कोल्हापूर महानगरपालिकेच्या स्थायी समितीची बैठक गुरुवार, २९ मे २०२६ रोजी पार पडली. या बैठकीत शहरातील पाणीपुरवठा, नालेसफाई, रस्त्यांची दुरवस्था, सांडपाणी प्रश्न, पॅचवर्क, बेकायदा खुदाई आणि भूमिगत केबल टाकण्यासारख्या अनेक महत्त्वाच्या मुद्द्यांवर सविस्तर चर्चा झाली. विविध सदस्यांनी आपल्या प्रभागातील समस्या मांडत प्रशासनाला धारेवर धरले. बैठकीत बिद्री सबस्टेशन ते काळम्मावाडीपर्यंत भूमिगत केबल टाकण्यासाठी सुमारे १९ कोटी ३९ लाख रुपयांचा प्रस्ताव शासनाकडे निधीसाठी सादर करण्यास स्थायी समितीने मंजुरी दिली. याव्यतिरिक्त, विषय क्रमांक ७ आणि ८ ला किमान वेतन लागू करण्याबाबतही निर्णय घेण्यात आला. तसेच, यापुढे कोणत्याही कंपनीला शहरात खुदाई करण्यासाठी स्थायी समितीची परवानगी बंधनकारक करण्याचा महत्त्वाचा निर्णय घेण्यात आला. पावसाळ्याच्या पार्श्वभूमीवर शहरातील नाले आणि कॉलनी चॅनेलवर संरक्षक जाळ्या बसविण्याची मागणी सदस्यांनी केली, ज्यासाठी अंदाजपत्रक तयार करण्याचे आदेश देण्यात आले. सदस्यांच्या निधीतील कामे अद्याप सुरू न झाल्याबद्दल नाराजी व्यक्त करण्यात आली; यावर प्रशासनाने शासन अनुदानातील कामांना मंजुरी देण्यात येत असून महापालिकेच्या स्वनिधीतील कामे टप्प्याटप्प्याने सुरू करण्यात येणार असल्याचे स्पष्ट केले. दुधाळी येथील धुण्याच्या चावीचे पाणी सुरू करण्याच्या सदस्य इंद्रजित बोंद्रे यांच्या प्रश्नावर, राजघाट परिसरातील जुना व्हॉल तांत्रिक कारणांमुळे सुरू करण्यात अडचणी येत असल्याचे प्रशासनाने सांगितले. व्हॉल तुटल्यास पाणीपुरवठा विस्कळीत होण्याची शक्यता असल्याने कामाला वेळ लागणार असल्याचे स्पष्ट करण्यात आले. पंचगंगा हॉस्पिटलमधील दुरवस्था आणि बंद पडलेल्या सोनोग्राफी मशीनचा मुद्दा सदस्य प्रतापसिंह जाधव यांनी उपस्थित केला. प्रशासनाने डॉक्टरांच्या कमतरतेमुळे प्रसूतीचे प्रमाण कमी असल्याने शासनाच्या योजनेंतर्गत प्रस्ताव सादर करण्यात अडचणी येत असल्याचे सांगितले, तसेच सोनोग्राफी मशीन चालवण्यासाठी डॉक्टर उपलब्ध नसल्याने पुन्हा जाहिरात काढण्यात येणार असल्याचे स्पष्ट केले. श्याम सोसायटी परिसरातील सांडपाणी थेट रंकाळा तलावात मिसळत असल्याचा गंभीर मुद्दा सदस्य पूर्वा राणे यांनी मांडला, ज्यात प्रदूषण नियंत्रण मंडळानेही नोटीस दिल्याची माहिती दिली. यावर प्रशासनाने अमृत योजनेअंतर्गत कामे सुरू असल्याचे सांगत, त्या भागासाठी १ एमएलडी क्षमतेचा प्लांट डीपीडीसीकडे प्रस्तावित करण्यात येणार असल्याचे सांगितले. बापट कॅम्पमधील अपुरा पाणीपुरवठा आणि ११ मारुती मंदिर परिसरातील झाडांच्या फांद्यांचा प्रश्न सदस्य राजनंदा महाडीक यांनी उपस्थित केला. पाणीपुरवठ्यासाठी निधीची आवश्यकता असल्याचे सांगत प्रशासनाने संबंधित अंदाजपत्रक तयार केल्याचे सांगितले, तर झाडांच्या फांद्या छाटण्यासाठी वृक्षप्राधिकरणाची मंजुरी घेतली जात असल्याचेही स्पष्ट करण्यात आले. सदस्य अमर समर्थ यांनी पावसाळा तोंडावर असतानाही शहरातील पॅचवर्कची कामे संथगतीने सुरू असल्याबद्दल नाराजी व्यक्त केली; प्रशासनाने पाणी साठणाऱ्या भागांना प्राधान्य देऊन पॅचवर्क करण्यात येणार असल्याचे सांगितले. जिवबा नाना पार्क, नवीन वाशी नाका आणि मोरे मानेनगर परिसरातील रस्ते व