ଆଜି କେନ୍ଦୁଝର ସଦର ବ୍ଲକର ମଇଦାନକେଲ ଗ୍ରାମ ପଞ୍ଚାୟତ ପରିସରରେ ଅନ୍ତର୍ଜାତୀୟ ଯୋଗ ଦିବସ ବେଶ୍ ଉତ୍ସାହର ସହ ପାଳିତ ହୋଇଛି। ଏହି କାର୍ଯ୍ୟକ୍ରମରେ ସ୍ଥାନୀୟ ସରପଞ୍ଚ ଶ୍ରୀଯୁକ୍ତ ଭାଗିରଥି ସିଂ ମୁଖ୍ୟ ପୁରୋଧା ଭାବେ ଯୋଗ ଦେଇ ଉପସ୍ଥିତ ସମସ୍ତ ଗୁରୁଜନ, ଭାଇଭଉଣୀ ଏବଂ ଛାତ୍ରଛାତ୍ରୀମାନଙ୍କୁ ଯୋଗର ଗୁରୁତ୍ୱ ଓ ଶରୀର ପାଇଁ ଏହାର ଉପକାରିତା ବିଷୟରେ ସୁନ୍ଦର ଭାବେ ବୁଝାଇଥିଲେ। ସରପଞ୍ଚ ନିଜ ଅଭିଭାଷଣରେ ଗୁରୁତ୍ୱାରୋପ କରି କହିଥିଲେ ଯେ, ଆଜିକାଲିର ବ୍ୟସ୍ତବହୁଳ ଜୀବନରେ ନିଜକୁ ସୁସ୍ଥ ରଖିବା ପାଇଁ ପ୍ରତିଦିନ ଅତିକମରେ ୩୦ ମିନିଟ୍ ସମୟ ବାହାର କରି ଯୋଗ ଏବଂ ପ୍ରାଣାୟାମ କରିବା ଅତ୍ୟନ୍ତ ଜରୁରୀ। ଏହା ଶରୀରକୁ ରୋଗମୁକ୍ତ କରିବା ସହିତ ମାନସିକ ଶାନ୍ତି ପ୍ରଦାନ କରିଥାଏ। ସେ ଆହୁରି ପରାମର୍ଶ ଦେଇଥିଲେ ଯେ, ବର୍ତ୍ତମାନର ଯୁବପିଢ଼ି ଓ ସାଧାରଣ ଲୋକମାନେ ଫାଷ୍ଟଫୁଡ୍ ଏବଂ ଷ୍ଟ୍ରୀଟ୍‌ଫୁଡ୍ ପ୍ରତି ଯେପରି ଆକର୍ଷିତ ହେଉଛନ୍ତି, ସେଥିରୁ ଦୂରେଇ ରହି ନିଜର ଜୀବନଶୈଳୀ ଓ ଖାଦ୍ୟପେୟରେ ପରିବର୍ତ୍ତନ ଆଣିବା ଉଚିତ। ଏଥିସହିତ ସେ ଛାତ୍ରଛାତ୍ରୀ ଓ ଯୁବପିଢ଼ିଙ୍କୁ ପାଠପଢ଼ା ସହିତ ପ୍ରତିଦିନ ଯୋଗ କରି ନିଜର ଏକାଗ୍ରତା ବୃଦ୍ଧି କରିବାକୁ ଆହ୍ୱାନ ଦେଇଥିଲେ। ଏହି ଯୋଗ ଶିବିରରେ ପଞ୍ଚାୟତର ବହୁ ସଂଖ୍ୟାରେ ମହିଳା, ପୁରୁଷ ଏବଂ ସ୍ଥାନୀୟ ବିଦ୍ୟାଳୟର ଛାତ୍ରଛାତ୍ରୀମାନେ ଉପସ୍ଥିତ ରହି ଏକାଠି ଯୋଗାଭ୍ୟାସ କରିଥିଲେ। ସରପଞ୍ଚଙ୍କର ଏହିପରି ଜନହିତକର ଓ ପ୍ରେରଣାଦାୟୀ ବାର୍ତ୍ତାକୁ ସ୍ଥାନୀୟ ଅଞ୍ଚଳରେ ବେଶ୍ ପ୍ରଶଂସା କରାଯାଇଛି।

