শোণিতপুৰ জিলাৰ ঢেকীয়াজুলি আৰক্ষীয়ে এক বৃহৎ সফলতা অৰ্জন কৰিছে। আৰক্ষীৰ অভিযানত ৮ খন মটৰচাইকেলসহ এজন চোৰক হাতে-লোটে গ্ৰেপ্তাৰ কৰিবলৈ সক্ষম হৈছে। এই সফল অভিযানে অঞ্চলটোত চৰ্চা লাভ কৰিছে।

শোণিতপুৰ জিলাৰ ঢেকীয়াজুলি আৰক্ষীয়ে এক বৃহৎ সফলতা অৰ্জন কৰিছে। আৰক্ষীৰ অভিযানত ৮ খন মটৰচাইকেলসহ এজন চোৰক হাতে-লোটে গ্ৰেপ্তাৰ কৰিবলৈ সক্ষম হৈছে। এই সফল অভিযানে অঞ্চলটোত চৰ্চা লাভ কৰিছে।

হিন্দু ধৰ্মৰ সৌন্দৰ্য আৰু ভগৱানক কিদৰে শ্ৰদ্ধা তথা সন্মান প্ৰদৰ্শন কৰা হয়, সেই দৃশ্য প্ৰকাশ পোৱা গৈছে। নগাঁও জিলাৰ ধিং অঞ্চলৰ এই ধৰ্মীয় পৰম্পৰা আৰু ভগৱানৰ প্ৰতি থকা অটল ভক্তিৰ প্ৰতিফলন ইয়াত স্পষ্ট হৈ পৰিছে।

নগাঁৱৰ পৰা ঔষধ ক্ৰয় কৰি সেৱন কৰাৰ পাছতে এজন ব্যক্তিৰ প্ৰস্ৰাৱৰ সৈতে কিডনীৰ পাথৰ ওলাই অহাৰ এক ঘটনা পোহৰলৈ আহিছে। এই ঔষধ সেৱনৰ ফলতেই কোনো ধৰণৰ অপাৰেচন নকৰাকৈয়ে ব্যক্তিগৰাকীৰ ফেটিলিভাৰ আৰু টিউমাৰৰ দৰে সমস্যাও নিৰাময় হোৱা বুলি জানিব পৰা গৈছে।

মৰিগাঁও জিলাৰ মৎস্য ব্যৱসায়ীসকলৰ বাবে এক সুখবৰ। কেইজনমান উদ্যমী ব্যক্তিৰ প্ৰচেষ্টাত মৰিগাঁও জিলাৰ কহুঁৱাটিৰ মূল পথৰ কাষত নতুনকৈ মুকলি কৰা হৈছে ‘মহাবাহু’ নামৰ এটি মাছৰ কাটা। ইয়াৰ ফলত এতিয়াৰে পৰা নগাঁও আৰু মৰিগাঁও অঞ্চলৰ মৎস্য ব্যৱসায়ীসকলৰ বাবে মাছ ক্ৰয় কৰাৰ ক্ষেত্ৰত বিশেষ সুবিধা হ’ব। যিসকল লোকে ইয়াৰ পৰা মাছ ক্ৰয় কৰিবলৈ ইচ্ছুক, তেওঁলোকক ৮৪৭১৮২৬৬৭১, ৮৬৩৮৬০২৩৭৭ নাইবা ৮৪৭৩৮৪৯১৫৩ নম্বৰত যোগাযোগ কৰিবলৈ অনুৰোধ জনোৱা হৈছে।

