मुलींच्या सुरक्षित भविष्यासाठी पनवेल पालिकेची मोठी आरोग्य मोहीम; महिला दिनी एचपीव्ही लसीकरणाला सुरुवात मुलींच्या आरोग्य संरक्षणासाठी आणि गर्भाशयमुखाच्या कर्करोगापासून बचाव करण्याच्या उद्देशाने पनवेल महापालिका तर्फे 14 वर्षे वयोगटातील मुलींसाठी मानवी पॅपिलोमा विषाणू (एचपीव्ही) लसीकरण मोहिमेचा शुभारंभ आंतरराष्ट्रीय महिला दिनाचे चे औचित्य साधून 8 मार्च रोजी करण्यात आला. गावदेवी नागरी प्राथमिक आरोग्य केंद्र क्रमांक 1 येथे आयोजित कार्यक्रमात उपमहापौर प्रमिला पाटील, अतिरिक्त आयुक्त महेश कुमार मेघाले, महापालिका सदस्य दर्शना भोईर, अजय बहिरा, प्रीती जॉर्ज, प्रतिभा भोईर, यांच्या प्रमुख उपस्थितीत मोहिमेचा प्रारंभ झाला. या लसीकरण मोहिमेचा मुख्य उद्देश मुलींमध्ये आढळणाऱ्या गर्भाशयमुखाच्या कर्करोगास प्रतिबंध करणे हा आहे. महापालिका आयुक्त मंगेश चितळे यांच्या मार्गदर्शनाखाली पनवेल महानगरपालिकेच्या सर्व 15 नागरी प्राथमिक आरोग्य केंद्रांमध्ये ही मोहीम राबवली जाणार आहे. पुढील तीन महिन्यांपर्यंत सोमवार ते शनिवार सकाळी 9 ते दुपारी 2 वाजेपर्यंत लसीकरणाची सुविधा उपलब्ध असणार आहे. या मोहिमेअंतर्गत 14 वर्षे पूर्ण झालेल्या आणि 15 वर्षे पूर्ण न झालेल्या मुलींना एचपीव्ही लस देण्यात येणार आहे. एकूण लोकसंख्येच्या सुमारे 1 टक्के लाभार्थींना या मोहिमेत समाविष्ट करण्याचे उद्दिष्ट ठेवण्यात आले आहे. महापालिका क्षेत्रातील जास्तीत जास्त मुलींनी या लसीकरणाचा लाभ घ्यावा, असे आवाहन मुख्य वैद्यकीय अधिकारी डॉ . आनंद गोसावी यांनी केले आहे. कार्यक्रमाला माता-बाल संगोपन अधिकारी डॉ. गणेश नायर,, वैद्यकीय अधिकारी डॉ . रेहाना मुजावर तसेच आरोग्य केंद्राचे कर्मचारी आणि आशा सेविका उपस्थित होत्या. एचपीव्ही म्हणजे ह्युमन पॅपिलोमा व्हायरस या विषाणूमुळे प्रजनन मार्गातील संसर्ग होऊ शकतो आणि त्यातून गर्भाशयमुखाचा कर्करोग होण्याचा धोका वाढतो. जगभरात आतापर्यंत 50 कोटींहून अधिक महिलांना ही लस देण्यात आली असून तिच्या सुरक्षिततेबाबत आणि परिणामकारकतेबाबत दीर्घकालीन अनुभव उपलब्ध आहे. भारतीय महिलांमध्ये आढळणाऱ्या कर्करोगांमध्ये गर्भाशयमुखाचा कर्करोग हा दुसऱ्या क्रमांकावर असल्याने या लसीकरण मोहिमेला विशेष महत्त्व प्राप्त झाले आहे. एचपीव्ही लस सुरक्षित, प्रभावी आणि वैज्ञानिकदृष्ट्या सिद्ध असून ती मुलींच्या भविष्यातील आरोग्याचे संरक्षण करण्यास मदत करते, असे आरोग्य विभागाकडून सांगण्यात आले आहे.

