ପୁରୀ ସମୁଦ୍ରକୂଳରେ ଅବୈଧ ଦଖଲ! ବାଉଁଶ ଘେରାଉ ହଟାଇବାକୁ ଦାବି ପୁରୀ, (ଡ଼ଃ ମନୋଜ କୁମାର ବଳିଆରସିଂ): ପୁରୀ ଚକ୍ରତୀର୍ଥ ସମୁଦ୍ରକୂଳ ଅଞ୍ଚଳରେ ଅବୈଧ ଭାବେ ବାଉଁଶ ଘେରାଉ କରି ଜାଗା ଦଖଲ କରାଯାଉଥିବା ଅଭିଯୋଗ ଉଠିଛି। ଏହି ସମ୍ବନ୍ଧରେ ପୁରୀ ମୁନିସିପାଲିଟିର କାର୍ଯ୍ୟନିର୍ବାହୀ ଅଧିକାରୀଙ୍କୁ ଜିଲ୍ଲା ଆପ ଦଳର ସଭାପତି ସଂଜୀବ ମହାନ୍ତି ଲିଖିତ ଭାବେ ଅଭିଯୋଗ କରିଛନ୍ତି। ଅଭିଯୋଗ ଅନୁଯାୟୀ, ଚକ୍ରତୀର୍ଥ ସମୁଦ୍ରକୂଳରେ ସରକାରଙ୍କ ଦ୍ବାରା ପ୍ରସ୍ତୁତ ପାର୍କ ଏପର୍ଯ୍ୟନ୍ତ ସାଧାରଣଙ୍କ ପାଇଁ ଖୋଲାଯାଇନାହିଁ। ଏହି ଅଞ୍ଚଳକୁ ପ୍ରତିଦିନ ବହୁ ସଂଖ୍ୟକ ପର୍ଯ୍ୟଟକ ଆସୁଥିବା ସତ୍ତ୍ୱେ ମୌଳିକ ସୁବିଧା, ବିଶେଷକରି ଶୌଚାଳୟ ବ୍ୟବସ୍ଥା ଅଭାବ ଦେଖାଯାଉଛି। ତଥାପି କିଛି ଲୋକ ସଂଘର ନାମରେ ସେବା କରିବାକୁ କହି ବିନା ଅନୁମତିରେ ବାଉଁଶ ଦ୍ୱାରା ଘେରାଉ କରି ଜମି ଦଖଲ କରୁଥିବା ବିଶ୍ୱସ୍ତ ସୂତ୍ରରୁ ପ୍ରକାଶ ପାଇଛି। ଏହା ଫଳରେ ସରକାରଙ୍କ ଦ୍ବାରା କୋଟି କୋଟି ଟଙ୍କା ଖର୍ଚ୍ଚ କରି ସମୁଦ୍ର ବାଲିରେ ଗୁଳ୍ମ ବୃଦ୍ଧି ପାଇଁ ତିଆରି ହୋଇଥିବା ପ୍ରକଳ୍ପ ଉପରେ ବି ପ୍ରଭାବ ପଡ଼ିବା ଆଶଙ୍କା ରହିଛି। ଏହି ପ୍ରକଳ୍ପକୁ ପୂର୍ବତନ ଜିଲ୍ଲାପାଳ ବଳବନ୍ତ ସିଂଙ୍କ ଅଧୀନରେ ତ୍ୱରାନ୍ୱିତ କରାଯାଇଥିଲା ଏବଂ ପୂର୍ଣ୍ଣତା ପାଇଥିଲା। କିନ୍ତୁ ବର୍ତ୍ତମାନ ଅବୈଧ ଘେରାଉ ଯୋଗୁଁ ଏହାର ଉଦ୍ଦେଶ୍ୟ ନଷ୍ଟ ହେବାର ସମ୍ଭାବନା ରହିଛି। ଅଭିଯୋଗରେ ଆହୁରି କୁହାଯାଇଛି ଯେ, ଭବିଷ୍ୟତରେ ଏହା ମାଫିଆ ଚକ୍ରଙ୍କୁ ସକ୍ରିୟ କରିପାରେ। ସେମାନେ ଏହି ଜାଗାକୁ ନିଜସ୍ୱ ବୋଲି ଦାବି କରି ବାହାର ଲୋକଙ୍କୁ ଠକିବା ସହ ଅଗ୍ରିମ ଟଙ୍କା ଉଠାଇପାରନ୍ତି, ଯାହା ପରେ ପ୍ରଶାସନ ଓ ପୋଲିସ ପାଇଁ ସମସ୍ୟା ସୃଷ୍ଟି କରିବ। ଏହି ପରିସ୍ଥିତିକୁ ଦୃଷ୍ଟିରେ ରଖି ସଂଜୀବ ମହାନ୍ତି ତୁରନ୍ତ ଅବୈଧ ଘେରାଉ ହଟାଇବା ସହ ଚକ୍ରତୀର୍ଥ ଅଞ୍ଚଳରେ ଶୌଚାଳୟ ଶୀଘ୍ର ଖୋଲିବାକୁ ଦାବି କରିଛନ୍ତି। ଶୌଚାଳୟ ନ ଥିବାରୁ ବିଶେଷକରି ମହିଳାମାନେ ଅସୁବିଧାର ସମୁଖୀନ ହେଉଥିବା ପରିଲକ୍ଷିତ କରାଯାଇଛି।

