కడప జిల్లా బద్వేలు పట్టణంలోని సెంచరీ పరిశ్రమ యాజమాన్యం నిర్లక్ష్యం వల్ల స్థానిక ప్రజలు, కార్మికులు తీవ్ర ఇబ్బందులు పడుతున్నారని సీపీఐ ఎంఎల్ లిబరేషన్ పార్టీ జిల్లా స్టాండింగ్ కమిటీ సభ్యులు ఎస్. చంద్రశేఖర్ తీవ్ర ఆగ్రహం వ్యక్తం చేశారు. శుక్రవారం ఉదయం భగత్ సింగ్ నగర్‌లోని పార్టీ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడుతూ, పరిశ్రమ నుంచి వెలువడుతున్న కలుషిత నీరు తాగి జంతువులు, పశువులు మృత్యువాత పడుతున్నాయని, ప్రజలు, కార్మికులకు చర్మవ్యాధులు, ఊపిరితిత్తులు, కిడ్నీ సమస్యలు వస్తున్నాయని ఆరోపించారు. ఈ సమస్యలపై సంబంధిత అధికారులు తక్షణమే స్పందించి సెంచరీ పరిశ్రమ యాజమాన్యంపై చర్యలు తీసుకోవాలని ఆయన డిమాండ్ చేశారు. సెంచరీ పరిశ్రమ ఏర్పాటుతో తమ జీవితాలు బాగుపడతాయని, నిరుద్యోగ యువతకు ఉద్యోగాలు లభిస్తాయని ఆశించి తమ భూములను సైతం అప్పజెప్పిన స్థానిక ప్రజలకు నిరాశే మిగిలిందని చంద్రశేఖర్ ఆవేదన వ్యక్తం చేశారు. భూములు కోల్పోయిన ప్రతి కుటుంబానికి ఒకటిన్నర ఎకరా భూమి, ఉద్యోగం కల్పిస్తామని చెప్పిన యాజమాన్యం, నేడు బీహార్ వంటి ప్రాంతాల నుండి కార్మికులను తీసుకొచ్చి బానిసల్లాగా పని చేయించుకుంటూ స్థానికులకు మొండి చేయి చూపిందని ఆయన దుయ్యబట్టారు. గతంలో రాత్రి సమయాల్లో మాత్రమే పనిచేసే యంత్రాలను ఇప్పుడు 24 గంటలు నడపడంతో కాలుష్యం మరింత పెరిగిపోయిందన్నారు. గత కొన్ని నెలల క్రితం నామమాత్రంగా నిర్వహించిన మెడికల్ క్యాంపు రిపోర్టులు ఇప్పటికీ అందించకపోవడాన్ని బట్టి కార్మికుల పట్ల యాజమాన్యానికి ఉన్న చిత్తశుద్ధి అర్థమవుతోందని ఆయన ఘాటుగా విమర్శించారు. ప్రతి నెల పదుల సంఖ్యలో కార్మికులు వివిధ సమస్యలతో జగదీష్ న్యూరో కేర్ ఆసుపత్రిలో చికిత్స పొందుతున్న మాట వాస్తవం కాదా అని ప్రశ్నించిన చంద్రశేఖర్, వీటన్నింటికీ పరిశ్రమ జీఎం రమేష్ కుమార్ రెడ్డి మరియు ప్రతినిధులే బాధ్యులని ఆరోపించారు. ఇన్ని సమస్యలు జరుగుతున్నా కార్మిక శాఖ అధికారులు, పరిశ్రమల భద్రత అధికారులు ఎందుకు చూసీచూడనట్లు వ్యవహరిస్తున్నారో సమాధానం చెప్పాలని ఆయన డిమాండ్ చేశారు. పని గంటలు పెంచి, భద్రతా పరికరాలు అందించకుండా, ప్రజా సంఘాలు, కార్మిక సంఘాలను