स्वामी रामानंद तीर्थ मराठवाडा विद्यापीठाच्या ज्ञान स्रोत केंद्राने आणि 'सेज जर्नल्स'ने संयुक्तपणे 'एन्हांसिंग रिसर्च एक्सलन्स विथ ओएनओएस' या विषयावर एका विशेष ऑनलाईन लेखक कार्यशाळेचे यशस्वी आयोजन केले. या कार्यशाळेचा मुख्य उद्देश संशोधन क्षेत्रात जागतिक दर्जाची मानके आत्मसात करणे आणि संशोधनाची दृश्यमानता वाढवणे हा होता. सध्याच्या स्पर्धात्मक युगात उत्कृष्ट संशोधन करण्यासोबतच ते योग्य व्यासपीठावर प्रकाशित करणे अत्यंत आवश्यक बनले आहे. याच अनुषंगाने, 'सेज पब्लिकेशन्स'चे वरिष्ठ व्यवस्थापक (प्रशिक्षण आणि विश्लेषण) श्री. मनोज गुप्ता यांनी उपस्थित संशोधकांना सखोल मार्गदर्शन केले. त्यांनी ओएनओएस प्लॅटफॉर्मचा प्रभावी वापर कसा करावा, हस्तलिखित सादर करताना कोणती काळजी घ्यावी आणि जागतिक प्रकाशन मानकांनुसार संशोधनाचा दर्जा कसा उंचावावा, याविषयी महत्त्वाची तंत्रे आणि प्रात्यक्षिके सादर केली. संशोधनपर लेख का, कसे आणि कुठे प्रकाशित करावे, तसेच संशोधनपर लेख कसा लिहावा, वांग्मयचौर्य (प्लॅगरिझम) आणि कृत्रिम बुद्धिमत्तेचा वापर या संदर्भातील प्रश्नांनाही त्यांनी उत्तरे दिली. ही कार्यशाळा विद्यापीठाचे माननीय कुलगुरु डॉ. मनोहर चासकर यांच्या मार्गदर्शनाखाली आणि माननीय प्र-कुलगुरू डॉ. अशोक महाजन यांच्या मुख्य उपस्थितीत आयोजित करण्यात आली होती. ज्ञान स्रोत केंद्राचे प्रभारी संचालक डॉ. जगदीश कुलकर्णी यांनी या कार्यशाळेचे आयोजन केले होते. 'सेज जर्नल्स'च्या ग्राहक प्रशिक्षण आणि संवाद समन्वयक शगुन गोयल आणि रेणू राणा याही कार्यशाळेत उपस्थित होत्या. विद्यापीठाच्या दूरस्थ शिक्षण विभागाचे संचालक डॉ. प्रकाश निहलानी, ‘नॅक’, ‘आय.क्यू.ए.सी.’ आणि ‘एन.आय.आर.एफ.’ चे संचालक डॉ. सुरेंद्रनाथ रेड्डी, डॉ. नितीन दारकुंडे, डॉ. उदय दिव्यवीर, डॉ. स्मिता पाटील, डॉ. शिवाजी सोनटक्के, डॉ. सुनिता माने, डॉ. अभिजित पांडे आणि डॉ. अरुण हंबर्डे यांच्यासह अनेक प्राध्यापक, ग्रंथपाल, संशोधक आणि विद्यार्थी मोठ्या संख्येने उपस्थित होते.

Mohammad Rafikh

Graphic designer माहूर, नांदेड, महाराष्ट्र•

13 hrs ago

स्वामी रामानंद तीर्थ मराठवाडा विद्यापीठाच्या ज्ञान स्रोत केंद्राने आणि 'सेज जर्नल्स'ने संयुक्तपणे 'एन्हांसिंग रिसर्च एक्सलन्स विथ ओएनओएस' या विषयावर एका विशेष ऑनलाईन लेखक कार्यशाळेचे यशस्वी आयोजन केले. या कार्यशाळेचा मुख्य उद्देश संशोधन क्षेत्रात जागतिक दर्जाची मानके आत्मसात करणे आणि संशोधनाची दृश्यमानता वाढवणे हा होता. सध्याच्या स्पर्धात्मक युगात उत्कृष्ट संशोधन करण्यासोबतच ते योग्य व्यासपीठावर प्रकाशित करणे अत्यंत आवश्यक बनले आहे. याच अनुषंगाने, 'सेज पब्लिकेशन्स'चे वरिष्ठ व्यवस्थापक (प्रशिक्षण आणि विश्लेषण) श्री. मनोज गुप्ता यांनी उपस्थित संशोधकांना सखोल मार्गदर्शन केले. त्यांनी ओएनओएस प्लॅटफॉर्मचा प्रभावी वापर कसा करावा, हस्तलिखित सादर करताना कोणती काळजी घ्यावी आणि जागतिक प्रकाशन मानकांनुसार संशोधनाचा दर्जा कसा उंचावावा, याविषयी महत्त्वाची तंत्रे आणि प्रात्यक्षिके सादर केली. संशोधनपर लेख का, कसे आणि कुठे प्रकाशित करावे, तसेच संशोधनपर लेख कसा लिहावा, वांग्मयचौर्य (प्लॅगरिझम) आणि कृत्रिम बुद्धिमत्तेचा वापर या संदर्भातील प्रश्नांनाही त्यांनी उत्तरे दिली. ही कार्यशाळा विद्यापीठाचे माननीय कुलगुरु डॉ. मनोहर चासकर यांच्या मार्गदर्शनाखाली आणि माननीय प्र-कुलगुरू डॉ. अशोक महाजन यांच्या मुख्य उपस्थितीत आयोजित करण्यात आली होती. ज्ञान स्रोत केंद्राचे प्रभारी संचालक डॉ. जगदीश कुलकर्णी यांनी या कार्यशाळेचे आयोजन केले होते. 'सेज जर्नल्स'च्या ग्राहक प्रशिक्षण आणि संवाद समन्वयक शगुन गोयल आणि रेणू राणा याही कार्यशाळेत उपस्थित होत्या. विद्यापीठाच्या दूरस्थ शिक्षण विभागाचे संचालक डॉ. प्रकाश निहलानी, ‘नॅक’, ‘आय.क्यू.ए.सी.’ आणि ‘एन.आय.आर.एफ.’ चे संचालक डॉ. सुरेंद्रनाथ रेड्डी, डॉ. नितीन दारकुंडे, डॉ. उदय दिव्यवीर, डॉ. स्मिता पाटील, डॉ. शिवाजी सोनटक्के, डॉ. सुनिता माने, डॉ. अभिजित पांडे आणि डॉ. अरुण हंबर्डे यांच्यासह अनेक प्राध्यापक, ग्रंथपाल, संशोधक आणि विद्यार्थी मोठ्या संख्येने उपस्थित होते.