యాదాద్రి భువనగిరి జిల్లాలోని భువనగిరి మండలం వడపర్తి గ్రామంలో గల శ్రీ రామానుజన్ పాఠశాల వద్ద తీవ్ర విషాదం చోటుచేసుకుంది. పాఠశాల బస్సు విద్యార్థులను దింపుతున్న సమయంలో, ఇంట్లోని తన అన్నయ్య మోక్షిత్ వస్తుండడం చూసిన మూడేళ్ల చిన్నారి రియాన్స్ ఆనందంతో అతని వద్దకు పరుగుతీసే ప్రయత్నం చేశాడు. ఈ క్రమంలో ప్రమాదవశాత్తు బస్సు టైరు కింద పడి ఆ చిన్నారి అక్కడికక్కడే ప్రాణాలు కోల్పోయాడు. ఈ ఘటన జరిగిన సమయంలో రియాన్స్ తల్లి పెద్ద కుమారుడిని తీసుకుని ఇంట్లోకి వెళ్ళగా, చిన్నారి రియాన్స్ అక్కడే ఉన్న విషయాన్ని బస్సు డ్రైవర్ గమనించలేదు. డ్రైవర్ వాహనాన్ని ముందుకు పోనివ్వడంతో ఈ దుర్ఘటన సంభవించింది. చేవర్తి లతశ్రీ–శ్రీనివాస్ దంపతులకు ఇద్దరు కుమారులు కాగా, పెద్ద కుమారుడు మోక్షిత్ స్థానిక పాఠశాలలో మొదటి తరగతి చదువుతున్నాడు. సమాచారం అందుకున్న పోలీసులు వెంటనే ఘటనాస్థలికి చేరుకుని కేసు నమోదు చేశారు. అనంతరం మృతదేహాన్ని భువనగిరి ప్రభుత్వాసుపత్రికి తరలించారు. చిన్నారి రియాన్స్ ఆకస్మిక మృతితో కుటుంబంలోనే కాకుండా, వడపర్తి గ్రామమంతా తీవ్ర విషాదంలో మునిగిపోయింది.

కిరణ్ కుమార్ గౌడ్

Yoga instructor భువనగిరి, యాదాద్రి భువనగిరి, తెలంగాణ•

3 hrs ago

యాదాద్రి భువనగిరి జిల్లాలోని భువనగిరి మండలం వడపర్తి గ్రామంలో గల శ్రీ రామానుజన్ పాఠశాల వద్ద తీవ్ర విషాదం చోటుచేసుకుంది. పాఠశాల బస్సు విద్యార్థులను దింపుతున్న సమయంలో, ఇంట్లోని తన అన్నయ్య మోక్షిత్ వస్తుండడం చూసిన మూడేళ్ల చిన్నారి రియాన్స్ ఆనందంతో అతని వద్దకు పరుగుతీసే ప్రయత్నం చేశాడు. ఈ క్రమంలో ప్రమాదవశాత్తు బస్సు టైరు కింద పడి ఆ చిన్నారి అక్కడికక్కడే ప్రాణాలు కోల్పోయాడు. ఈ ఘటన జరిగిన సమయంలో రియాన్స్ తల్లి పెద్ద కుమారుడిని తీసుకుని ఇంట్లోకి వెళ్ళగా, చిన్నారి రియాన్స్ అక్కడే ఉన్న విషయాన్ని బస్సు డ్రైవర్ గమనించలేదు. డ్రైవర్ వాహనాన్ని ముందుకు పోనివ్వడంతో ఈ దుర్ఘటన సంభవించింది. చేవర్తి లతశ్రీ–శ్రీనివాస్ దంపతులకు ఇద్దరు కుమారులు కాగా, పెద్ద కుమారుడు మోక్షిత్ స్థానిక పాఠశాలలో మొదటి తరగతి చదువుతున్నాడు. సమాచారం అందుకున్న పోలీసులు వెంటనే ఘటనాస్థలికి చేరుకుని కేసు నమోదు చేశారు. అనంతరం మృతదేహాన్ని భువనగిరి ప్రభుత్వాసుపత్రికి తరలించారు. చిన్నారి రియాన్స్ ఆకస్మిక మృతితో కుటుంబంలోనే కాకుండా, వడపర్తి గ్రామమంతా తీవ్ర విషాదంలో మునిగిపోయింది.