“ମୁଁ ତ ରାମ, ଆଉ କିଏ ରାମ?”—ପର୍ଶୁରାମଙ୍କ ଗର୍ଜନରେ ଗୁଞ୍ଜିଲା ଶ୍ରୀକ୍ଷେତ୍ର। ଶ୍ରୀକ୍ଷେତ୍ର ପୁରୀରେ ସାହିଯାତର ତୃତୀୟ ରାତିରେ ପର୍ଶୁରାମଙ୍କ ବୀର ନୃତ୍ୟରେ ପୁରୀ ସହର କମ୍ପିଉଠିଲା। ପାରମ୍ପରିକ ବାଦ୍ୟର ତାଳେତାଳେ “ହରିବୋଲ” ଧ୍ୱନି ସହ ପର୍ଶୁରାମଙ୍କ ଗର୍ଜନ—“ମୁଁ ତ ରାମ, ଆଉ କିଏ ରାମ?”—ପରିବେଶକୁ ଉତ୍ସାହିତ କରିଥିଲା। ହରଚଣ୍ଡୀ ସାହି ଓ ବାଲି ସାହିରେ ପର୍ଶୁରାମଙ୍କ ପରିକ୍ରମା ସମୟରେ ନାଗା ମେଢ଼, ବିଭିନ୍ନ ପାରମ୍ପରିକ ନୃତ୍ୟ ଓ ଲୋକକଳା ଦର୍ଶକଙ୍କୁ ମନମୁଗ୍ଧ କରିଥିଲା। ହଜାର ହଜାର ଦର୍ଶକଙ୍କ ଭିଡ଼ ମଧ୍ୟରେ ସାହିଯାତର ମାହୋଲ ଅତ୍ୟନ୍ତ ଭବ୍ୟ ଦେଖାଯାଇଥିଲା। ସାହି ଭ୍ରମଣ ପରେ ପର୍ଶୁରାମ ଜଗନ୍ନାଥ ବଲ୍ଲଭ ମଠରେ ପହଞ୍ଚି ସୀତା ବିବାହ ଓ ପର୍ଶୁରାମଙ୍କ କଳାହରଣ ନୀତି ଅନୁଷ୍ଠିତ ହୋଇଥିଲା। ଶ୍ରୀମନ୍ଦିରରୁ ଶ୍ରୀରାମ, ଲକ୍ଷ୍ମଣ ବିଜେ ହୋଇ ଏଠାକୁ ଆସିଥିବା ବେଳେ, ବିବାହ ଶୋଭାଯାତ୍ରା ସମୟରେ ପର୍ଶୁରାମ ରଥକୁ ଅଟକାଇଥିଲେ। ପରେ ଶ୍ରୀରାମଙ୍କ ଦ୍ୱାରା ପର୍ଶୁରାମଙ୍କ କଳାହରଣ ନୀତି ସମ୍ପନ୍ନ ହୋଇଥିଲା। ପଟୁଆରରେ ରାମ, ଲକ୍ଷ୍ମଣ, ସୀତା, ହନୁମାନ ଓ ବିଶ୍ୱାମିତ୍ର ଋଷିଙ୍କ ଭୂମିକା ଦର୍ଶକଙ୍କ ଆକର୍ଷଣ କେନ୍ଦ୍ର ହୋଇଥିଲା। ପର୍ଶୁରାମଙ୍କ ପଛରେ ସପ୍ତସିରା, ନାଗା, ଦଶାବତାର, ନୃସିଂହ ମେଢ଼, କାଳୀ ମେଢ଼ ଓ ପଞ୍ଚମୁଖୀ ହନୁମାନ ଭଳି ଚିତ୍ରଣ ମଧ୍ୟ ରାତ୍ରି ପର୍ଯ୍ୟନ୍ତ ଦର୍ଶକଙ୍କୁ ଆନନ୍ଦ ଦେଇଥିଲା। ସାହିଯାତରେ ଆଧୁନିକ ଆଲୋକ ସଜା ସହ ସଂସ୍କୃତି, ପାରମ୍ପରିକତା ଓ ଭାଇଚାରାର ସୁନ୍ଦର ମିଶ୍ରଣ ଦେଖିବାକୁ ମିଳିଥିଲା। ହରଚଣ୍ଡୀ ସାହି ଓ ବାସେଳି ସାହିର ତତ୍ୱାବଧାନରେ କଳାକାରମାନେ ଅତ୍ୟନ୍ତ ସୁନ୍ଦର ପ୍ରଦର୍ଶନ କରିଥିଲେ। ସମଗ୍ର କାର୍ଯ୍ୟକ୍ରମକୁ ଶୃଙ୍ଖଳିତ ଓ ସୁରକ୍ଷିତ ରଖିବା ପାଇଁ ପୋଲିସ୍ ଓ ସୁରକ୍ଷା ବଳ ମୁତୟନ କରାଯାଇଥିଲା। (ଡ଼ଃ ମନୋଜ କୁମାର ବଳିଆରସିଂ)