పరిశ్రమలోకి రాకుండా అడ్డుకుంటూ యాజమాన్యం నియంతృత్వంగా వ్యవహరిస్తోందని మండిపడ్డారు. ఈ విషయాలపై జిల్లా కలెక్టర్ గారు ప్రత్యేక చొరవ తీసుకొని విచారణ జరిపించాలని, భూములను ఇచ్చిన కుటుంబాలకు, స్థానిక నిరుద్యోగ యువతకు 75% ఉద్యోగాలు కల్పించేలా చర్యలు తీసుకోవాలని ఎస్. చంద్రశేఖర్ కోరారు. అలాగే, భద్రతా ప్రమాణాలు పాటించకుండా ప్రజలకు, జంతువులకు హాని కలిగేలా కాలుష్యాన్ని వెదజల్లుతూ నిర్లక్ష్యంగా వ్యవహరిస్తున్న పరిశ్రమ యాజమాన్యంపై కేసులు నమోదు చేసి, మరోసారి ఇటువంటి ప్రమాదాలు జరగకుండా నివారణ చర్యలు తీసుకోవాలని ఆయన డిమాండ్ చేశారు. లేనిపక్షంలో స్థానిక ప్రజలను, నిరుద్యోగ యువతను సమీకరించి సీపీఐ ఎంఎల్ లిబరేషన్ పార్టీ ఆధ్వర్యంలో పెద్ద ఎత్తున ఉద్యమిస్తామని ఆయన హెచ్చరించారు. ఈ సమావేశంలో జిల్లా కమిటీ సభ్యులు కే. జకరయ్య, బి. అనిల్, నియోజకవర్గ కమిటీ సభ్యులు రామరాజు, కే. బాబు, విజయరావు, జయరామ రాజు, గంట మహబూబ్ బాషా, చంద్రపాల్ మరియు పట్టణ నాయకులు సలీం తదితరులు పాల్గొన్నారు.

జీ.మౌలాలి.

Photographer బద్వేల్, వై.ఎస్.ఆర్., ఆంధ్రప్రదేశ్•

8 hrs ago

కడప జిల్లా బద్వేలు పట్టణంలోని సెంచరీ పరిశ్రమ యాజమాన్యం నిర్లక్ష్యం వల్ల స్థానిక ప్రజలు, కార్మికులు తీవ్ర ఇబ్బందులు పడుతున్నారని సీపీఐ ఎంఎల్ లిబరేషన్ పార్టీ జిల్లా స్టాండింగ్ కమిటీ సభ్యులు ఎస్. చంద్రశేఖర్ తీవ్ర ఆగ్రహం వ్యక్తం చేశారు. శుక్రవారం ఉదయం భగత్ సింగ్ నగర్‌లోని పార్టీ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడుతూ, పరిశ్రమ నుంచి వెలువడుతున్న కలుషిత నీరు తాగి జంతువులు, పశువులు మృత్యువాత పడుతున్నాయని, ప్రజలు, కార్మికులకు చర్మవ్యాధులు, ఊపిరితిత్తులు, కిడ్నీ సమస్యలు వస్తున్నాయని ఆరోపించారు. ఈ సమస్యలపై సంబంధిత అధికారులు తక్షణమే స్పందించి సెంచరీ పరిశ్రమ యాజమాన్యంపై చర్యలు తీసుకోవాలని ఆయన డిమాండ్ చేశారు. సెంచరీ పరిశ్రమ ఏర్పాటుతో తమ జీవితాలు బాగుపడతాయని, నిరుద్యోగ యువతకు ఉద్యోగాలు లభిస్తాయని ఆశించి తమ భూములను సైతం అప్పజెప్పిన స్థానిక ప్రజలకు నిరాశే మిగిలిందని చంద్రశేఖర్ ఆవేదన వ్యక్తం చేశారు. భూములు కోల్పోయిన ప్రతి కుటుంబానికి ఒకటిన్నర