिया आणि विविध शासकीय योजनांसाठी आवश्यक असलेले दाखले एकाच ठिकाणी उपलब्ध झाल्याने शेकडो विद्यार्थी, पालक आणि ज्येष्ठ नागरिकांची शासकीय कार्यालयांमध्ये चकरा मारण्याची मोठी धावपळ वाचली. सध्या शैक्षणिक प्रवेशाचा काळ

असल्याने स्थानिक वास्तव्य दाखला, डोमिसाईल (अधिवास) दाखला, उत्पन्नाचा दाखला आणि ज्येष्ठ नागरिक कार्ड मिळवण्यासाठी नागरिकांनी या शिबिरात मोठी गर्दी केली होती. तहसीलदार कार्यालयाच्या अधिकाऱ्यांनी नागरिकांना योग्य मार्गदर्शन करत दाखले वितरण प्रक्रिया अत्यंत सुलभ आणि गतिमान पद्धतीने पूर्ण केली. नगरसेविका हेमलता नरेंद्र पवार यांनी दिलेल्या माहितीनुसार, आवश्यक कागदपत्रांची पूर्तता करून शेकडो नागरिकांना तात्काळ दाखले उपलब्ध करून देण्यात

आले, ज्यामुळे नागरिकांना सरकारी कार्यालयांची वारी करावी लागली नाही. या विशेष आणि यशस्वी आयोजनासाठी माजी आमदार तथा कल्याण विकास फाउंडेशनचे अध्यक्ष नरेंद्र पवार, नगरसेविका हेमलता नरेंद्र पवार आणि नगरसेवक तसेच केडीएमसी शिक्षण समिती सदस्य शामल मंगेश गायकर यांनी विशेष पुढाकार घेतला होता. यावेळी शिवसेना स्थानिक नगरसेविका विजया अरविंद पोटे, नितीन चौधरी, गणेश गायकर, प्रणव महाजन, चंदू बिरारी,

संदीप गडगे, रोहित लामतुरे, बंटी अपराज, अमोल गायकवाड, भिका भदाणे, प्रभाकर शिंदे, नाना बारवे, संतोष राजपूत, अरुण राजपूत, गौरव पवार यांच्यासह परिसरातील अनेक मान्यवर आणि कार्यकर्ते मोठ्या संख्येने उपस्थित होते. सर्वसामान्य नागरिकांच्या थेट सोयीसाठी असलेल्या या उपक्रमाचे सर्व स्तरांतून कौतुक होत असून, भविष्यातही अशी शिबिरे आयोजित केली जावीत, अशी इच्छा नागरिकांनी व्यक्त केली आहे.