नांदेड जिल्ह्यातील नायगाव तालुक्यातील शेळगाव छत्री या छोट्याशा ग्रामीण भागातील शेतकरी सुपुत्र अविनाश विठ्ठलराव अनेराये यांनी राष्ट्रीय स्तरावर उल्लेखनीय यश मिळवले आहे. त्यांनी सहसंशोधकांसह विकसित केलेल्या "Braille Based Digital Learning Device" या नाविन्यपूर्ण ब्रेल आधारित डिजिटल शिक्षण उपकरणाला भारत सरकारच्या पेटंट कार्यालयाकडून अधिकृत डिझाइन नोंदणी प्राप्त झाली आहे. डिझाइन क्रमांक 498426-001 अंतर्गत ही नोंदणी करण्यात आली असून, यामुळे दृष्टिहीन विद्यार्थ्यांचे शिक्षण अधिक सुलभ, आधुनिक आणि तंत्रज्ञानाधारित होण्यास मोठी मदत होणार आहे. या डिझाइनचे सह-अर्जदार म्हणून डॉ. धनंजय विष्णू देशमुख, सुनील कुमार शिरपूरकर, डॉ. पूर्णिमा गुप्ता आणि प्रिया यांचाही सहभाग आहे. शेळगाव छत्रीसारख्या ग्रामीण भागातून शिक्षणाचा प्रवास सुरू करून विशेष शिक्षण आणि संशोधन क्षेत्रात सातत्याने काम करणाऱ्या अविनाश अनेराये यांनी आपल्या कठोर परिश्रमाने आणि नवकल्पनांच्या बळावर हे यश मिळवले आहे. त्यांच्या या राष्ट्रीय कामगिरीमुळे संपूर्ण नायगाव तालुका, नांदेड जिल्हा आणि मराठवाड्याच्या वैभवात भर पडली आहे. दिव्यांग सक्षमीकरण आणि समावेशक शिक्षण क्षेत्रातील या मोलाच्या योगदानाबद्दल विविध स्तरांतून त्यांच्यावर अभिनंदनाचा वर्षाव होत असून, "परिस्थिती नव्हे, तर जिद्द आणि मेहनत यशाचा मार्ग दाखवते," याची प्रचिती त्यांच्या या यशामधून पुन्हा एकदा आली आहे.

Jawed

Press reporter देगलूर, नांदेड, महाराष्ट्र•

3 hrs ago

नांदेड जिल्ह्यातील नायगाव तालुक्यातील शेळगाव छत्री या छोट्याशा ग्रामीण भागातील शेतकरी सुपुत्र अविनाश विठ्ठलराव अनेराये यांनी राष्ट्रीय स्तरावर उल्लेखनीय यश मिळवले आहे. त्यांनी सहसंशोधकांसह विकसित केलेल्या "Braille Based Digital Learning Device" या नाविन्यपूर्ण ब्रेल आधारित डिजिटल शिक्षण उपकरणाला भारत सरकारच्या पेटंट कार्यालयाकडून अधिकृत डिझाइन नोंदणी प्राप्त झाली आहे. डिझाइन क्रमांक 498426-001 अंतर्गत ही नोंदणी करण्यात आली असून, यामुळे दृष्टिहीन विद्यार्थ्यांचे शिक्षण अधिक सुलभ, आधुनिक आणि तंत्रज्ञानाधारित होण्यास मोठी मदत होणार आहे. या डिझाइनचे सह-अर्जदार म्हणून डॉ. धनंजय विष्णू देशमुख, सुनील कुमार शिरपूरकर, डॉ. पूर्णिमा गुप्ता आणि प्रिया यांचाही सहभाग आहे. शेळगाव छत्रीसारख्या ग्रामीण भागातून शिक्षणाचा प्रवास सुरू करून विशेष शिक्षण आणि संशोधन क्षेत्रात सातत्याने काम करणाऱ्या अविनाश अनेराये यांनी आपल्या कठोर परिश्रमाने आणि नवकल्पनांच्या बळावर हे यश मिळवले आहे. त्यांच्या या राष्ट्रीय कामगिरीमुळे संपूर्ण नायगाव तालुका, नांदेड जिल्हा आणि मराठवाड्याच्या वैभवात भर पडली आहे. दिव्यांग सक्षमीकरण आणि समावेशक शिक्षण क्षेत्रातील या मोलाच्या योगदानाबद्दल विविध स्तरांतून त्यांच्यावर अभिनंदनाचा वर्षाव होत असून, "परिस्थिती नव्हे, तर जिद्द आणि मेहनत यशाचा मार्ग दाखवते," याची प्रचिती त्यांच्या या यशामधून पुन्हा एकदा आली आहे.