ఎకరా భూమి, ఉద్యోగం కల్పిస్తామని చెప్పిన యాజమాన్యం, నేడు బీహార్ వంటి ప్రాంతాల నుండి కార్మికులను తీసుకొచ్చి బానిసల్లాగా పని చేయించుకుంటూ స్థానికులకు మొండి చేయి చూపిందని ఆయన దుయ్యబట్టారు. గతంలో రాత్రి సమయాల్లో మాత్రమే పనిచేసే యంత్రాలను ఇప్పుడు 24 గంటలు నడపడంతో కాలుష్యం మరింత పెరిగిపోయిందన్నారు. గత కొన్ని నెలల క్రితం నామమాత్రంగా నిర్వహించిన మెడికల్ క్యాంపు రిపోర్టులు ఇప్పటికీ అందించకపోవడాన్ని బట్టి కార్మికుల పట్ల యాజమాన్యానికి ఉన్న చిత్తశుద్ధి అర్థమవుతోందని ఆయన ఘాటుగా విమర్శించారు. ప్రతి నెల పదుల సంఖ్యలో కార్మికులు వివిధ సమస్యలతో జగదీష్ న్యూరో కేర్ ఆసుపత్రిలో చికిత్స పొందుతున్న మాట వాస్తవం కాదా అని ప్రశ్నించిన చంద్రశేఖర్, వీటన్నింటికీ పరిశ్రమ జీఎం రమేష్ కుమార్ రెడ్డి మరియు ప్రతినిధులే బాధ్యులని ఆరోపించారు. ఇన్ని సమస్యలు జరుగుతున్నా కార్మిక శాఖ అధికారులు, పరిశ్రమల భద్రత అధికారులు ఎందుకు చూసీచూడనట్లు వ్యవహరిస్తున్నారో సమాధానం చెప్పాలని ఆయన డిమాండ్ చేశారు. పని గంటలు పెంచి, భద్రతా పరికరాలు అందించకుండా, ప్రజా సంఘాలు, కార్మిక సంఘాలను పరిశ్రమలోకి రాకుండా అడ్డుకుంటూ యాజమాన్యం నియంతృత్వంగా వ్యవహరిస్తోందని మండిపడ్డారు. ఈ విషయాలపై జిల్లా కలెక్టర్ గారు ప్రత్యేక చొరవ తీసుకొని విచారణ జరిపించాలని, భూములను ఇచ్చిన కుటుంబాలకు, స్థానిక నిరుద్యోగ యువతకు 75% ఉద్యోగాలు కల్పించేలా చర్యలు తీసుకోవాలని ఎస్. చంద్రశేఖర్ కోరారు. అలాగే, భద్రతా ప్రమాణాలు పాటించకుండా ప్రజలకు, జంతువులకు హాని కలిగేలా కాలుష్యాన్ని వెదజల్లుతూ నిర్లక్ష్యంగా వ్యవహరిస్తున్న పరిశ్రమ యాజమాన్యంపై కేసులు నమోదు చేసి, మరోసారి ఇటువంటి ప్రమాదాలు జరగకుండా నివారణ చర్యలు తీసుకోవాలని ఆయన డిమాండ్ చేశారు. లేనిపక్షంలో స్థానిక ప్రజలను, నిరుద్యోగ యువతను సమీకరించి సీపీఐ ఎంఎల్ లిబరేషన్ పార్టీ ఆధ్వర్యంలో పెద్ద ఎత్తున ఉద్యమిస్తామని ఆయన హెచ్చరించారు. ఈ సమావేశంలో జిల్లా కమిటీ సభ్యులు కే. జకరయ్య, బి. అనిల్, నియోజకవర్గ కమిటీ సభ్యులు రామరాజు, కే. బాబు, విజయరావు, జయరామ రాజు, గంట మహబూబ్ బాషా, చంద్రపాల్ మరియు పట్టణ నాయకులు సలీం తదితరులు పాల్గొన్నారు.