अकोट तालुक्यात काल झालेल्या वादळी वाऱ्यासह अवकाळी पावसामुळे मोठ्या प्रमाणावर थैमान घातले आहे. या अचानक आलेल्या अस्मानी संकटामुळे काढणीवर आलेल्या केळीच्या बागा भुईसपाट झाल्या असून, शेतकऱ्यांचे कोट्यवधी रुपयांचे नुकसान झाले आहे. शेतकऱ्यांच्या हाता तोंडाशी आलेला घास या वादळाने हिरावून घेतला आहे. गेल्या अनेक महिन्यांच्या कष्टाने जोपासलेल्या पणज, बोचरा, रुईखेड, महागाव, अकोली जाहागिर आणि धामणगाव येथील केळी बागा कापणीवर आल्या असतानाच, काल संध्याकाळच्या सुमारास अचानक आलेल्या सोसाट्याच्या वादळी वाऱ्यामुळे केळीची झाडे उन्मळून पडली, तर अनेक ठिकाणी ती मधोमध मोडून पडली आहेत. या वादळाने केळीच्या बागांचे १००% नुकसान झाले असून, घड जमिनीवर लोळत असल्याने कापणीयोग्य माल पूर्णपणे सडला आहे. एका रात्रीत सगळी मेहनत पाण्यात गेल्याची खंत व्यक्त करत, नुकसानग्रस्त शेतकऱ्यांनी बँकेकडून कर्ज काढून केळीची लागवड केली होती; आता कर्ज कसे फेडायचे, हाच मोठा प्रश्न असल्याची आर्त हाक दिली आहे. या नुकसानीची पाहणी करण्यासाठी महाराष्ट्र प्रदेश काँग्रेस कमिटीचे सचिव प्रशांत पाचडे यांनी शेतातील केळी पिकाची पाहणी केली. यावेळी त्यांच्यासोबत अकोट तालुका काँग्रेस कमिटीचे अध्यक्ष अनोख राहाणे, माजी जिल्हा परिषद सदस्य गजानन डाफे आणि शेतकरी प्रतिनिधी विकास देशमुख यांच्यासह अनेक शेतकरी उपस्थित होते. शेतकरी प्रतिनिधी विकास देशमुख यांनी प्रशासनाकडे तात्काळ दखल घेऊन पंचनामे करण्याची मागणी केली आहे. पाचडे यांनी संबंधित विमा कंपनीच्या प्रतिनिधीशी संपर्क साधल्याचेही नमूद केले. पणज मंडळ परिसरात झालेल्या मोठ्या नुकसानीची पाहणी करण्यासाठी अद्याप शासकीय अधिकारी किंवा केळी विमा कंपनीचे प्रतिनिधी पोहोचलेले नाहीत, अशी तक्रार शेतकऱ्यांनी केली आहे. येत्या दोन दिवसांत केळी पिकाची पाहणी व पंचनामे करण्यासाठी कोणीही न आल्यास, काँग्रेसच्या वतीने तहसील कार्यालयावर उग्र स्वरूपाचे आंदोलन करण्यात येईल, असा इशारा महाराष्ट्र राज्य काँग्रेस कमिटीचे सचिव प्रशांत पाटील पाचडे यांनी दिला आहे. या अस्मानी संकटामुळे शेतकरी पूर्णपणे कोलमडला असून, तातडीने पंचनामा करून नुकसान भरपाई देण्याची त्यांची प्रमुख मागणी आहे.

राजकुमार वानखडे

News Anchor अकोट, अकोला, महाराष्ट्र•

16 hrs ago

अकोट तालुक्यात काल झालेल्या वादळी वाऱ्यासह अवकाळी पावसामुळे मोठ्या प्रमाणावर थैमान घातले आहे. या अचानक आलेल्या अस्मानी संकटामुळे काढणीवर आलेल्या केळीच्या बागा भुईसपाट झाल्या असून, शेतकऱ्यांचे कोट्यवधी रुपयांचे नुकसान झाले आहे. शेतकऱ्यांच्या हाता तोंडाशी आलेला घास या वादळाने हिरावून घेतला आहे. गेल्या अनेक महिन्यांच्या कष्टाने जोपासलेल्या पणज, बोचरा, रुईखेड, महागाव, अकोली जाहागिर आणि धामणगाव येथील केळी बागा कापणीवर आल्या असतानाच, काल संध्याकाळच्या सुमारास अचानक आलेल्या सोसाट्याच्या वादळी वाऱ्यामुळे केळीची झाडे उन्मळून पडली, तर अनेक ठिकाणी ती मधोमध मोडून पडली आहेत. या वादळाने केळीच्या बागांचे १००% नुकसान झाले असून, घड जमिनीवर लोळत असल्याने कापणीयोग्य माल पूर्णपणे सडला आहे. एका रात्रीत सगळी मेहनत पाण्यात गेल्याची खंत व्यक्त करत, नुकसानग्रस्त शेतकऱ्यांनी बँकेकडून कर्ज काढून केळीची लागवड केली होती; आता कर्ज कसे फेडायचे, हाच मोठा प्रश्न असल्याची आर्त हाक दिली आहे. या नुकसानीची पाहणी करण्यासाठी महाराष्ट्र प्रदेश काँग्रेस

कमिटीचे सचिव प्रशांत पाचडे यांनी शेतातील केळी पिकाची पाहणी केली. यावेळी त्यांच्यासोबत अकोट तालुका काँग्रेस कमिटीचे अध्यक्ष अनोख राहाणे, माजी जिल्हा परिषद सदस्य गजानन डाफे आणि शेतकरी प्रतिनिधी विकास देशमुख यांच्यासह अनेक शेतकरी उपस्थित होते. शेतकरी प्रतिनिधी विकास देशमुख यांनी प्रशासनाकडे तात्काळ दखल घेऊन पंचनामे करण्याची मागणी केली आहे. पाचडे यांनी संबंधित विमा कंपनीच्या प्रतिनिधीशी संपर्क साधल्याचेही नमूद केले. पणज मंडळ परिसरात झालेल्या मोठ्या नुकसानीची पाहणी करण्यासाठी अद्याप शासकीय अधिकारी किंवा केळी विमा कंपनीचे प्रतिनिधी पोहोचलेले नाहीत, अशी तक्रार शेतकऱ्यांनी केली आहे. येत्या दोन दिवसांत केळी पिकाची पाहणी व पंचनामे करण्यासाठी कोणीही न आल्यास, काँग्रेसच्या वतीने तहसील कार्यालयावर उग्र स्वरूपाचे आंदोलन करण्यात येईल, असा इशारा महाराष्ट्र राज्य काँग्रेस कमिटीचे सचिव प्रशांत पाटील पाचडे यांनी दिला आहे. या अस्मानी संकटामुळे शेतकरी पूर्णपणे कोलमडला असून, तातडीने पंचनामा करून नुकसान भरपाई देण्याची त्यांची प्रमुख मागणी आहे.