తలమడుగు మండలం డోర్లి ప్రభుత్వ పాఠశాల విద్యార్థుల నిరీక్షణకు తెరపడింది. శిథిలావస్థకు చేరిన పాత భవనాల స్థానంలో రూ.25 లక్షల వ్యయంతో నిర్మించిన నూతన పాఠశాల భవనం మరియు రక్షణ గోడను జిల్లా కలెక్టర్ రాజర్షి షా, ఆదిలాబాద్ వ్యవసాయ మార్కెట్ కమిటీ చైర్మన్ బోరంచు శ్రీకాంత్ రెడ్డి శుక్రవారం ప్రారంభించారు. రిబ్బన్ కట్ చేసి భవనాన్ని పరిశీలించిన అనంతరం, వారు విద్యార్థులు, ఉపాధ్యాయులతో మాట్లాడి విద్యా ప్రమాణాలు, వసతులపై ఆరా తీశారు. ఆరు నెలల క్రితం పాఠశాల భవనం కూలిపోయే పరిస్థితిలో ఉందన్న సమాచారంతో కలెక్టర్ రాజర్షి షా స్వయంగా పాఠశాలను సందర్శించారు. విద్యార్థుల భద్రతను దృష్టిలో ఉంచుకుని నూతన భవన నిర్మాణానికి రూ.15 లక్షలు, రక్షణ గోడ నిర్మాణానికి రూ.10 లక్షలు మంజూరు చేశారు. యుద్ధప్రాతిపదికన పనులు పూర్తి చేసి, ఆరు నెలల్లోనే భవనాన్ని విద్యార్థులకు అందుబాటులోకి తీసుకురావడంతో గ్రామస్తులు ఆనందం వ్యక్తం చేశారు. ఈ సందర్భంగా కలెక్టర్ రాజర్షి షా మాట్లాడుతూ, ప్రభుత్వ పాఠశాలలను బలోపేతం చేసి, విద్యార్థులకు కార్పొరేట్ స్థాయి వసతులు కల్పించేందుకు ప్రభుత్వం కట్టుబడి ఉందని, గ్రామీణ ప్రాంత విద్యార్థులకు నాణ్యమైన విద్య అందించడమే లక్ష్యమని పేర్కొన్నారు. నిర్దేశిత గడువులో నాణ్యతా ప్రమాణాలతో పనులు పూర్తి చేసిన అధికారులను, ప్రజాప్రతినిధులను ఆయన అభినందించారు. ఏఎంసీ చైర్మన్ బోరంచు శ్రీకాంత్ రెడ్డి మాట్లాడుతూ విద్యాభివృద్ధికి ప్రభుత్వం ప్రాధాన్యం ఇస్తోందని తెలిపారు. ఈ కార్యక్రమంలో జిల్లా విద్యాశాఖాధికారి డి. మాధవి, పంచాయతీరాజ్ ఈఈ శివరాం రాథోడ్, గ్రామ సర్పంచ్ పూజా రవి, తహసీల్దార్ రాజమోహన్, ఎంపీడీవో శంకర్, ఎంఈవో వెంకట్రావుతో పాటు స్థానిక ప్రజాప్రతినిధులు, అధికారులు, గ్రామస్తులు పాల్గొన్నారు.

AlluriMahesh

Local News Reporter Adilabad Urban, Telangana•

2 hrs ago

తలమడుగు మండలం డోర్లి ప్రభుత్వ పాఠశాల విద్యార్థుల నిరీక్షణకు తెరపడింది. శిథిలావస్థకు చేరిన పాత భవనాల స్థానంలో రూ.25 లక్షల వ్యయంతో నిర్మించిన నూతన పాఠశాల భవనం మరియు రక్షణ గోడను జిల్లా కలెక్టర్ రాజర్షి షా, ఆదిలాబాద్ వ్యవసాయ మార్కెట్ కమిటీ చైర్మన్ బోరంచు శ్రీకాంత్ రెడ్డి శుక్రవారం ప్రారంభించారు. రిబ్బన్ కట్ చేసి భవనాన్ని పరిశీలించిన అనంతరం, వారు విద్యార్థులు, ఉపాధ్యాయులతో మాట్లాడి విద్యా ప్రమాణాలు, వసతులపై ఆరా తీశారు. ఆరు నెలల క్రితం పాఠశాల భవనం కూలిపోయే

పరిస్థితిలో ఉందన్న సమాచారంతో కలెక్టర్ రాజర్షి షా స్వయంగా పాఠశాలను సందర్శించారు. విద్యార్థుల భద్రతను దృష్టిలో ఉంచుకుని నూతన భవన నిర్మాణానికి రూ.15 లక్షలు, రక్షణ గోడ నిర్మాణానికి రూ.10 లక్షలు మంజూరు చేశారు. యుద్ధప్రాతిపదికన పనులు పూర్తి చేసి, ఆరు నెలల్లోనే భవనాన్ని విద్యార్థులకు అందుబాటులోకి తీసుకురావడంతో గ్రామస్తులు ఆనందం వ్యక్తం చేశారు. ఈ సందర్భంగా కలెక్టర్ రాజర్షి షా మాట్లాడుతూ, ప్రభుత్వ పాఠశాలలను బలోపేతం చేసి, విద్యార్థులకు కార్పొరేట్ స్థాయి వసతులు కల్పించేందుకు ప్రభుత్వం కట్టుబడి ఉందని, గ్రామీణ

ప్రాంత విద్యార్థులకు నాణ్యమైన విద్య అందించడమే లక్ష్యమని పేర్కొన్నారు. నిర్దేశిత గడువులో నాణ్యతా ప్రమాణాలతో పనులు పూర్తి చేసిన అధికారులను, ప్రజాప్రతినిధులను ఆయన అభినందించారు. ఏఎంసీ చైర్మన్ బోరంచు శ్రీకాంత్ రెడ్డి మాట్లాడుతూ విద్యాభివృద్ధికి ప్రభుత్వం ప్రాధాన్యం ఇస్తోందని తెలిపారు. ఈ కార్యక్రమంలో జిల్లా విద్యాశాఖాధికారి డి. మాధవి, పంచాయతీరాజ్ ఈఈ శివరాం రాథోడ్, గ్రామ సర్పంచ్ పూజా రవి, తహసీల్దార్ రాజమోహన్, ఎంపీడీవో శంకర్, ఎంఈవో వెంకట్రావుతో పాటు స్థానిక ప్రజాప్రతినిధులు, అధికారులు, గ్రామస్తులు పాల్గొన్నారు.