ड्रेनेज प्रश्नावर सदस्य नेहा तेंडुलकर यांनी आवाज उठवला. प्रशासनाने संबंधित ठिकाणी पॅचवर्क सुरू असून प्रलंबित ड्रेनेज काम दोन दिवसांत पूर्ण करण्याचे आश्वासन दिले. सम्राटनगरमधील १२ मीटर रस्त्यावर अतिक्रमणासंदर्भात तसेच तोरणानगर येथे बांधकामासाठी पाणी चोरी केल्याचा आरोप सदस्य अभिजीत मोकाशी यांनी केला, यात पाणीपुरवठा विभागातील कर्मचाऱ्यांवरही गंभीर आरोप करण्यात आले. यावर संबंधित कर्मचाऱ्यांवर आणि बांधकामधारकावर कारवाई करण्यात येणार असल्याचे प्रशासनाने स्पष्ट केले. दुधाळी परिसरातील गेल्या दोन वर्षांपासून न उचललेला गाळ, अपूर्ण नालेसफाई आणि अधिकाऱ्यांचा प्रतिसाद नसल्याचा मुद्दा अनेक सदस्यांनी उपस्थित केला. यावर सभापतींनी सोमवारी विशेष आढावा बैठक घेण्याचे निर्देश दिले, तर प्रशासनाने शहरातील नालेसफाई युद्धपातळीवर सुरू असल्याचा दावा केला. सर्किट हाऊस ते रिटोनिया अपार्टमेंट परिसरातील पाणीपुरवठा समस्येबाबत सदस्य अर्चना पागर यांनी तीव्र नाराजी व्यक्त केली, दोन महिन्यांपासून नागरिकांना रोषाला सामोरे जावे लागत असल्याचे त्यांनी सांगितले. प्रशासनाने संबंधित ठिकाणी रेड्यूसर सापडला असून दोन दिवसांत काम पूर्ण करण्याचे सांगितले. ठेकेदारांकडून कामानंतर रस्ते, गटारे आणि ड्रेनेज चेंबर व्यवस्थित न बसवल्याने अपघाताची शक्यता निर्माण होत असल्याचा मुद्दा सदस्य आदिल फरास यांनी मांडला, ज्यावर चारही विभागीय कार्यालयांकडून तपासणी करण्याचे आदेश देण्यात आले. सदस्यांनी रोडोमीटर कमी दाखवून प्रशासनाची दिशाभूल होत असल्याचा आरोपही केला.

Journalist Ajay

करवीर, कोल्हापूर, महाराष्ट्र•

22 hrs ago

कोल्हापूर महानगरपालिकेच्या स्थायी समितीची बैठक गुरुवार, २९ मे २०२६ रोजी पार पडली. या बैठकीत शहरातील पाणीपुरवठा, नालेसफाई, रस्त्यांची दुरवस्था, सांडपाणी प्रश्न, पॅचवर्क, बेकायदा खुदाई आणि भूमिगत केबल टाकण्यासारख्या अनेक महत्त्वाच्या मुद्द्यांवर सविस्तर चर्चा झाली. विविध सदस्यांनी आपल्या प्रभागातील समस्या मांडत प्रशासनाला धारेवर धरले. बैठकीत बिद्री सबस्टेशन ते काळम्मावाडीपर्यंत भूमिगत केबल टाकण्यासाठी सुमारे १९ कोटी ३९ लाख रुपयांचा प्रस्ताव शासनाकडे निधीसाठी सादर करण्यास स्थायी समितीने मंजुरी दिली. याव्यतिरिक्त, विषय क्रमांक ७ आणि ८ ला किमान वेतन लागू करण्याबाबतही निर्णय घेण्यात आला. तसेच, यापुढे कोणत्याही कंपनीला शहरात खुदाई करण्यासाठी स्थायी समितीची परवानगी बंधनकारक करण्याचा महत्त्वाचा निर्णय घेण्यात आला. पावसाळ्याच्या पार्श्वभूमीवर शहरातील नाले आणि कॉलनी चॅनेलवर संरक्षक जाळ्या बसविण्याची मागणी सदस्यांनी केली, ज्यासाठी अंदाजपत्रक तयार करण्याचे आदेश देण्यात आले. सदस्यांच्या निधीतील कामे अद्याप सुरू न झाल्याबद्दल नाराजी व्यक्त करण्यात आली; यावर प्रशासनाने शासन अनुदानातील कामांना मंजुरी देण्यात येत असून महापालिकेच्या स्वनिधीतील कामे टप्प्याटप्प्याने सुरू करण्यात येणार असल्याचे स्पष्ट केले. दुधाळी येथील धुण्याच्या चावीचे पाणी सुरू करण्याच्या सदस्य इंद्रजित बोंद्रे यांच्या प्रश्नावर, राजघाट परिसरातील जुना व्हॉल तांत्रिक कारणांमुळे सुरू करण्यात अडचणी येत असल्याचे प्रशासनाने सांगितले. व्हॉल तुटल्यास