शेवटच्या क्षणी राजकीय कलाटणी; रायगड जिल्हा परिषदेत महायुतीची सत्ता निश्चित — मुंबईतील बैठकीत तिढा सुटला, अध्यक्ष भाजपचा तर उपाध्यक्ष शिवसेनेचा रायगड - अमुलकुमार जैन रायगड जिल्हा परिषदेत सत्ता स्थापनेवरून निर्माण झालेला राजकीय तिढा अखेर सुटला असून जिल्हा परिषदेत महायुतीची सत्ता स्थापन होणार असल्याचे स्पष्ट झाले आहे. मुंबईत झालेल्या उच्चस्तरीय बैठकीत हा निर्णय घेण्यात आल्याने जिल्ह्यातील राजकीय अनिश्चिततेला पूर्णविराम मिळाला आहे. मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि उपमुख्यमंत्री सुनेत्रा अजित पवार यांच्या उपस्थितीत झालेल्या बैठकीत रायगड जिल्हा परिषद सत्तेचा फॉर्म्युला निश्चित करण्यात आला. या निर्णयानुसार जिल्हा परिषदेत भाजप, राष्ट्रवादी काँग्रेस (अजित पवार गट) आणि शिवसेना (शिंदे गट) यांची महायुती सत्तेत येणार आहे. ठरलेल्या सूत्रानुसार पहिल्या सव्वा वर्षासाठी जिल्हा परिषद अध्यक्षपद भाजपकडे राहणार असून उपाध्यक्षपद शिवसेनेला देण्यात येणार आहे. त्यानंतर पुढील काळात सत्तेचे वाटप ठरलेल्या फॉर्म्युल्यानुसार करण्यात येणार असल्याची माहिती समोर येत आहे. गेल्या काही दिवसांपासून रायगड जिल्हा परिषद सत्तेसाठी विविध राजकीय घडामोडींना वेग आला होता. भाजप आणि राष्ट्रवादी काँग्रेसने शिवसेनेला बाजूला ठेवत सत्ता स्थापनेची हालचाल केल्याची चर्चा रंगली होती. याबाबत अलिबाग येथे प्रदेशाध्यक्ष सुनील तटकरे, रविंद्र चव्हाण आणि मंत्री चंद्रशेखर बावनकुळे यांच्या उपस्थितीत बैठक होणार होती. मात्र त्याआधीच मुंबईत झालेल्या बैठकीत महायुतीचा निर्णय झाल्याने सर्व घडामोडींना कलाटणी मिळाली. या प्रक्रियेत उपमुख्यमंत्री एकनाथ शिंदे, मंत्री भरत गोगावले आणि उद्योगमंत्री उदय सामंत यांनी मध्यस्थी करत राज्यातील महायुतीप्रमाणेच रायगड जिल्ह्यातही एकत्र सत्ता स्थापन व्हावी यासाठी प्रयत्न केल्याचे सांगितले जात आहे. दरम्यान, ५९ सदस्य संख्या असलेल्या रायगड जिल्हा परिषदेत सत्ता स्थापनेसाठी ३१ सदस्यांची आवश्यकता आहे. येथे शिवसेना (शिंदे गट)चे २१, राष्ट्रवादी काँग्रेसचे १६ आणि भाजपचे १५ सदस्य विजयी झाले आहेत. तर शिवसेना (उद्धव बाळासाहेब ठाकरे) गटाचे ५ आणि काँग्रेसचे २ सदस्य आहेत. या पार्श्वभूमीवर महायुतीकडे स्पष्ट बहुमत असल्याने जिल्हा परिषदेत महायुतीची सत्ता स्थापन होणार असल्याचे निश्चित झाले आहे. दरम्यान, ठरलेल्या सूत्रानुसार जिल्हा परिषद अध्यक्षपदासाठी पेण तालुक्याला संधी मिळण्याची शक्यता अधिक असल्याची चर्चा राजकीय वर्तुळात सुरू आहे. त्यामुळे भाजपच्या पेण तालुक्यातील नेतृत्वाकडे आता सर्वांचे लक्ष लागले असून अध्यक्षपदाच्या निवडीकडे जिल्ह्याचे राजकीय वातावरण उत्सुकतेने पाहत आहे.

