आभाळाकडे टक लावून बळीराजा; २४ दिवसांपासून पावसाची हुलकावणी.... *आभाळाकडे टक लावून बळीराजा; २४ दिवसांपासून पावसाची हुलकावणी रिसोड खरीप हंगामातील पिके सध्या महत्त्वाच्या टप्प्यावर असताना पावसाने दडी मारल्याने कामरगाव परिसरातील शेतकऱ्यांची चिंता वाढली आहे. ऑगस्ट महिन्यात आतापर्यंत केवळ तीन दिवस पाऊस झाल्याने गेल्या २४ दिवसांपासून शेतकरी दमदार पावसाच्या प्रतीक्षेत आहेत. सोयाबीन पीक सध्या शेंगा भरणीच्या अवस्थेत आहे. याच काळात पिकाला पाण्याची अत्यंत आवश्यकता असताना पावसाने पाठ फिरवल्याने उत्पादनावर परिणाम होण्याची भीती व्यक्त होत आहे. दररोज आभाळ भरून येते आणि पाऊस होईल, अशी आशा निर्माण होते; मात्र काही वेळातच ढग विरळ होऊन पाऊस न देताच निघून जातात. गेल्या काही दिवसांपासून उन्हाची तीव्रता वाढल्याने शेतातील ओलावा कमी होत आहे. अर्धा पावसाळा संपत आला असला तरी अपेक्षित मोठा पाऊस झालेला नाही. त्यामुळे जमिनीची तहान कायम असून पिकांची अवस्था दिवसेंदिवस चिंताजनक होत आहे. यंदा सुरुवातीच्या रिमझिम पावसावर विश्वास ठेवून शेतकऱ्यांनी पेरण्या केल्या. मेहनत, बियाणे, खत आणि मशागतीवर मोठा खर्च केल्यानंतर आता पीक हाताशी येण्याच्या काळातच पावसाने दडी मारल्याने बळीराजाची चिंता वाढली आहे. ‘ये रे ये रे पावसा, तुला देतो पैसा; पैसा झाला खोटा, पाऊस आला मोठा’ अशी आर्त हाक सध्या ग्रामीण भागातून ऐकायला मिळत आहे. आता तरी वरुणराजाने कृपा करून जोरदार पाऊस बरसावा आणि शेतातील पिकांना जीवदान मिळावे, अशी अपेक्षा शेतकरी व्यक्त करीत आहेत.

Suresh Badrigiri Giri

Mechanic रिसोड, वाशिम, महाराष्ट्र•

3 hrs ago

आभाळाकडे टक लावून बळीराजा; २४ दिवसांपासून पावसाची हुलकावणी.... *आभाळाकडे टक लावून बळीराजा; २४ दिवसांपासून पावसाची हुलकावणी रिसोड खरीप हंगामातील पिके सध्या महत्त्वाच्या टप्प्यावर असताना पावसाने दडी मारल्याने कामरगाव परिसरातील शेतकऱ्यांची चिंता वाढली आहे. ऑगस्ट महिन्यात आतापर्यंत केवळ तीन दिवस पाऊस झाल्याने गेल्या २४ दिवसांपासून शेतकरी दमदार पावसाच्या प्रतीक्षेत आहेत. सोयाबीन पीक सध्या शेंगा भरणीच्या अवस्थेत आहे. याच काळात पिकाला पाण्याची अत्यंत आवश्यकता असताना पावसाने पाठ फिरवल्याने उत्पादनावर परिणाम होण्याची भीती व्यक्त होत आहे. दररोज आभाळ भरून येते आणि पाऊस होईल, अशी आशा निर्माण होते; मात्र काही वेळातच ढग विरळ होऊन पाऊस न देताच निघून जातात. गेल्या काही दिवसांपासून उन्हाची तीव्रता वाढल्याने शेतातील ओलावा कमी होत आहे. अर्धा पावसाळा संपत आला असला तरी अपेक्षित मोठा पाऊस झालेला नाही. त्यामुळे जमिनीची तहान कायम असून पिकांची अवस्था दिवसेंदिवस चिंताजनक होत आहे. यंदा सुरुवातीच्या रिमझिम पावसावर विश्वास ठेवून शेतकऱ्यांनी पेरण्या केल्या. मेहनत, बियाणे, खत आणि मशागतीवर मोठा खर्च केल्यानंतर आता पीक हाताशी येण्याच्या काळातच पावसाने दडी मारल्याने बळीराजाची चिंता वाढली आहे. ‘ये रे ये रे पावसा, तुला देतो पैसा; पैसा झाला खोटा, पाऊस आला मोठा’ अशी आर्त हाक सध्या ग्रामीण भागातून ऐकायला मिळत आहे. आता तरी वरुणराजाने कृपा करून जोरदार पाऊस बरसावा आणि शेतातील पिकांना जीवदान मिळावे, अशी अपेक्षा शेतकरी व्यक्त करीत आहेत.