फेसबुकवरील ओळख ठरली धोकादायक; लग्नाचे आमिष दाखवून स्टाफ नर्सवर अत्याचाराचा आरोप..! फेसबुकवरील ओळख ठरली धोकादायक; लग्नाचे आमिष दाखवून स्टाफ नर्सवर अत्याचाराचा आरोप! संसार उद्ध्वस्त करण्याची धमकी दिल्याचा फिर्यादीचा दावा; शेगावातील ३२ वर्षीय आरोपी अटकेत, दोन दिवसांची पोलीस कोठडी शेगाव : प्रतिनिधी फेसबुकच्या माध्यमातून झालेल्या ओळखीचा गैरफायदा घेत लग्नाचे आमिष दाखवून तसेच प्रकार उघड केल्यास संसार उद्ध्वस्त करण्याची धमकी देत एका स्टाफ नर्सवर वारंवार अत्याचार केल्याचा गंभीर आरोप समोर आला आहे. या प्रकरणी शेगाव ग्रामीण पोलीस ठाण्यात गुन्हा दाखल करण्यात आला असून, रोहित गजानन पहुरकर (वय ३२, रा. आम्रपाली नगर, शेगाव) याला पोलिसांनी अटक केली आहे. न्यायालयाने त्याला दोन दिवसांची पोलीस कोठडी सुनावली आहे. पोलिसांनी दिलेल्या माहितीनुसार, अकोला येथे स्टाफ नर्स म्हणून कार्यरत असलेल्या महिलेची आरोपीशी फेसबुकच्या माध्यमातून ओळख झाली. आरोपीने कौटुंबिक अडचणी सांगून तिची सहानुभूती मिळवली आणि त्यानंतर जवळीक निर्माण केल्याचे फिर्यादीत नमूद करण्यात आले आहे. हॉटेलमध्ये नेऊन अत्याचाराचा आरोप फिर्यादीनुसार, १३ सप्टेंबर २०२५ रोजी आरोपीने आजोबांच्या आजारपणाचे कारण सांगून महिलेला शेगाव येथे बोलावले. त्यानंतर शांततेत बोलण्याच्या बहाण्याने तिला खामगाव रोडवरील एका हॉटेलमध्ये नेण्यात आले. तेथे तिच्या इच्छेविरुद्ध शारीरिक संबंध प्रस्थापित केल्याचा आरोप करण्यात आला आहे. त्यानंतर हा प्रकार कोणाला सांगितल्यास तसेच शेगावला येण्यास नकार दिल्यास सदर प्रकार तिच्या पतीला सांगून संसार उद्ध्वस्त करण्याची धमकी दिल्याचेही फिर्यादीत नमूद आहे. अकोल्यातून गुन्हा शेगावला वर्ग या प्रकरणी सुरुवातीला १० सप्टेंबर २०२६ रोजी अकोला येथील सिव्हिल लाईन पोलीस ठाण्यात गुन्हा दाखल करण्यात आला होता. मात्र, घटनास्थळ शेगाव ग्रामीण पोलीस ठाण्याच्या हद्दीत असल्याने पुढील तपासासाठी गुन्हा शेगाव ग्रामीण पोलिसांकडे वर्ग करण्यात आला. प्रकरणाची गंभीर दखल घेत ठाणेदार सहायक पोलीस निरीक्षक प्रवीण लिंगाडे यांनी अपर पोलीस अधीक्षक पियुष जगताप आणि उपविभागीय पोलीस अधिकारी प्रदीप पाटील यांच्या मार्गदर्शनाखाली घटनास्थळी पाहणी केली. तपासादरम्यान आरोपीला अटक करण्यात आली असून, न्यायालयाने त्याला दोन दिवसांची पोलीस कोठडी सुनावली आहे. या प्रकरणाचा पुढील तपास शेगाव ग्रामीण पोलीस ठाण्याचे ठाणेदार सहायक पोलीस निरीक्षक प्रवीण लिंगाडे करीत आहेत. दरम्यान, प्रकरणातील आरोपांची सत्यता तपासादरम्यान स्पष्ट होणार असून, पोलिसांच्या पुढील तपासाकडे लक्ष लागले आहे.

