परभणी शहरासह संपूर्ण जिल्ह्यामध्ये सकाळपासून पावसाला सुरुवात झाली आहे. या पावसामुळे सर्वसामान्य नागरिकांचे दैनंदिन जीवन विस्कळीत झाले आहे.

परभणी शहरासह संपूर्ण जिल्ह्यामध्ये सकाळपासून पावसाला सुरुवात झाली आहे. या पावसामुळे सर्वसामान्य नागरिकांचे दैनंदिन जीवन विस्कळीत झाले आहे.

तुकाराम मुंढे यांनी हॉटेलच्या किचनमध्ये लागू होणाऱ्या नियमांविषयी एक मोठे स्पष्टीकरण दिले आहे. त्यांच्या या स्पष्टीकरणानुसार, आता हॉटेलच्या स्वयंपाकघरात काही नियम बंधनकारक असतील.

समाजकल्याण विभागाने लोकराजा राजर्षी छत्रपती शाहू महाराज यांची जयंती 'सामाजिक न्याय दिन' म्हणून साजरी केली.

खासदार संजय जाधव यांचा व्यंकटराव शिंदे यांनी जोरदार शक्तिप्रदर्शन करत जंगी सत्कार केला.

जालना जिल्हा पोलीस अधीक्षक यांच्या मार्गदर्शनाखाली मंठा पोलिसांनी अवैध धंद्यांविरोधात विशेष मोहीम राबवत गुरुवारी, २५ जून रोजी विविध ठिकाणी धडक कारवाई केली. यात जुगार अड्ड्यावर छापा टाकण्यात आला, अवैध देशी दारू जप्त करण्यात आली आणि विनापरवाना धारदार तलवार बाळगणाऱ्या एका आरोपीला ताब्यात घेण्यात आले. या तीन स्वतंत्र कारवायांमध्ये एकूण आठ आरोपींविरुद्ध गुन्हे दाखल करण्यात आले आहेत. तळणी बसस्थानकाजवळ देवगाव रोडलगत पैशांवर जुगार खेळत असल्याची माहिती मिळाल्यानंतर पोलिसांनी सायंकाळी ५.५० वाजता छापा टाकून सहा जणांना ताब्यात घेतले. या कारवाईत ४ हजार ९२० रुपये रोख रक्कम, सुमारे १ लाख १० हजार रुपये किमतीच्या दोन दुचाकी आणि ५२ पत्त्यांचा कॅट असा एकूण १ लाख १४ हजार ९२० रुपयांचा मुद्देमाल जप्त करण्यात आला असून, याप्रकरणी मंठा पोलीस ठाण्यात महाराष्ट्र जुगार कायद्यान्वये गुन्हा दाखल झाला आहे. त्याच दिवशी सायंकाळी ७.५० वाजता संभाजीनगर परिसरात विनापरवाना धारदार लोखंडी तलवार बाळगणाऱ्या एका इसमावर कारवाई करत सुमारे ८०० रुपये किमतीची तलवार जप्त करण्यात आली; आरोपीविरुद्ध भारतीय हत्यार कायद्यान्वये गुन्हा नोंदविण्यात आला आहे. तसेच, तळणी बसस्थानक परिसरात एका संशयित व्यक्तीची तपासणी केली असता, त्याच्याकडून १८० एमएलच्या 'भिंगरी संत्रा' देशी दारूच्या १४ बाटल्या, म्हणजेच अंदाजे १ हजार ४०० रुपये किमतीचा साठा विनापरवाना बाळगताना आढळून आला, याप्रकरणी महाराष्ट्र दारूबंदी कायद्यान्वये स्वतंत्र गुन्हा दाखल करण्यात आला आहे. सदर कारवाई जालना पोलीस अधीक्षक व वरिष्ठ अधिकाऱ्यांच्या मार्गदर्शनाखाली मंठा पोलीस ठाण्यातील अधिकारी व कर्मचाऱ्यांच्या पथकाने यशस्वीपणे पार पाडली. तिन्ही प्रकरणांचा पुढील तपास संबंधित तपास अधिकारी करत आहेत. दरम्यान, परिसरात जुगार, अवैध दारू विक्री, बेकायदेशीर शस्त्र बाळगणे किंवा इतर कोणतेही अवैध प्रकार आढळल्यास नागरिकांनी तात्काळ मंठा पोलीस ठाण्याशी संपर्क साधावा, असे आवाहन पोलिसांनी केले असून, अशा अवैध धंद्यांविरोधातील कारवाई यापुढेही सातत्याने सुरू राहील, असे स्पष्ट करण्यात आले आहे.