দীৰ্ঘদিনীয়া অপেক্ষাৰ অন্ত পেলাই আজি মৰিগাঁও নগৰৰ মাজমজিয়াত নিৰ্মিত দৃষ্টিনন্দন ক্লক টাৱাৰ আৰু তৰুণৰাম ফুকন খেলপথাৰত গঢ়ি তোলা আধুনিক ৱাকিং জ'ন আনুষ্ঠানিকভাৱে উদ্বোধন কৰা হয়। নগৰখনৰ সৌন্দৰ্য বৃদ্ধি আৰু নাগৰিকসকলক উন্নত পৰিৱেশ প্ৰদান কৰাৰ লক্ষ্যৰে এই প্ৰকল্প দুটা নিৰ্মাণ কৰা হৈছে। আধুনিক স্থাপত্যশৈলীৰে নিৰ্মিত ক্লক টাৱাৰটোৱে ইতিমধ্যে চহৰখনৰ নতুন পৰিচয় হিচাপে আত্মপ্ৰকাশ কৰিছে আৰু ইয়াৰ আলোকসজ্জাই সকলোকে আকৰ্ষণ কৰিছে। তৰুণৰাম ফুকন খেলপথাৰত মুকলি কৰা ৱাকিং জ'নটোত খোজকঢ়াৰ সুন্দৰ পথ, বহাৰ ব্যৱস্থা আৰু সেউজীয়া পৰিৱেশৰ লগতে মনোৰম আলোকসজ্জাৰ ব্যৱস্থা কৰা হৈছে, যিয়ে ইয়াক এক স্বাস্থ্যসচেতন আৰু পৰিয়ালমুখী বিনোদন কেন্দ্ৰ হিচাপে গঢ়ি তুলিছে। উদ্বোধনী অনুষ্ঠানত উপস্থিত বিশিষ্ট অতিথিসকলে কয় যে এই উন্নয়নমূলক পদক্ষেপে মৰিগাঁও নগৰক অধিক সুন্দৰ আৰু আধুনিক হিচাপে প্ৰতিষ্ঠা কৰাত গুৰুত্বপূৰ্ণ ভূমিকা ল'ব। আগন্তুক দিনত এনে বহু জনকল্যাণমূলক প্ৰকল্পৰ জৰিয়তে নগৰখনক আদৰ্শ হিচাপে গঢ়ি তোলাৰ লক্ষ্য লোৱা হৈছে। উদ্বোধনৰ পিছতেই এই স্থান দুটাত শিশুৰ পৰা বয়োজ্যেষ্ঠলৈকে সকলো শ্ৰেণীৰ লোকৰ ব্যাপক সমাগম হোৱা পৰিলক্ষিত হয়। স্থানীয় বাসিন্দাসকলৰ লগতে দূৰ-দূৰণিৰ পৰা অহা লোকসকলে এই উন্নয়নক আদৰণি জনাইছে। এই প্ৰকল্পসমূহে কেৱল নগৰখনৰ সৌন্দৰ্যই বঢ়োৱা নাই, বৰং ভৱিষ্যতে পৰ্যটনৰ সম্ভাৱনাও উজ্জ্বল কৰি তুলিব বুলি সকলোৱে আশা প্ৰকাশ কৰিছে।

