बीड येथे 'महामानव अभिवादन ग्रुप' आणि 'वाचाल तर वाचाल' यांच्या संयुक्त विद्यमाने पीपल्स एज्युकेशन सोसायटीचा ८१ वा वर्धापन दिन उत्साहात साजरा करण्यात आला. कार्यक्रमाच्या अध्यक्षस्थानी प्रो. डॉ. उत्तम साळवे होते. यावेळी डॉ. बाबासाहेब आंबेडकर यांनी समाजातील उपेक्षित घटकांच्या सर्वांगीण प्रगतीसाठी आणि देशाच्या हितासाठी उच्च शिक्षणाची सोय कशी केली, यावर मान्यवरांनी प्रकाश टाकला. कार्यक्रमात थायलंडमधील अपघातात निधन झालेल्या ९ बौद्ध भिक्खूंना दोन मिनिटे स्तब्ध राहून श्रद्धांजली अर्पण करण्यात आली. कार्यक्रमाचे सूत्रसंचालन डी. एम. राऊत यांनी केले, तर प्रास्ताविक जी. एम. भोले यांनी केले. यावेळी जी. एम. भोले यांनी माहिती दिली की, पुढील वर्षी पी.ई.एस. सोसायटीचे माजी विद्यार्थी एकत्र येऊन 'पे बॅक टू सोसायटी' या उद्देशाने विविध सामाजिक, शैक्षणिक आणि आर्थिक उपक्रम राबवण्याचे नियोजन करत आहेत. तसेच, 'वाचाल तर वाचाल' वाचनालयाच्या माध्यमातून सम्यक संबुद्ध विहार नागोबा गल्लीसाठी ८१ पुस्तकांचा संच माजी नगरसेवक राजू जोगदंड यांच्याकडे सुपूर्द करण्यात आला. या कार्यक्रमात विशेष सत्कारमूर्ती प्रा. प्रदीप रोडे आणि ज्येष्ठ पत्रकार उत्तम हजारे यांचा मान्यवरांच्या हस्ते सत्कार करण्यात आला. तसेच, पी.ई.एस. च्या माजी विद्यार्थ्यांचाही गौरव करण्यात आला. याप्रसंगी पी. व्ही. बनसोडे, सुभाष साळवे, वैभव स्वामी आणि मिलिंद तूपसमुद्रे यांच्यासह अनेक मान्यवर उपस्थित होते. शेवटी, पी.ई.एस. सोसायटीच्या ध्येयधोरणांवर आणि संविधानात्मक मार्गाने अधिकार मिळवण्यासाठी संघटित होऊन संघर्ष करण्याच्या गरजेवर डॉ. उत्तम साळवे यांनी मार्गदर्शन केले. कार्यक्रमाच्या यशस्वीतेसाठी यशवंत वासनिक, हॅपी वासनिक, बी. जी. दळवी आणि बी. डी. तांगडे यांनी परिश्रम घेतले, तर आभार प्रदर्शन प्रशांत वासनिक यांनी केले.

लाईव्ह अशोका टाईम्स

Political party office केज, बीड, महाराष्ट्र•

1 day ago

बीड येथे 'महामानव अभिवादन ग्रुप' आणि 'वाचाल तर वाचाल' यांच्या संयुक्त विद्यमाने पीपल्स एज्युकेशन सोसायटीचा ८१ वा वर्धापन दिन उत्साहात साजरा करण्यात आला. कार्यक्रमाच्या अध्यक्षस्थानी प्रो. डॉ. उत्तम साळवे होते. यावेळी डॉ. बाबासाहेब आंबेडकर यांनी समाजातील उपेक्षित घटकांच्या सर्वांगीण प्रगतीसाठी आणि देशाच्या हितासाठी उच्च शिक्षणाची सोय कशी केली, यावर मान्यवरांनी प्रकाश टाकला. कार्यक्रमात थायलंडमधील अपघातात निधन झालेल्या ९ बौद्ध भिक्खूंना दोन मिनिटे स्तब्ध राहून श्रद्धांजली अर्पण करण्यात आली. कार्यक्रमाचे सूत्रसंचालन डी. एम. राऊत यांनी केले, तर प्रास्ताविक जी. एम. भोले यांनी केले. यावेळी जी. एम. भोले यांनी माहिती दिली की, पुढील वर्षी पी.ई.एस. सोसायटीचे माजी विद्यार्थी एकत्र येऊन 'पे बॅक टू सोसायटी' या उद्देशाने विविध सामाजिक, शैक्षणिक आणि आर्थिक उपक्रम राबवण्याचे नियोजन करत आहेत. तसेच, 'वाचाल तर वाचाल' वाचनालयाच्या माध्यमातून सम्यक संबुद्ध विहार नागोबा गल्लीसाठी ८१ पुस्तकांचा संच माजी नगरसेवक राजू जोगदंड यांच्याकडे सुपूर्द करण्यात आला. या कार्यक्रमात विशेष सत्कारमूर्ती प्रा. प्रदीप रोडे आणि ज्येष्ठ पत्रकार उत्तम हजारे यांचा मान्यवरांच्या हस्ते सत्कार करण्यात आला. तसेच, पी.ई.एस. च्या माजी विद्यार्थ्यांचाही गौरव करण्यात आला. याप्रसंगी पी. व्ही. बनसोडे, सुभाष साळवे, वैभव स्वामी आणि मिलिंद तूपसमुद्रे यांच्यासह अनेक मान्यवर उपस्थित होते. शेवटी, पी.ई.एस. सोसायटीच्या ध्येयधोरणांवर आणि संविधानात्मक मार्गाने अधिकार मिळवण्यासाठी संघटित होऊन संघर्ष करण्याच्या गरजेवर डॉ. उत्तम साळवे यांनी मार्गदर्शन केले. कार्यक्रमाच्या यशस्वीतेसाठी यशवंत वासनिक, हॅपी वासनिक, बी. जी. दळवी आणि बी. डी. तांगडे यांनी परिश्रम घेतले, तर आभार प्रदर्शन प्रशांत वासनिक यांनी केले.