సారపాక ప్రాథమిక పాఠశాలకు టీచర్ల కొరత విద్యార్థులకు చదువు భారం! ఎంఈఓ, డీవీవో, స్పందించాలంటున్న సర్పంచ్* 287 మంది విద్యార్థులు.. 15 మంది టీచర్లు! సారపాక పాఠశాలలో ఉపాధ్యాయుల కొరతపై సర్పంచ్ ఆవేదన వ్యక్తం చేశారు *ఎంఈఓ, డీవీఓలు స్పందించరా? విద్యార్థుల భవిష్యత్తుపై నిర్లక్ష్యం ఎందుకంటూ ప్రశ్న* సారపాక మేజర్ గ్రామపంచాయతీ పరిధిలోని మసీద్ రోడ్ ప్రాథమిక పాఠశాలలో నెలకొన్న ఉపాధ్యాయుల కొరతపై గ్రామపంచాయతీ సర్పంచ్ గుగులోత్ కిషోర్ శివరాం నాయక్ తీవ్ర అసంతృప్తి వ్యక్తం చేశారు. పాఠశాలలో వందలాది మంది విద్యార్థులు చదువుతున్నప్పటికీ, సరిపడా ఉపాధ్యాయులు లేకపోవడంతో విద్యార్థుల విద్యాభ్యాసానికి ఇబ్బందులు ఎదురవుతున్నాయని ఆవేదన వ్యక్తం చేశారు. పాఠశాలలో 287 మంది విద్యార్థులు విద్యనభ్యసిస్తుండగా, గతంలో 20 మంది ఉపాధ్యాయులు విధులు నిర్వహించేవారని సర్పంచ్ తెలిపారు. ఇద్దరు ఉపాధ్యాయులు పదవీ విరమణ చేయడంతో పాటు మరో ముగ్గురిని ఇతర పాఠశాలలకు మార్చడంతో ప్రస్తుతం 15 మంది ఉపాధ్యాయులు మాత్రమే ఉన్నారని పేర్కొన్నారు. వసతులు కల్పించాం.. టీచర్లు మాత్రం కరువయ్యారు! పాఠశాలలో విద్యార్థులకు అవసరమైన డిజిటల్ క్లాస్‌రూమ్‌లతో పాటు అనేక మౌలిక వసతులను పంచాయతీ తరఫున కల్పించినట్లు సర్పంచ్ తెలిపారు. తాను సర్పంచ్‌గా బాధ్యతలు చేపట్టినప్పటి నుంచి పాఠశాల అభివృద్ధికి రూ.64 లక్షలు, అదనంగా పంచాయతీ తరఫున రూ.12 లక్షల కాంట్రిబ్యూషన్ అందించినట్లు వివరించారు. విద్యార్థుల సాంస్కృతిక కార్యక్రమాల కోసం ప్రత్యేక స్టేజీ ఏర్పాటు చేయడంతో పాటు క్రీడలకు అవసరమైన వసతులు కల్పించామని చెప్పారు. విద్యార్థులు క్రీడల్లో ముందంజలో ఉన్నప్పటికీ వారిని ప్రోత్సహించే ఉపాధ్యాయుల కొరత ఉండటం ఆందోళన కలిగిస్తోందన్నారు. ఎంఈఓ, డీవీఓలు తక్షణమే స్పందించాలి ఉపాధ్యాయుల కొరత విషయాన్ని ఇప్పటికే బూర్గంపాడు మండల విద్యాశాఖ అధికారుల (ఎంఈఓ) దృష్టికి, జిల్లా విద్యాశాఖ అధికారుల (డీవీఓ) దృష్టికి తీసుకువెళ్లడంతో జిల్లా కలెక్టర్ కు వినతి పత్రం అందించినట్లు సర్పంచ్ తెలియజేశారు. అయినప్పటికీ ఇప్పటివరకు కూడా సమస్య పరిష్కారం కాకపోవడంతో సర్పంచ్ అసంతృప్తి వ్యక్తం చేశారు. విద్యార్థుల భవిష్యత్తుతో ముడిపడిన అంశంపై ఎంఈవో, డివిఓ, సారపాక లో ఉన్న ప్రాథమిక పాఠశాల పై ప్రత్యేక దృష్టి సారించి పాఠశాలలో ఉన్న ఉపాధ్యాయుల కొరతను తక్షణమే పరిష్కరించాలని సర్పంచ్ కిషోర్ శివరాం నాయక్ అన్నారు. పాఠశాలలో అన్ని వసతులు కల్పిస్తున్నాం కానీ విద్యా బోధన అందించే ఉపాధ్యాయులు లేకపోతే ఆ వసతుల ప్రయోజనం విద్యార్థులకు ఎలా అందుతుంది? అని సర్పంచ్ కిషోర్ శివరాం నాయక్ ప్రశ్నించారు. కొంతమంది పర్సనల్ రాజకీయ ఒత్తిళ్ల కారణంగా విద్యార్థులకు అన్యాయం జరుగుతుందా అనే అనుమానాలు కూడా వ్యక్తం అవుతున్నాయి సర్పంచ్ పేర్కొన్నారు. దీనిపై సంబంధిత అధికారులు వాస్తవ పరిస్థితులను పరిశీలించి విద్యార్థుల ప్రయోజనాలను దృష్టిలో ఉంచుకొని తక్షణమే నిర్ణయం తీసుకోవాలని కోరారు. సారపాక మేజర్ గ్రామపంచాయతీ ప్రాథమిక పాఠశాలలో తక్షణమే అర్హత కలిగిన ఉపాధ్యాయులను నియమించాలి ఎంఈఓ, డివిఓ, తోపాటు జిల్లా ఉన్నత విద్యాశాఖ అధికారులను కోరిన సర్పంచ్ సమస్య పరిష్కారం కాకపోతే మరోసారి జిల్లా కలెక్టర్ ను కలిసి పాఠశాలలోని లోటుపాట్లను వివరించాల్సి వస్తుందని కిషోర్ శివరాం నాయక్ స్పష్టం చేశారు. విద్యార్థులకు అందిస్తున్న మధ్యాహ్న భోజన నాణ్యతను పరిశీలించేటందుకు వారంలో రెండు సార్లు పాఠశాలను సందర్శిస్తున్నట్టు సర్పంచ్ తెలియజేశారు. విద్యార్థులకు మెరుగైన విద్య, నాణ్యమైన భోజనం, అవసరమైన అన్ని సౌకర్యాలు అందేలా పంచాయతీ తరపున మా వంతు సహకారం అందిస్తూనే ఉంటామంటూ తెలియజేశారు.