Sachin kadukar

Photographer Shegaon, Buldhana•

7 hrs ago

फेसबुकवरील ओळख ठरली धोकादायक; लग्नाचे आमिष दाखवून स्टाफ नर्सवर अत्याचाराचा आरोप..! फेसबुकवरील ओळख ठरली धोकादायक; लग्नाचे आमिष दाखवून स्टाफ नर्सवर अत्याचाराचा आरोप! संसार उद्ध्वस्त करण्याची धमकी दिल्याचा फिर्यादीचा दावा; शेगावातील ३२ वर्षीय आरोपी अटकेत, दोन दिवसांची पोलीस कोठडी शेगाव : प्रतिनिधी फेसबुकच्या माध्यमातून झालेल्या ओळखीचा गैरफायदा घेत लग्नाचे आमिष दाखवून तसेच प्रकार उघड केल्यास संसार उद्ध्वस्त करण्याची धमकी देत एका स्टाफ नर्सवर वारंवार अत्याचार केल्याचा गंभीर आरोप समोर आला आहे. या प्रकरणी शेगाव ग्रामीण पोलीस ठाण्यात गुन्हा दाखल करण्यात आला असून, रोहित गजानन पहुरकर (वय ३२, रा. आम्रपाली नगर, शेगाव) याला पोलिसांनी अटक केली आहे. न्यायालयाने त्याला दोन दिवसांची पोलीस कोठडी सुनावली आहे. पोलिसांनी दिलेल्या माहितीनुसार, अकोला येथे स्टाफ नर्स म्हणून कार्यरत असलेल्या महिलेची आरोपीशी फेसबुकच्या माध्यमातून ओळख झाली. आरोपीने कौटुंबिक अडचणी सांगून तिची सहानुभूती मिळवली आणि त्यानंतर जवळीक निर्माण केल्याचे फिर्यादीत नमूद करण्यात आले आहे. हॉटेलमध्ये नेऊन अत्याचाराचा आरोप फिर्यादीनुसार, १३ सप्टेंबर २०२५ रोजी आरोपीने आजोबांच्या आजारपणाचे कारण सांगून महिलेला शेगाव येथे बोलावले. त्यानंतर शांततेत बोलण्याच्या बहाण्याने तिला खामगाव रोडवरील एका हॉटेलमध्ये नेण्यात आले. तेथे तिच्या इच्छेविरुद्ध शारीरिक संबंध प्रस्थापित केल्याचा आरोप करण्यात आला आहे. त्यानंतर हा प्रकार कोणाला सांगितल्यास तसेच शेगावला येण्यास नकार दिल्यास सदर प्रकार तिच्या पतीला सांगून संसार उद्ध्वस्त करण्याची धमकी दिल्याचेही फिर्यादीत नमूद आहे. अकोल्यातून गुन्हा शेगावला वर्ग या प्रकरणी सुरुवातीला १० सप्टेंबर २०२६ रोजी अकोला येथील सिव्हिल लाईन पोलीस ठाण्यात गुन्हा दाखल करण्यात आला होता. मात्र, घटनास्थळ शेगाव ग्रामीण पोलीस ठाण्याच्या हद्दीत असल्याने पुढील तपासासाठी गुन्हा शेगाव ग्रामीण पोलिसांकडे वर्ग करण्यात आला. प्रकरणाची गंभीर दखल घेत ठाणेदार सहायक पोलीस निरीक्षक प्रवीण लिंगाडे यांनी अपर पोलीस अधीक्षक पियुष जगताप आणि उपविभागीय पोलीस अधिकारी प्रदीप पाटील यांच्या मार्गदर्शनाखाली घटनास्थळी पाहणी केली. तपासादरम्यान आरोपीला अटक करण्यात आली असून, न्यायालयाने त्याला दोन दिवसांची पोलीस कोठडी सुनावली आहे. या प्रकरणाचा पुढील तपास शेगाव ग्रामीण पोलीस ठाण्याचे ठाणेदार सहायक पोलीस निरीक्षक प्रवीण लिंगाडे करीत आहेत. दरम्यान, प्रकरणातील आरोपांची सत्यता तपासादरम्यान स्पष्ट होणार असून, पोलिसांच्या पुढील तपासाकडे लक्ष लागले आहे.