जालना जिल्ह्यातील मंठा तालुक्यातील किर्ला गावात संत सेवालाल महाराज तांडा समृद्धी योजनेअंतर्गत मंजूर करण्यात आलेल्या सुमारे २० लाख रुपयांच्या सिमेंट रस्ता आणि भूमिगत नाली बांधकामात मोठ्या प्रमाणावर अनियमितता आणि आर्थिक गैरव्यवहार झाल्याचा गंभीर आरोप करण्यात आला आहे. या प्रकरणाची सखोल चौकशी करून संबंधित अधिकारी, कंत्राटदार आणि जबाबदार व्यक्तींवर कठोर कारवाई करावी, अशी मागणी जोर धरत आहे. या कथित गैरव्यवहाराविरोधात वसंत-विचारधारा मंच, महाराष्ट्रचे संयोजक राजेश श्रीराम चव्हाण जालनकर यांनी जिल्हा परिषद प्रशासनाकडे तक्रार दाखल केली आहे. त्यानंतर, महाराष्ट्र प्रदेश काँग्रेस कमिटीच्या ओबीसी विभागाचे सदस्य वसंत संपतराव मुंडे यांनी ग्रामविकास मंत्री, राज्यमंत्री तसेच पंचायत राज विभागाच्या वरिष्ठ अधिकाऱ्यांकडे लेखी निवेदन सादर करून चौकशीची मागणी केली आहे. तक्रारीनुसार, संबंधित रस्ता व भूमिगत नालीचे काम अत्यंत निकृष्ट दर्जाचे करण्यात आले असून सिमेंट, गिट्टी, वाळू आदी साहित्याच्या गुणवत्तेबाबत प्रश्नचिन्ह उपस्थित करण्यात आले आहे. कामाचे मोजमाप, तांत्रिक तपासणी आणि बिल मंजुरी प्रक्रियेतही मोठ्या अनियमितता झाल्याचा आरोप तक्रारदारांनी केला आहे. निवेदनात, संबंधित अधिकारी, सरपंच आणि कंत्राटदार यांच्या भूमिकेची निष्पक्ष चौकशी करून शासनाच्या निधीचा गैरवापर झाल्याचे सिद्ध झाल्यास त्यांच्यावर कायदेशीर कारवाई करण्याची मागणी करण्यात आली आहे. दरम्यान, संबंधित विभागाकडून या तक्रारींची प्राप्ती झाल्याची नोंद घेण्यात आल्याचे सांगण्यात येत असून, आता या प्रकरणात चौकशीदरम्यान काय निष्पन्न होते आणि प्रशासन कोणती कारवाई करते, याकडे किर्ला गावातील ग्रामस्थांचे लक्ष लागले आहे.

AJINKYA S DAWANE

मंठा, जालना, महाराष्ट्र•

5 hrs ago

जालना जिल्ह्यातील मंठा तालुक्यातील किर्ला गावात संत सेवालाल महाराज तांडा समृद्धी योजनेअंतर्गत मंजूर करण्यात आलेल्या सुमारे २० लाख रुपयांच्या सिमेंट रस्ता आणि भूमिगत नाली बांधकामात मोठ्या प्रमाणावर अनियमितता आणि आर्थिक गैरव्यवहार झाल्याचा गंभीर आरोप करण्यात आला आहे. या प्रकरणाची सखोल चौकशी करून संबंधित अधिकारी, कंत्राटदार आणि जबाबदार व्यक्तींवर कठोर कारवाई करावी, अशी मागणी जोर धरत आहे. या कथित गैरव्यवहाराविरोधात वसंत-विचारधारा मंच, महाराष्ट्रचे संयोजक राजेश श्रीराम चव्हाण जालनकर यांनी जिल्हा परिषद प्रशासनाकडे तक्रार दाखल केली आहे. त्यानंतर, महाराष्ट्र प्रदेश काँग्रेस कमिटीच्या ओबीसी विभागाचे सदस्य वसंत संपतराव मुंडे यांनी ग्रामविकास मंत्री, राज्यमंत्री तसेच पंचायत राज विभागाच्या वरिष्ठ अधिकाऱ्यांकडे लेखी निवेदन सादर करून चौकशीची मागणी केली आहे. तक्रारीनुसार, संबंधित रस्ता व भूमिगत नालीचे काम अत्यंत निकृष्ट दर्जाचे करण्यात आले असून सिमेंट, गिट्टी, वाळू आदी साहित्याच्या गुणवत्तेबाबत प्रश्नचिन्ह उपस्थित करण्यात आले आहे. कामाचे मोजमाप, तांत्रिक तपासणी आणि बिल मंजुरी प्रक्रियेतही मोठ्या अनियमितता झाल्याचा आरोप तक्रारदारांनी केला आहे. निवेदनात, संबंधित अधिकारी, सरपंच आणि कंत्राटदार यांच्या भूमिकेची निष्पक्ष चौकशी करून शासनाच्या निधीचा गैरवापर झाल्याचे सिद्ध झाल्यास त्यांच्यावर कायदेशीर कारवाई करण्याची मागणी करण्यात आली आहे. दरम्यान, संबंधित विभागाकडून या तक्रारींची प्राप्ती झाल्याची नोंद घेण्यात आल्याचे सांगण्यात येत असून, आता या प्रकरणात चौकशीदरम्यान काय निष्पन्न होते आणि प्रशासन कोणती कारवाई करते, याकडे किर्ला गावातील ग्रामस्थांचे लक्ष लागले आहे.