परळी तालुक्यातील कन्हेरवाडी येथील सुपरिचित व्यक्तिमत्त्व कै. वसंत (बापू) मारोतीराव फड यांच्या दशक्रिया विधीचे औचित्य साधून फड परिवाराने एक प्रेरणादायी उपक्रम राबवला. कुटुंबाने त्यांच्या शेतात आंब्यासह विविध प्रजातींची एकूण १० झाडे लावून पर्यावरण संवर्धनाचा संदेश देत त्यांना आगळीवेगळी श्रद्धांजली अर्पण केली. स्व. वसंत (बापू) फड यांचे १७ जून रोजी अल्पशा आजाराने निधन झाले. त्यांच्या निधनाने फड परिवारासह संपूर्ण कन्हेरवाडी परिसराने एक मनमिळावू, सामाजिक बांधिलकी जपणारे आणि सर्वांच्या सुख-दुःखात सहभागी होणारे व्यक्तिमत्त्व गमावले, अशी भावना व्यक्त होत आहे. गावातील विकासकामे, सामाजिक आणि धार्मिक कार्यांमध्ये त्यांचा नेहमीच पुढाकार राहिला होता, त्यामुळे पंचक्रोशीत ते 'वसंत बापू' या नावाने सर्वपरिचित होते. त्यांच्या स्मृती चिरंतन राहाव्यात आणि पर्यावरण संवर्धनासाठी आपलेही योगदान असावे या उद्देशाने फड परिवाराने आपल्या शेतात आंबा, जांभूळ, आवळा, लिंबू, मोसंबी, वड, पिंपळ, चिंच आणि पेरू यांसारख्या १० वृक्षांची लागवड केली. कुटुंबाने या वृक्षांचे संगोपन करून त्यांना जगविण्याचा संकल्पही केला आहे. सध्या मराठवाड्यासह बीड जिल्हा दुष्काळाचा सामना करत असून, घटलेला पाऊस, वाढती वृक्षतोड आणि पर्यावरणाचा ऱ्हास ही चिंताजनक बाब आहे. अशा स्थितीत वृक्षारोपण आणि संवर्धन काळाची गरज असून, फड परिवाराने यातून समाजासमोर पर्यावरण रक्षणाचा आदर्श ठेवला आहे. 'एखादे दगडी स्मारक काळाबरोबर झिजेल, पण लावलेले झाड अनेकांना सावली, फळे, प्राणवायू आणि जीवन देईल,' या विचारातून हा उपक्रम राबवण्यात आला. या वृक्षारोपण कार्यक्रमावेळी युवक नेते माणिकभाऊ फड, बाळासाहेब फड, सुरेश (नाना) फड, दत्ता मुंडे, भारत फड, फुलचंद फड, अशोक नागरगोजे, रामभाऊ मुंडे, कांचा, आशु, अक्षय मुंडे, गोविंदभाऊ मुंडे, रायचंद फड, वैभव रोडे, सौरभ कदम, राधाबाई वसंतराव फड, सरस्वती नागरगोजे, सुमन अक्का मुंडे, सुनीता फड, शोभा फड, सत्यभामा फड, चंद्रकला मुंडे, अनुसया शेप, आशाताई गित्ते, अरुण अक्का, अर्चना मुंडे, शोभा गुट्टे, स्वाती फड, छाया फड, सायली व वैष्णवी यांच्यासह कुटुंबीय उपस्थित होते. कै. वसंत (बापू) फड यांनी आयुष्यभर सामाजिक बांधिलकी जपली आणि गावाच्या विकासासाठी योगदान दिले. त्यांचे पुत्र युवा उद्योजक सुरेश (नाना) फड आणि बाळासाहेब फड हे त्यांचा सामाजिक कार्याचा वारसा पुढे नेत आहेत. सुरेश (नाना) फड यांनी सांगितले की, स्व. वसंत (बापू) फड हे कुटुंबाचे आधारवड होते आणि त्यांच्या स्मृती समाजोपयोगी कार्यातून जिवंत राहाव्यात या उद्देशाने दशक्रिया विधीदिनी १० वृक्षांची लागवड केली. पर्यावरण संवर्धन ही सर्वांची जबाबदारी असून, वडिलांनी दिलेल्या संस्कारातून हा उपक्रम राबवला असून प्रत्येक वृक्षात वडिलांचे अस्तित्व जाणवेल, असेही ते म्हणाले.

शेतकऱ्यांनी २९ जून रोजी संभाजीनगर येथे आयोजित करण्यात आलेल्या 'एल्गार अन्नदात्याचा' आंदोलनात जास्तीत जास्त संख्येने उपस्थित राहावे असे आवाहन केले आहे. या महत्त्वाच्या आंदोलनात सर्व शेतकरी बांधवांनी मोठ्या संख्येने सहभागी व्हावे, अशी त्यांची विनंती आहे.

शनिवारी सकाळच्या सुमारास मंठा–जिंतूर राज्य मार्गावरील नानसी पुनर्वसन परिसरात दोन ट्रकचा भीषण अपघात झाल्याची घटना समोर आली आहे.