বিধানসভাত সংখ্যালঘু অধ্যুষিত অঞ্চলত টেট শিক্ষয়িত্ৰীসকলৰ নিৰাপত্তা সন্দৰ্ভত বিধায়ক শিলাদিত্য দেৱে কৰা এক মন্তব্যই সমগ্ৰ ৰাজ্যতে তীব্ৰ বিতৰ্কৰ সৃষ্টি কৰিছে। বিধায়কগৰাকীয়ে সদনত দাবী কৰিছিল যে সংখ্যালঘু অধ্যুষিত এলেকাত টেট শিক্ষয়িত্ৰীসকল নিৰাপদ নহয়। এই মন্তব্যৰ পিছতেই জাঙুৰ খাই উঠিছে অসম সংখ্যালঘু সংগ্ৰাম পৰিষদ। অসম সংখ্যালঘু সংগ্ৰাম পৰিষদৰ এজন নেতাই বিধায়ক শিলাদিত্য দেৱৰ এই মন্তব্যক সম্পূৰ্ণ ভিত্তিহীন বুলি প্ৰত্যাহ্বান জনাইছে। নেতাগৰাকীয়ে বিধায়কগৰাকীক প্ৰত্যাহ্বান জনাই কয় যে, যদি সংখ্যালঘু অঞ্চলত কোনো শিক্ষয়িত্ৰী নিৰাপদ নহয় বুলি তেওঁৰ হাতত প্ৰমাণ আছে, তেন্তে তেনে এগৰাকী শিক্ষয়িত্ৰীক কেমেৰাৰ সন্মুখলৈ আনি দেখুৱাব লাগে। তেওঁৰ মতে, সংখ্যালঘু অধ্যুষিত অঞ্চলসমূহত শিক্ষয়িত্ৰীসকলক ল'ৰা-ছোৱালীয়ে অতি সন্মান আৰু শ্ৰদ্ধাৰ চকুৰে চায় আৰু তেওঁলোক উক্ত অঞ্চলত সম্পূৰ্ণৰূপে সুৰক্ষিত। শিক্ষক আৰু শিক্ষাৰ কোনো জাতি বা ধৰ্ম নাই বুলি উল্লেখ কৰি সংগঠনটোৰ নেতাজনে লগতে কয় যে এনেধৰণৰ মন্তব্যই কেৱল সমাজত ঘৃণা আৰু বিভেদৰহে সৃষ্টি কৰিব। পৰিশেষত, তেওঁ বিধায়ক শিলাদিত্য দেৱক ভৱিষ্যতে এনেধৰণৰ সাম্প্ৰদায়িক মন্তব্য কৰাৰ পৰা বিৰত থাকিবলৈ আহ্বান জনাইছে।

নগাঁও জিলাৰ চলচলি চিলংঙণিত স্থানীয় ৰাইজৰ সুবিধাৰ বাবে নতুনকৈ ‘JR FURNITURE HOUSE’ নামৰ এখন ফাৰ্নিচাৰ বিপনি মুকলি কৰা হৈছে। এই বিপনিখনত গ্ৰাহকসকলে মাত্ৰ ২৫ হাজাৰ টকাৰ পৰাই উন্নত মানৰ বক্স পালেং ক্ৰয় কৰিব পাৰিব। এখন বিয়াৰ বাবে প্ৰয়োজনীয় সকলো ধৰণৰ ফাৰ্নিচাৰৰ লগতে নানা আৰামদায়ক সামগ্ৰী এই নতুন বিপনিখনত উপলব্ধ কৰা হৈছে। সবিশেষ জানিবলৈ তথা নগাঁও চলচলিত অৱস্থিত টপাৰ্ছৰ বাবে ৭০০২৩৮৮১৩৭ নম্বৰত যোগাযোগ কৰিব পাৰিব।

জামুগুৰিহাটৰ কুসুমটোলাত এক ভয়ংকৰ অচিন ৰোগত আক্ৰান্ত হৈ শ শ গাহৰিৰ মৃত্যু ঘটিছে। গাঁওখনৰ বিশ্বজিৎ হাজৰিকা নামৰ এজন যুৱকৰ গাহৰি ফাৰ্মত বিগত এক সপ্তাহৰ ভিতৰত প্ৰায় দুই শতাধিক সৰু-বৰ গাহৰিৰ মৃত্যু হোৱাৰ পিছত সম্পূৰ্ণ ফাৰ্মখন ধ্বংসৰ পথত আগবাঢ়িছে। প্ৰাপ্ত তথ্য অনুসৰি, গাহৰিবোৰ জ্বৰত আক্ৰান্ত হোৱাৰ লগতে তেজ বমি কৰি মৃত্যু মুখত পৰিছে। এই ঘটনাৰ পিছত ইতিমধ্যে পশু চিকিৎসকৰ এটা দল ঘটনাস্থলীত উপস্থিত হৈছে। পৰিস্থিতিৰ প্ৰতি লক্ষ্য ৰাখি মৃত গাহৰিৰ তেজৰ নমুনা সংগ্ৰহ কৰি পৰীক্ষাগাৰলৈ প্ৰেৰণ কৰা হৈছে।