Manoj kumar baliyarsingh

ସାମ୍ବାଦିକ ପୁରୀ (M), ପୁରୀ, ଓଡ଼ିଶା•

8 hrs ago

“ମୁଁ ତ ରାମ, ଆଉ କିଏ ରାମ?”—ପର୍ଶୁରାମଙ୍କ ଗର୍ଜନରେ ଗୁଞ୍ଜିଲା ଶ୍ରୀକ୍ଷେତ୍ର। ଶ୍ରୀକ୍ଷେତ୍ର ପୁରୀରେ ସାହିଯାତର ତୃତୀୟ ରାତିରେ ପର୍ଶୁରାମଙ୍କ ବୀର ନୃତ୍ୟରେ ପୁରୀ ସହର କମ୍ପିଉଠିଲା। ପାରମ୍ପରିକ ବାଦ୍ୟର ତାଳେତାଳେ “ହରିବୋଲ” ଧ୍ୱନି ସହ ପର୍ଶୁରାମଙ୍କ ଗର୍ଜନ—“ମୁଁ ତ ରାମ, ଆଉ କିଏ ରାମ?”—ପରିବେଶକୁ ଉତ୍ସାହିତ କରିଥିଲା। ହରଚଣ୍ଡୀ ସାହି ଓ ବାଲି ସାହିରେ ପର୍ଶୁରାମଙ୍କ ପରିକ୍ରମା ସମୟରେ ନାଗା

ମେଢ଼, ବିଭିନ୍ନ ପାରମ୍ପରିକ ନୃତ୍ୟ ଓ ଲୋକକଳା ଦର୍ଶକଙ୍କୁ ମନମୁଗ୍ଧ କରିଥିଲା। ହଜାର ହଜାର ଦର୍ଶକଙ୍କ ଭିଡ଼ ମଧ୍ୟରେ ସାହିଯାତର ମାହୋଲ ଅତ୍ୟନ୍ତ ଭବ୍ୟ ଦେଖାଯାଇଥିଲା। ସାହି ଭ୍ରମଣ ପରେ ପର୍ଶୁରାମ ଜଗନ୍ନାଥ ବଲ୍ଲଭ ମଠରେ ପହଞ୍ଚି ସୀତା ବିବାହ ଓ ପର୍ଶୁରାମଙ୍କ କଳାହରଣ ନୀତି ଅନୁଷ୍ଠିତ ହୋଇଥିଲା। ଶ୍ରୀମନ୍ଦିରରୁ ଶ୍ରୀରାମ, ଲକ୍ଷ୍ମଣ ବିଜେ ହୋଇ ଏଠାକୁ ଆସିଥିବା ବେଳେ, ବିବାହ

ଶୋଭାଯାତ୍ରା ସମୟରେ ପର୍ଶୁରାମ ରଥକୁ ଅଟକାଇଥିଲେ। ପରେ ଶ୍ରୀରାମଙ୍କ ଦ୍ୱାରା ପର୍ଶୁରାମଙ୍କ କଳାହରଣ ନୀତି ସମ୍ପନ୍ନ ହୋଇଥିଲା। ପଟୁଆରରେ ରାମ, ଲକ୍ଷ୍ମଣ, ସୀତା, ହନୁମାନ ଓ ବିଶ୍ୱାମିତ୍ର ଋଷିଙ୍କ ଭୂମିକା ଦର୍ଶକଙ୍କ ଆକର୍ଷଣ କେନ୍ଦ୍ର ହୋଇଥିଲା। ପର୍ଶୁରାମଙ୍କ ପଛରେ ସପ୍ତସିରା, ନାଗା, ଦଶାବତାର, ନୃସିଂହ ମେଢ଼, କାଳୀ ମେଢ଼ ଓ ପଞ୍ଚମୁଖୀ ହନୁମାନ ଭଳି ଚିତ୍ରଣ ମଧ୍ୟ ରାତ୍ରି ପର୍ଯ୍ୟନ୍ତ ଦର୍ଶକଙ୍କୁ

ଆନନ୍ଦ ଦେଇଥିଲା। ସାହିଯାତରେ ଆଧୁନିକ ଆଲୋକ ସଜା ସହ ସଂସ୍କୃତି, ପାରମ୍ପରିକତା ଓ ଭାଇଚାରାର ସୁନ୍ଦର ମିଶ୍ରଣ ଦେଖିବାକୁ ମିଳିଥିଲା। ହରଚଣ୍ଡୀ ସାହି ଓ ବାସେଳି ସାହିର ତତ୍ୱାବଧାନରେ କଳାକାରମାନେ ଅତ୍ୟନ୍ତ ସୁନ୍ଦର ପ୍ରଦର୍ଶନ କରିଥିଲେ। ସମଗ୍ର କାର୍ଯ୍ୟକ୍ରମକୁ ଶୃଙ୍ଖଳିତ ଓ ସୁରକ୍ଷିତ ରଖିବା ପାଇଁ ପୋଲିସ୍ ଓ ସୁରକ୍ଷା ବଳ ମୁତୟନ କରାଯାଇଥିଲା। (ଡ଼ଃ ମନୋଜ କୁମାର ବଳିଆରସିଂ)