पाणीपुरवठा विस्कळीत होण्याची शक्यता असल्याने कामाला वेळ लागणार असल्याचे स्पष्ट करण्यात आले. पंचगंगा हॉस्पिटलमधील दुरवस्था आणि बंद पडलेल्या सोनोग्राफी मशीनचा मुद्दा सदस्य प्रतापसिंह जाधव यांनी उपस्थित केला. प्रशासनाने डॉक्टरांच्या कमतरतेमुळे प्रसूतीचे प्रमाण कमी असल्याने शासनाच्या योजनेंतर्गत प्रस्ताव सादर करण्यात अडचणी येत असल्याचे सांगितले, तसेच सोनोग्राफी मशीन चालवण्यासाठी डॉक्टर उपलब्ध नसल्याने पुन्हा जाहिरात काढण्यात येणार असल्याचे स्पष्ट केले. श्याम सोसायटी परिसरातील सांडपाणी थेट रंकाळा तलावात मिसळत असल्याचा गंभीर मुद्दा सदस्य पूर्वा राणे यांनी मांडला, ज्यात प्रदूषण नियंत्रण मंडळानेही नोटीस दिल्याची माहिती दिली. यावर प्रशासनाने अमृत योजनेअंतर्गत कामे सुरू असल्याचे सांगत, त्या भागासाठी १ एमएलडी क्षमतेचा प्लांट डीपीडीसीकडे प्रस्तावित करण्यात येणार असल्याचे सांगितले. बापट कॅम्पमधील अपुरा पाणीपुरवठा आणि ११ मारुती मंदिर परिसरातील झाडांच्या फांद्यांचा प्रश्न सदस्य राजनंदा महाडीक यांनी उपस्थित केला. पाणीपुरवठ्यासाठी निधीची आवश्यकता असल्याचे सांगत प्रशासनाने संबंधित अंदाजपत्रक तयार केल्याचे सांगितले, तर झाडांच्या फांद्या छाटण्यासाठी वृक्षप्राधिकरणाची मंजुरी घेतली जात असल्याचेही स्पष्ट करण्यात आले. सदस्य अमर समर्थ यांनी पावसाळा तोंडावर असतानाही शहरातील पॅचवर्कची कामे संथगतीने सुरू असल्याबद्दल नाराजी व्यक्त केली; प्रशासनाने पाणी साठणाऱ्या भागांना प्राधान्य देऊन पॅचवर्क करण्यात येणार असल्याचे सांगितले. जिवबा नाना पार्क, नवीन वाशी नाका आणि मोरे मानेनगर परिसरातील रस्ते व ड्रेनेज प्रश्नावर सदस्य नेहा तेंडुलकर यांनी आवाज उठवला. प्रशासनाने संबंधित ठिकाणी पॅचवर्क सुरू असून प्रलंबित ड्रेनेज काम दोन दिवसांत पूर्ण करण्याचे आश्वासन दिले. सम्राटनगरमधील १२ मीटर रस्त्यावर अतिक्रमणासंदर्भात तसेच तोरणानगर येथे बांधकामासाठी पाणी चोरी केल्याचा आरोप सदस्य अभिजीत मोकाशी यांनी केला, यात पाणीपुरवठा विभागातील कर्मचाऱ्यांवरही गंभीर आरोप करण्यात आले. यावर संबंधित कर्मचाऱ्यांवर आणि बांधकामधारकावर कारवाई करण्यात येणार असल्याचे प्रशासनाने स्पष्ट केले. दुधाळी परिसरातील गेल्या दोन वर्षांपासून न उचललेला गाळ, अपूर्ण नालेसफाई आणि अधिकाऱ्यांचा प्रतिसाद नसल्याचा मुद्दा अनेक सदस्यांनी उपस्थित केला. यावर सभापतींनी सोमवारी विशेष आढावा बैठक घेण्याचे निर्देश दिले, तर प्रशासनाने शहरातील नालेसफाई युद्धपातळीवर सुरू असल्याचा दावा केला. सर्किट हाऊस ते रिटोनिया अपार्टमेंट परिसरातील पाणीपुरवठा समस्येबाबत सदस्य अर्चना पागर यांनी तीव्र नाराजी व्यक्त केली, दोन महिन्यांपासून नागरिकांना रोषाला सामोरे जावे लागत असल्याचे त्यांनी सांगितले. प्रशासनाने संबंधित ठिकाणी रेड्यूसर सापडला असून दोन दिवसांत काम पूर्ण करण्याचे सांगितले. ठेकेदारांकडून कामानंतर रस्ते, गटारे आणि ड्रेनेज चेंबर व्यवस्थित न बसवल्याने अपघाताची शक्यता निर्माण होत असल्याचा मुद्दा सदस्य आदिल फरास यांनी मांडला, ज्यावर चारही विभागीय कार्यालयांकडून तपासणी करण्याचे आदेश देण्यात आले. सदस्यांनी रोडोमीटर कमी दाखवून प्रशासनाची दिशाभूल होत असल्याचा आरोपही केला.