ସମୀର ପାତ୍ର

କେନ୍ଦୁଝର ସଦର, କେନ୍ଦୁଝର, ଓଡ଼ିଶା•

2 hrs ago

ଆଜି କେନ୍ଦୁଝର ସଦର ବ୍ଲକର ମଇଦାନକେଲ ଗ୍ରାମ ପଞ୍ଚାୟତ ପରିସରରେ ଅନ୍ତର୍ଜାତୀୟ ଯୋଗ ଦିବସ ବେଶ୍ ଉତ୍ସାହର ସହ ପାଳିତ ହୋଇଛି। ଏହି କାର୍ଯ୍ୟକ୍ରମରେ ସ୍ଥାନୀୟ ସରପଞ୍ଚ ଶ୍ରୀଯୁକ୍ତ ଭାଗିରଥି ସିଂ ମୁଖ୍ୟ ପୁରୋଧା ଭାବେ ଯୋଗ ଦେଇ ଉପସ୍ଥିତ ସମସ୍ତ ଗୁରୁଜନ, ଭାଇଭଉଣୀ ଏବଂ ଛାତ୍ରଛାତ୍ରୀମାନଙ୍କୁ ଯୋଗର ଗୁରୁତ୍ୱ ଓ ଶରୀର ପାଇଁ ଏହାର ଉପକାରିତା ବିଷୟରେ ସୁନ୍ଦର ଭାବେ ବୁଝାଇଥିଲେ। ସରପଞ୍ଚ ନିଜ ଅଭିଭାଷଣରେ ଗୁରୁତ୍ୱାରୋପ କରି କହିଥିଲେ ଯେ, ଆଜିକାଲିର ବ୍ୟସ୍ତବହୁଳ ଜୀବନରେ ନିଜକୁ ସୁସ୍ଥ ରଖିବା ପାଇଁ ପ୍ରତିଦିନ ଅତିକମରେ ୩୦ ମିନିଟ୍ ସମୟ ବାହାର କରି ଯୋଗ ଏବଂ ପ୍ରାଣାୟାମ କରିବା ଅତ୍ୟନ୍ତ ଜରୁରୀ। ଏହା ଶରୀରକୁ ରୋଗମୁକ୍ତ କରିବା

ସହିତ ମାନସିକ ଶାନ୍ତି ପ୍ରଦାନ କରିଥାଏ। ସେ ଆହୁରି ପରାମର୍ଶ ଦେଇଥିଲେ ଯେ, ବର୍ତ୍ତମାନର ଯୁବପିଢ଼ି ଓ ସାଧାରଣ ଲୋକମାନେ ଫାଷ୍ଟଫୁଡ୍ ଏବଂ ଷ୍ଟ୍ରୀଟ୍‌ଫୁଡ୍ ପ୍ରତି ଯେପରି ଆକର୍ଷିତ ହେଉଛନ୍ତି, ସେଥିରୁ ଦୂରେଇ ରହି ନିଜର ଜୀବନଶୈଳୀ ଓ ଖାଦ୍ୟପେୟରେ ପରିବର୍ତ୍ତନ ଆଣିବା ଉଚିତ। ଏଥିସହିତ ସେ ଛାତ୍ରଛାତ୍ରୀ ଓ ଯୁବପିଢ଼ିଙ୍କୁ ପାଠପଢ଼ା ସହିତ ପ୍ରତିଦିନ ଯୋଗ କରି ନିଜର ଏକାଗ୍ରତା ବୃଦ୍ଧି କରିବାକୁ ଆହ୍ୱାନ ଦେଇଥିଲେ। ଏହି ଯୋଗ ଶିବିରରେ ପଞ୍ଚାୟତର ବହୁ ସଂଖ୍ୟାରେ ମହିଳା, ପୁରୁଷ ଏବଂ ସ୍ଥାନୀୟ ବିଦ୍ୟାଳୟର ଛାତ୍ରଛାତ୍ରୀମାନେ ଉପସ୍ଥିତ ରହି ଏକାଠି ଯୋଗାଭ୍ୟାସ କରିଥିଲେ। ସରପଞ୍ଚଙ୍କର ଏହିପରି ଜନହିତକର ଓ ପ୍ରେରଣାଦାୟୀ ବାର୍ତ୍ତାକୁ ସ୍ଥାନୀୟ ଅଞ୍ଚଳରେ ବେଶ୍ ପ୍ରଶଂସା କରାଯାଇଛି।