திருச்சி மாவட்டம் துவரங்குறிச்சி அடுத்த மருதம்பட்டியில் தனியாருக்குச் சொந்தமான 10 ஏக்கர் நிலத்தில் தற்போது புதிய கல்குவாரி அமைக்கும் பணி நடைபெற்று வருகிறது. இந்த நிலையில், செவந்தாம்பட்டி, ஆலம்பட்டி, மருதம்பட்டி, தவசி பட்டி மற்றும் களத்தூர் பகுதிகளைச் சேர்ந்த பொதுமக்கள், தங்கள் பகுதியில் ஏற்கனவே பல கல் குவாரிகள் இயங்கி வருவதாகவும், தற்போது புதிதாக அமையவிருக்கும் கல்குவாரி இப்பகுதியில் உள்ள குளங்கள், விவசாய நிலங்கள் மற்றும் கால்நடைகளுக்கு கடும் பாதிப்பை ஏற்படுத்தும் என்றும் கூறி எதிர்ப்பு தெரிவித்துள்ளனர். பொதுமக்களின் நலனைக் கருத்தில் கொண்டு, இங்கு அமைக்கப்பட உள்ள கல்குவாரியை தடை செய்யக் கோரி, அப்பகுதியைச் சேர்ந்த 200க்கும் மேற்பட்ட கிராம மக்கள் நேற்று மாலை துவரங்குறிச்சி காவல் நிலையத்தில் காவல் ஆய்வாளர் ரகுராமனிடம் மனு அளித்தனர். மேலும், துவரங்குறிச்சி பகுதிக்கு வருகை தந்த மணப்பாறை சட்டமன்ற உறுப்பினர் கதிரவன், மனு அளிக்க வந்த பொதுமக்களுடன் பேச்சுவார்த்தை நடத்தினார். அப்போது, கல்குவாரி அமைக்கக் கூடாது என்றும், அதை நிறுத்த வேண்டும் என்றும் பொதுமக்கள் சட்டமன்ற உறுப்பினரிடம் கோரிக்கை விடுத்தனர். பொதுமக்கள் அளித்த கோரிக்கை மீது உரிய நடவடிக்கை எடுக்கப்படும் என சட்டமன்ற உறுப்பினர் உறுதியளித்தார்.

Lakshmanan

Local News Reporter மணப்பாறை, திருச்சிராப்பள்ளி, தமிழ்நாடு•

23 hrs ago

திருச்சி மாவட்டம் துவரங்குறிச்சி அடுத்த மருதம்பட்டியில் தனியாருக்குச் சொந்தமான 10 ஏக்கர் நிலத்தில் தற்போது புதிய கல்குவாரி அமைக்கும் பணி நடைபெற்று வருகிறது. இந்த நிலையில், செவந்தாம்பட்டி, ஆலம்பட்டி, மருதம்பட்டி, தவசி பட்டி மற்றும் களத்தூர் பகுதிகளைச் சேர்ந்த பொதுமக்கள், தங்கள் பகுதியில் ஏற்கனவே பல கல் குவாரிகள் இயங்கி வருவதாகவும், தற்போது புதிதாக அமையவிருக்கும் கல்குவாரி இப்பகுதியில் உள்ள குளங்கள், விவசாய நிலங்கள் மற்றும் கால்நடைகளுக்கு கடும் பாதிப்பை ஏற்படுத்தும் என்றும் கூறி எதிர்ப்பு தெரிவித்துள்ளனர். பொதுமக்களின் நலனைக் கருத்தில் கொண்டு, இங்கு அமைக்கப்பட உள்ள கல்குவாரியை தடை செய்யக் கோரி, அப்பகுதியைச் சேர்ந்த 200க்கும் மேற்பட்ட கிராம மக்கள் நேற்று மாலை துவரங்குறிச்சி காவல் நிலையத்தில் காவல் ஆய்வாளர் ரகுராமனிடம் மனு அளித்தனர். மேலும், துவரங்குறிச்சி பகுதிக்கு வருகை தந்த மணப்பாறை சட்டமன்ற உறுப்பினர் கதிரவன், மனு அளிக்க வந்த பொதுமக்களுடன் பேச்சுவார்த்தை நடத்தினார். அப்போது, கல்குவாரி அமைக்கக் கூடாது என்றும், அதை நிறுத்த வேண்டும் என்றும் பொதுமக்கள் சட்டமன்ற உறுப்பினரிடம் கோரிக்கை விடுத்தனர். பொதுமக்கள் அளித்த கோரிக்கை மீது உரிய நடவடிக்கை எடுக்கப்படும் என சட்டமன்ற உறுப்பினர் உறுதியளித்தார்.