Manoj kumar baliyarsingh

ସାମ୍ବାଦିକ ପୁରୀ (M), ପୁରୀ, ଓଡ଼ିଶା•

2 hrs ago

ପୁରୀ ସମୁଦ୍ରକୂଳରେ ଅବୈଧ ଦଖଲ! ବାଉଁଶ ଘେରାଉ ହଟାଇବାକୁ ଦାବି ପୁରୀ, (ଡ଼ଃ ମନୋଜ କୁମାର ବଳିଆରସିଂ): ପୁରୀ ଚକ୍ରତୀର୍ଥ ସମୁଦ୍ରକୂଳ ଅଞ୍ଚଳରେ ଅବୈଧ ଭାବେ ବାଉଁଶ ଘେରାଉ କରି ଜାଗା ଦଖଲ କରାଯାଉଥିବା ଅଭିଯୋଗ ଉଠିଛି। ଏହି ସମ୍ବନ୍ଧରେ ପୁରୀ ମୁନିସିପାଲିଟିର କାର୍ଯ୍ୟନିର୍ବାହୀ ଅଧିକାରୀଙ୍କୁ ଜିଲ୍ଲା ଆପ ଦଳର ସଭାପତି ସଂଜୀବ ମହାନ୍ତି ଲିଖିତ ଭାବେ ଅଭିଯୋଗ କରିଛନ୍ତି। ଅଭିଯୋଗ ଅନୁଯାୟୀ, ଚକ୍ରତୀର୍ଥ ସମୁଦ୍ରକୂଳରେ ସରକାରଙ୍କ ଦ୍ବାରା ପ୍ରସ୍ତୁତ ପାର୍କ ଏପର୍ଯ୍ୟନ୍ତ

ସାଧାରଣଙ୍କ ପାଇଁ ଖୋଲାଯାଇନାହିଁ। ଏହି ଅଞ୍ଚଳକୁ ପ୍ରତିଦିନ ବହୁ ସଂଖ୍ୟକ ପର୍ଯ୍ୟଟକ ଆସୁଥିବା ସତ୍ତ୍ୱେ ମୌଳିକ ସୁବିଧା, ବିଶେଷକରି ଶୌଚାଳୟ ବ୍ୟବସ୍ଥା ଅଭାବ ଦେଖାଯାଉଛି। ତଥାପି କିଛି ଲୋକ ସଂଘର ନାମରେ ସେବା କରିବାକୁ କହି ବିନା ଅନୁମତିରେ ବାଉଁଶ ଦ୍ୱାରା ଘେରାଉ କରି ଜମି ଦଖଲ କରୁଥିବା ବିଶ୍ୱସ୍ତ ସୂତ୍ରରୁ ପ୍ରକାଶ ପାଇଛି। ଏହା ଫଳରେ ସରକାରଙ୍କ ଦ୍ବାରା କୋଟି କୋଟି ଟଙ୍କା ଖର୍ଚ୍ଚ କରି ସମୁଦ୍ର ବାଲିରେ

ଗୁଳ୍ମ ବୃଦ୍ଧି ପାଇଁ ତିଆରି ହୋଇଥିବା ପ୍ରକଳ୍ପ ଉପରେ ବି ପ୍ରଭାବ ପଡ଼ିବା ଆଶଙ୍କା ରହିଛି। ଏହି ପ୍ରକଳ୍ପକୁ ପୂର୍ବତନ ଜିଲ୍ଲାପାଳ ବଳବନ୍ତ ସିଂଙ୍କ ଅଧୀନରେ ତ୍ୱରାନ୍ୱିତ କରାଯାଇଥିଲା ଏବଂ ପୂର୍ଣ୍ଣତା ପାଇଥିଲା। କିନ୍ତୁ ବର୍ତ୍ତମାନ ଅବୈଧ ଘେରାଉ ଯୋଗୁଁ ଏହାର ଉଦ୍ଦେଶ୍ୟ ନଷ୍ଟ ହେବାର ସମ୍ଭାବନା ରହିଛି। ଅଭିଯୋଗରେ ଆହୁରି କୁହାଯାଇଛି ଯେ, ଭବିଷ୍ୟତରେ ଏହା ମାଫିଆ ଚକ୍ରଙ୍କୁ ସକ୍ରିୟ କରିପାରେ। ସେମାନେ ଏହି ଜାଗାକୁ ନିଜସ୍ୱ ବୋଲି ଦାବି

କରି ବାହାର ଲୋକଙ୍କୁ ଠକିବା ସହ ଅଗ୍ରିମ ଟଙ୍କା ଉଠାଇପାରନ୍ତି, ଯାହା ପରେ ପ୍ରଶାସନ ଓ ପୋଲିସ ପାଇଁ ସମସ୍ୟା ସୃଷ୍ଟି କରିବ। ଏହି ପରିସ୍ଥିତିକୁ ଦୃଷ୍ଟିରେ ରଖି ସଂଜୀବ ମହାନ୍ତି ତୁରନ୍ତ ଅବୈଧ ଘେରାଉ ହଟାଇବା ସହ ଚକ୍ରତୀର୍ଥ ଅଞ୍ଚଳରେ ଶୌଚାଳୟ ଶୀଘ୍ର ଖୋଲିବାକୁ ଦାବି କରିଛନ୍ତି। ଶୌଚାଳୟ ନ ଥିବାରୁ ବିଶେଷକରି ମହିଳାମାନେ ଅସୁବିଧାର ସମୁଖୀନ ହେଉଥିବା ପରିଲକ୍ଷିତ କରାଯାଇଛି।