अजिंठा घाट वाहतूक कोंडीवर तोडगा काढा; पोलीस अधीक्षकांकडे निवेदन अजिंठा घाट वाहतूक कोंडीवर तोडगा काढा; पोलीस अधीक्षकांकडे निवेदन छत्रपती संभाजीनगर (प्रतिनिधी) : अजिंठा घाटात वारंवार निर्माण होणाऱ्या वाहतूक कोंडीमुळे पर्यटक व स्थानिक नागरिकांना मोठा त्रास सहन करावा लागत आहे. या समस्येवर तातडीने उपाययोजना कराव्यात, अशी मागणी संभाजीनगर ग्रामीणचे पोलीस अधीक्षक विनयकुमार राठोड यांच्याकडे करण्यात आली. अजिंठा घाट हा राज्यातील तसेच विदेशी पर्यटकांसाठी महत्त्वाचा मार्ग असून, घाट वारंवार बंद पडत असल्यामुळे पर्यटनावर नकारात्मक परिणाम होत आहे. परिणामी फर्दापूर परिसरातील स्थानिकांच्या रोजगारावरही मोठा परिणाम होत असल्याचे शिष्टमंडळाने निदर्शनास आणून दिले. यावेळी करण्यात आलेल्या प्रमुख मागण्या पुढीलप्रमाणे आहेत — अजिंठा व फर्दापूर पोलीस ठाण्यांमध्ये घाट क्षेत्राचे विभाजन करून जबाबदारी निश्चित करणे, घाट परिसरात सीसीटीव्ही कॅमेरे बसवून दोन्ही पोलीस ठाण्यांना त्याचा थेट अ‍ॅक्सेस देणे, ज्या संवेदनशील वळणांवर वारंवार कोंडी होते त्या ठिकाणी २४ तास पोलीस व होमगार्ड नियुक्त करणे, तसेच ओव्हरलोड वाहनांची काटेकोर तपासणी करून नियमभंग करणाऱ्यांवर कठोर कारवाई करणे. तसेच घाटात बंद पडणाऱ्या वाहनांची सखोल तपासणी करून, ओव्हरलोड आढळल्यास संबंधितांवर कारवाई करावी, अशीही मागणी करण्यात आली. पोलीस अधीक्षक विनयकुमार राठोड यांनी या मागण्यांवर सकारात्मक भूमिका घेत लवकरच प्रत्यक्ष पाहणी करून आवश्यक उपाययोजना राबविण्याचे आश्वासन दिले. सीसीटीव्ही बसविणे, कर्मचारी नियुक्ती आणि ओव्हरलोड वाहनांवर कारवाई यासाठी तातडीने पावले उचलण्यात येतील, असे त्यांनी स्पष्ट केले. या शिष्टमंडळामध्ये भाजप अल्पसंख्यांक मोर्चाचे प्रदेशाध्यक्ष इद्रिस मुलतानी, पंचायत समितीचे सभापती उत्तम चव्हाण, सदस्य राहुल राठोड, योगेश शिंदे, कृष्णा सिरसाठ, संजय चव्हाण, योगेश महाकाळ, अशोक भिडे तसेच भाजपचे सिल्लोड सरचिटणीस शुभम अन्वीकर उपस्थित होते

RahimKhan Pathan

Voice of people सोयगाव, औरंगाबाद, महाराष्ट्र•

2 hrs ago

अजिंठा घाट वाहतूक कोंडीवर तोडगा काढा; पोलीस अधीक्षकांकडे निवेदन अजिंठा घाट वाहतूक कोंडीवर तोडगा काढा; पोलीस अधीक्षकांकडे निवेदन छत्रपती संभाजीनगर (प्रतिनिधी) : अजिंठा घाटात वारंवार निर्माण होणाऱ्या वाहतूक कोंडीमुळे पर्यटक व स्थानिक नागरिकांना मोठा त्रास सहन करावा लागत आहे. या समस्येवर तातडीने उपाययोजना कराव्यात, अशी मागणी संभाजीनगर ग्रामीणचे पोलीस अधीक्षक विनयकुमार राठोड यांच्याकडे करण्यात आली. अजिंठा घाट हा राज्यातील तसेच विदेशी पर्यटकांसाठी महत्त्वाचा मार्ग असून, घाट वारंवार बंद पडत असल्यामुळे पर्यटनावर नकारात्मक परिणाम होत आहे. परिणामी फर्दापूर परिसरातील स्थानिकांच्या रोजगारावरही मोठा परिणाम होत असल्याचे शिष्टमंडळाने निदर्शनास आणून दिले. यावेळी करण्यात आलेल्या प्रमुख मागण्या पुढीलप्रमाणे आहेत — अजिंठा व फर्दापूर पोलीस ठाण्यांमध्ये घाट क्षेत्राचे विभाजन करून जबाबदारी निश्चित करणे, घाट परिसरात सीसीटीव्ही कॅमेरे बसवून दोन्ही पोलीस ठाण्यांना त्याचा थेट अ‍ॅक्सेस देणे, ज्या संवेदनशील वळणांवर वारंवार कोंडी होते त्या ठिकाणी २४ तास पोलीस व होमगार्ड नियुक्त करणे, तसेच ओव्हरलोड वाहनांची काटेकोर तपासणी करून नियमभंग करणाऱ्यांवर कठोर कारवाई करणे. तसेच घाटात बंद पडणाऱ्या वाहनांची सखोल तपासणी करून, ओव्हरलोड आढळल्यास संबंधितांवर कारवाई करावी, अशीही मागणी करण्यात आली. पोलीस अधीक्षक विनयकुमार राठोड यांनी या मागण्यांवर सकारात्मक भूमिका घेत लवकरच प्रत्यक्ष पाहणी करून आवश्यक उपाययोजना राबविण्याचे आश्वासन दिले. सीसीटीव्ही बसविणे, कर्मचारी नियुक्ती आणि ओव्हरलोड वाहनांवर कारवाई यासाठी तातडीने पावले उचलण्यात येतील, असे त्यांनी स्पष्ट केले. या शिष्टमंडळामध्ये भाजप अल्पसंख्यांक मोर्चाचे प्रदेशाध्यक्ष इद्रिस मुलतानी, पंचायत समितीचे सभापती उत्तम चव्हाण, सदस्य राहुल राठोड, योगेश शिंदे, कृष्णा सिरसाठ, संजय चव्हाण, योगेश महाकाळ, अशोक भिडे तसेच भाजपचे सिल्लोड सरचिटणीस शुभम अन्वीकर उपस्थित होते