Raigad news

अलिबाग, रायगड, महाराष्ट्र•

3 hrs ago

शेवटच्या क्षणी राजकीय कलाटणी; रायगड जिल्हा परिषदेत महायुतीची सत्ता निश्चित — मुंबईतील बैठकीत तिढा सुटला, अध्यक्ष भाजपचा तर उपाध्यक्ष शिवसेनेचा रायगड - अमुलकुमार जैन रायगड जिल्हा परिषदेत सत्ता स्थापनेवरून निर्माण झालेला राजकीय तिढा अखेर सुटला असून जिल्हा परिषदेत महायुतीची सत्ता स्थापन होणार असल्याचे स्पष्ट झाले आहे. मुंबईत झालेल्या उच्चस्तरीय बैठकीत हा निर्णय घेण्यात आल्याने जिल्ह्यातील राजकीय अनिश्चिततेला पूर्णविराम मिळाला आहे. मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि उपमुख्यमंत्री सुनेत्रा अजित पवार यांच्या उपस्थितीत झालेल्या बैठकीत रायगड जिल्हा परिषद सत्तेचा फॉर्म्युला निश्चित करण्यात आला. या निर्णयानुसार जिल्हा परिषदेत भाजप, राष्ट्रवादी काँग्रेस (अजित पवार गट) आणि शिवसेना (शिंदे गट) यांची महायुती सत्तेत येणार आहे. ठरलेल्या सूत्रानुसार पहिल्या सव्वा वर्षासाठी जिल्हा परिषद अध्यक्षपद भाजपकडे राहणार असून उपाध्यक्षपद शिवसेनेला देण्यात येणार आहे. त्यानंतर पुढील काळात सत्तेचे वाटप ठरलेल्या फॉर्म्युल्यानुसार करण्यात येणार असल्याची माहिती समोर येत आहे. गेल्या काही दिवसांपासून रायगड जिल्हा परिषद सत्तेसाठी विविध राजकीय घडामोडींना वेग आला होता. भाजप आणि राष्ट्रवादी काँग्रेसने शिवसेनेला बाजूला ठेवत सत्ता स्थापनेची हालचाल केल्याची चर्चा रंगली होती. याबाबत अलिबाग येथे प्रदेशाध्यक्ष सुनील तटकरे, रविंद्र चव्हाण आणि मंत्री चंद्रशेखर बावनकुळे यांच्या उपस्थितीत बैठक होणार होती. मात्र त्याआधीच मुंबईत झालेल्या बैठकीत महायुतीचा निर्णय झाल्याने सर्व घडामोडींना कलाटणी मिळाली. या प्रक्रियेत उपमुख्यमंत्री एकनाथ शिंदे, मंत्री भरत गोगावले आणि उद्योगमंत्री उदय सामंत यांनी मध्यस्थी करत राज्यातील महायुतीप्रमाणेच रायगड जिल्ह्यातही एकत्र सत्ता स्थापन व्हावी यासाठी प्रयत्न केल्याचे सांगितले जात आहे. दरम्यान, ५९ सदस्य संख्या असलेल्या रायगड जिल्हा परिषदेत सत्ता स्थापनेसाठी ३१ सदस्यांची आवश्यकता आहे. येथे शिवसेना (शिंदे गट)चे २१, राष्ट्रवादी काँग्रेसचे १६ आणि भाजपचे १५ सदस्य विजयी झाले आहेत. तर शिवसेना (उद्धव बाळासाहेब ठाकरे) गटाचे ५ आणि काँग्रेसचे २ सदस्य आहेत. या पार्श्वभूमीवर महायुतीकडे स्पष्ट बहुमत असल्याने जिल्हा परिषदेत महायुतीची सत्ता स्थापन होणार असल्याचे निश्चित झाले आहे. दरम्यान, ठरलेल्या सूत्रानुसार जिल्हा परिषद अध्यक्षपदासाठी पेण तालुक्याला संधी मिळण्याची शक्यता अधिक असल्याची चर्चा राजकीय वर्तुळात सुरू आहे. त्यामुळे भाजपच्या पेण तालुक्यातील नेतृत्वाकडे आता सर्वांचे लक्ष लागले असून अध्यक्षपदाच्या निवडीकडे जिल्ह्याचे राजकीय वातावरण उत्सुकतेने पाहत आहे.