कर्जतच्या नागेश्वर मंदिरातील मूर्ती चोरण्याचा प्रयत्न; आरोपी जेरबंद कर्जत शहरातील नागेश्वर हेमाडपंथी मंदिरातील नागेश्वराची नागाची पितळी फणी व नागेश्वराची पितळी मूर्ती मंदिराच्या गाभाऱ्यातून चोरण्याचा प्रयत्न करणाऱ्या २३ वर्षीय आरोपीला कर्जत पोलिसांनी जेरबंद केले आहे. दि.२७ ऑगस्ट २०२६ रोजी रात्री सुमारे ११ वाजून ५० मिनिटांच्या सुमारास कर्जत शहरातून ढेरे मळ्याकडे जाणाऱ्या रोडलगत असलेल्या नागेश्वर हेमाडपंथी मंदिरात ही घटना घडली. मंदिरातील नागेश्वराची नागाची पितळी फणी व नागेश्वराची पितळी मूर्ती मंदिराच्या गाभाऱ्यात आणून ठेवलेली होती. एक इसम बाजूला लपून बसलेला असल्याची माहिती कर्जत पोलिसांना मिळाली. ही माहिती मिळताच कर्जतचे पोलीस निरीक्षक हनुमंत गायकवाड यांच्या मार्गदर्शनाखाली तपास पथकाने घटनास्थळी धाव घेतली. पोलीस अंमलदार यांनी घटनास्थळी जाऊन पाहणी केली. त्यानंतर फॉरेन्सिक पथक तसेच डॉग स्क्वॉड पथकाला पाचारण करून संशयित इसमाचा शोध घेण्यात आला. संशयितास ताब्यात घेऊन त्याचे नाव व गाव विचारले असता त्याने आपले नाव अमोल छगन समुद्र, वय २३ वर्षे, रा. समुद्रमळा, ता. कर्जत असे सांगितले. त्याच्याकडे गुन्ह्याबाबत चौकशी केली असता त्याने गुन्हा केल्याची कबुली दिली. या प्रकरणी फिर्यादी उदयकुमार पोपटलाल बलदोटा, रा. बाजारतळ, कर्जत यांच्या फिर्यादीवरून आरोपी अमोल छगन समुद्र (वय २३) याच्याविरुद्ध कर्जत पोलीस ठाण्यात भा.न्या.सं. कलम ६२, ३०५ प्रमाणे गुन्हा दाखल करण्यात आला आहे. आरोपी अमोल छगन समुद्र यास या गुन्ह्यात अटक करण्यात आली असून पुढील तपास सुरू आहे. या गुन्ह्याचा पुढील तपास कर्जत पोलीस करीत आहेत.

कर्जत लाईव्ह

Advertising agency कर्जत, अहमदनगर, महाराष्ट्र•

51 min ago

कर्जतच्या नागेश्वर मंदिरातील मूर्ती चोरण्याचा प्रयत्न; आरोपी जेरबंद कर्जत शहरातील नागेश्वर हेमाडपंथी मंदिरातील नागेश्वराची नागाची पितळी फणी व नागेश्वराची पितळी मूर्ती मंदिराच्या गाभाऱ्यातून चोरण्याचा प्रयत्न करणाऱ्या २३ वर्षीय आरोपीला कर्जत पोलिसांनी जेरबंद केले आहे. दि.२७ ऑगस्ट २०२६ रोजी रात्री सुमारे ११ वाजून ५० मिनिटांच्या सुमारास कर्जत शहरातून ढेरे मळ्याकडे जाणाऱ्या रोडलगत असलेल्या नागेश्वर हेमाडपंथी मंदिरात ही घटना घडली. मंदिरातील नागेश्वराची नागाची पितळी फणी व नागेश्वराची पितळी मूर्ती मंदिराच्या गाभाऱ्यात आणून ठेवलेली होती. एक इसम बाजूला लपून बसलेला असल्याची माहिती कर्जत पोलिसांना मिळाली. ही माहिती मिळताच कर्जतचे पोलीस निरीक्षक हनुमंत गायकवाड यांच्या मार्गदर्शनाखाली तपास पथकाने घटनास्थळी धाव घेतली. पोलीस अंमलदार यांनी घटनास्थळी जाऊन पाहणी केली. त्यानंतर फॉरेन्सिक पथक तसेच डॉग स्क्वॉड पथकाला पाचारण करून संशयित इसमाचा शोध घेण्यात आला. संशयितास ताब्यात घेऊन त्याचे नाव व गाव विचारले असता त्याने आपले नाव अमोल छगन समुद्र, वय २३ वर्षे, रा. समुद्रमळा, ता. कर्जत असे सांगितले. त्याच्याकडे गुन्ह्याबाबत चौकशी केली असता त्याने गुन्हा केल्याची कबुली दिली. या प्रकरणी फिर्यादी उदयकुमार पोपटलाल बलदोटा, रा. बाजारतळ, कर्जत यांच्या फिर्यादीवरून आरोपी अमोल छगन समुद्र (वय २३) याच्याविरुद्ध कर्जत पोलीस ठाण्यात भा.न्या.सं. कलम ६२, ३०५ प्रमाणे गुन्हा दाखल करण्यात आला आहे. आरोपी अमोल छगन समुद्र यास या गुन्ह्यात अटक करण्यात आली असून पुढील तपास सुरू आहे. या गुन्ह्याचा पुढील तपास कर्जत पोलीस करीत आहेत.