लोहा : छत्रपती शिवाजी महाराज चौकात बसचा धक्का; काही काळ वाहतूक कोंडी, पोलिस प्रशासनावर नागरिकांचा संताप लोहा शहरातील छत्रपती शिवाजी महाराज चौक परिसरात आज महामंडळाच्या बसचा रोडवर उभ्या असलेल्या एका वाहनाला धक्का लागल्याची घटना घडली. या घटनेमुळे काही काळ परिसरात वाहतूक कोंडी निर्माण झाली आणि वाहनांच्या लांबच लांब रांगा लागल्या. घटनेनंतर बराच वेळ वाहतूक विस्कळीत राहिली. मात्र त्या ठिकाणी तात्काळ पोलिस प्रशासन पोहोचले नसल्याने नागरिकांनी नाराजी व्यक्त केली. चौकासारख्या गजबजलेल्या ठिकाणी वाहतूक नियमनासाठी पोलिसांची उपस्थिती नसल्याने नागरिकांना त्रास सहन करावा लागला. स्थानिक नागरिकांच्या म्हणण्यानुसार, लोहा शहरात अनेक ठिकाणी रस्त्यावर अतिक्रमण वाढले असून त्यामुळे वाहतुकीचा प्रश्न गंभीर होत आहे. तसेच अवैध रेती वाहतूक देखील मोठ्या प्रमाणावर होत असल्याचा आरोप नागरिकांनी केला आहे. या सर्व प्रकारांकडे पोलिस प्रशासन दुर्लक्ष करत असल्याची भावना नागरिकांमध्ये निर्माण झाली आहे. दरम्यान, पोलिसांनी केवळ मोटरसायकल आणि रिक्षा चालकांवर कारवाई करण्याऐवजी शहरातील अतिक्रमण, अवैध वाहतूक आणि वाहतूक व्यवस्थेवर ठोस उपाययोजना कराव्यात, अशी मागणी नागरिकांकडून होत आहे.

Nanded_7

Nanded, Maharashtra•

5 hrs ago

लोहा : छत्रपती शिवाजी महाराज चौकात बसचा धक्का; काही काळ वाहतूक कोंडी, पोलिस प्रशासनावर नागरिकांचा संताप लोहा शहरातील छत्रपती शिवाजी महाराज चौक परिसरात आज महामंडळाच्या बसचा रोडवर उभ्या असलेल्या एका वाहनाला धक्का लागल्याची घटना घडली. या घटनेमुळे काही काळ परिसरात वाहतूक कोंडी निर्माण झाली आणि वाहनांच्या लांबच लांब रांगा लागल्या. घटनेनंतर बराच वेळ वाहतूक विस्कळीत राहिली. मात्र त्या ठिकाणी तात्काळ पोलिस प्रशासन पोहोचले नसल्याने नागरिकांनी नाराजी व्यक्त केली. चौकासारख्या गजबजलेल्या ठिकाणी वाहतूक नियमनासाठी पोलिसांची उपस्थिती नसल्याने नागरिकांना त्रास सहन करावा लागला. स्थानिक नागरिकांच्या म्हणण्यानुसार, लोहा शहरात अनेक ठिकाणी रस्त्यावर अतिक्रमण वाढले असून त्यामुळे वाहतुकीचा प्रश्न गंभीर होत आहे. तसेच अवैध रेती वाहतूक देखील मोठ्या प्रमाणावर होत असल्याचा आरोप नागरिकांनी केला आहे. या सर्व प्रकारांकडे पोलिस प्रशासन दुर्लक्ष करत असल्याची भावना नागरिकांमध्ये निर्माण झाली आहे. दरम्यान, पोलिसांनी केवळ मोटरसायकल आणि रिक्षा चालकांवर कारवाई करण्याऐवजी शहरातील अतिक्रमण, अवैध वाहतूक आणि वाहतूक व्यवस्थेवर ठोस उपाययोजना कराव्यात, अशी मागणी नागरिकांकडून होत आहे.