Raigad news

अलिबाग, रायगड, महाराष्ट्र•

on 8 March

मुलींच्या सुरक्षित भविष्यासाठी पनवेल पालिकेची मोठी आरोग्य मोहीम; महिला दिनी एचपीव्ही लसीकरणाला सुरुवात मुलींच्या आरोग्य संरक्षणासाठी आणि गर्भाशयमुखाच्या कर्करोगापासून बचाव करण्याच्या उद्देशाने पनवेल महापालिका तर्फे 14 वर्षे वयोगटातील मुलींसाठी मानवी पॅपिलोमा विषाणू (एचपीव्ही) लसीकरण मोहिमेचा शुभारंभ आंतरराष्ट्रीय महिला दिनाचे चे औचित्य साधून 8 मार्च रोजी करण्यात आला. गावदेवी नागरी प्राथमिक आरोग्य केंद्र क्रमांक 1 येथे आयोजित कार्यक्रमात उपमहापौर प्रमिला पाटील, अतिरिक्त आयुक्त महेश कुमार मेघाले, महापालिका सदस्य दर्शना भोईर, अजय बहिरा, प्रीती जॉर्ज, प्रतिभा भोईर, यांच्या प्रमुख उपस्थितीत मोहिमेचा प्रारंभ झाला. या लसीकरण मोहिमेचा मुख्य उद्देश मुलींमध्ये आढळणाऱ्या गर्भाशयमुखाच्या कर्करोगास प्रतिबंध करणे हा आहे. महापालिका आयुक्त मंगेश चितळे यांच्या मार्गदर्शनाखाली पनवेल महानगरपालिकेच्या सर्व 15 नागरी प्राथमिक आरोग्य केंद्रांमध्ये ही मोहीम राबवली जाणार आहे. पुढील तीन महिन्यांपर्यंत सोमवार ते शनिवार सकाळी 9 ते दुपारी 2 वाजेपर्यंत लसीकरणाची सुविधा उपलब्ध असणार आहे. या मोहिमेअंतर्गत 14 वर्षे पूर्ण झालेल्या आणि 15 वर्षे पूर्ण न

झालेल्या मुलींना एचपीव्ही लस देण्यात येणार आहे. एकूण लोकसंख्येच्या सुमारे 1 टक्के लाभार्थींना या मोहिमेत समाविष्ट करण्याचे उद्दिष्ट ठेवण्यात आले आहे. महापालिका क्षेत्रातील जास्तीत जास्त मुलींनी या लसीकरणाचा लाभ घ्यावा, असे आवाहन मुख्य वैद्यकीय अधिकारी डॉ . आनंद गोसावी यांनी केले आहे. कार्यक्रमाला माता-बाल संगोपन अधिकारी डॉ. गणेश नायर,, वैद्यकीय अधिकारी डॉ . रेहाना मुजावर तसेच आरोग्य केंद्राचे कर्मचारी आणि आशा सेविका उपस्थित होत्या. एचपीव्ही म्हणजे ह्युमन पॅपिलोमा व्हायरस या विषाणूमुळे प्रजनन मार्गातील संसर्ग होऊ शकतो आणि त्यातून गर्भाशयमुखाचा कर्करोग होण्याचा धोका वाढतो. जगभरात आतापर्यंत 50 कोटींहून अधिक महिलांना ही लस देण्यात आली असून तिच्या सुरक्षिततेबाबत आणि परिणामकारकतेबाबत दीर्घकालीन अनुभव उपलब्ध आहे. भारतीय महिलांमध्ये आढळणाऱ्या कर्करोगांमध्ये गर्भाशयमुखाचा कर्करोग हा दुसऱ्या क्रमांकावर असल्याने या लसीकरण मोहिमेला विशेष महत्त्व प्राप्त झाले आहे. एचपीव्ही लस सुरक्षित, प्रभावी आणि वैज्ञानिकदृष्ट्या सिद्ध असून ती मुलींच्या भविष्यातील आरोग्याचे संरक्षण करण्यास मदत करते, असे आरोग्य विभागाकडून सांगण्यात आले आहे.