Ramprasad Pothuganti

Local News Reporter బుర్గుంపహాడ్, భద్రాద్రి కొత్తగూడెం, తెలంగాణ•

1 hr ago

సారపాక ప్రాథమిక పాఠశాలకు టీచర్ల కొరత విద్యార్థులకు చదువు భారం! ఎంఈఓ, డీవీవో, స్పందించాలంటున్న సర్పంచ్* 287 మంది విద్యార్థులు.. 15 మంది టీచర్లు! సారపాక పాఠశాలలో ఉపాధ్యాయుల కొరతపై సర్పంచ్ ఆవేదన వ్యక్తం చేశారు *ఎంఈఓ, డీవీఓలు స్పందించరా? విద్యార్థుల భవిష్యత్తుపై నిర్లక్ష్యం ఎందుకంటూ ప్రశ్న* సారపాక మేజర్ గ్రామపంచాయతీ పరిధిలోని మసీద్ రోడ్ ప్రాథమిక పాఠశాలలో నెలకొన్న ఉపాధ్యాయుల కొరతపై గ్రామపంచాయతీ సర్పంచ్ గుగులోత్ కిషోర్ శివరాం నాయక్ తీవ్ర అసంతృప్తి వ్యక్తం చేశారు. పాఠశాలలో వందలాది మంది విద్యార్థులు చదువుతున్నప్పటికీ, సరిపడా ఉపాధ్యాయులు లేకపోవడంతో విద్యార్థుల విద్యాభ్యాసానికి ఇబ్బందులు ఎదురవుతున్నాయని ఆవేదన వ్యక్తం చేశారు. పాఠశాలలో 287 మంది విద్యార్థులు విద్యనభ్యసిస్తుండగా, గతంలో 20 మంది ఉపాధ్యాయులు విధులు నిర్వహించేవారని సర్పంచ్ తెలిపారు. ఇద్దరు ఉపాధ్యాయులు పదవీ విరమణ చేయడంతో పాటు మరో ముగ్గురిని ఇతర పాఠశాలలకు మార్చడంతో ప్రస్తుతం 15 మంది ఉపాధ్యాయులు మాత్రమే ఉన్నారని పేర్కొన్నారు. వసతులు కల్పించాం.. టీచర్లు మాత్రం కరువయ్యారు! పాఠశాలలో విద్యార్థులకు అవసరమైన డిజిటల్ క్లాస్‌రూమ్‌లతో పాటు అనేక మౌలిక వసతులను పంచాయతీ తరఫున కల్పించినట్లు సర్పంచ్ తెలిపారు. తాను సర్పంచ్‌గా బాధ్యతలు చేపట్టినప్పటి నుంచి పాఠశాల అభివృద్ధికి రూ.64 లక్షలు, అదనంగా పంచాయతీ తరఫున రూ.12 లక్షల కాంట్రిబ్యూషన్ అందించినట్లు వివరించారు. విద్యార్థుల సాంస్కృతిక కార్యక్రమాల కోసం ప్రత్యేక స్టేజీ ఏర్పాటు చేయడంతో పాటు క్రీడలకు అవసరమైన వసతులు కల్పించామని చెప్పారు. విద్యార్థులు క్రీడల్లో ముందంజలో ఉన్నప్పటికీ వారిని ప్రోత్సహించే ఉపాధ్యాయుల కొరత ఉండటం ఆందోళన కలిగిస్తోందన్నారు. ఎంఈఓ, డీవీఓలు తక్షణమే స్పందించాలి ఉపాధ్యాయుల కొరత విషయాన్ని ఇప్పటికే బూర్గంపాడు మండల విద్యాశాఖ అధికారుల (ఎంఈఓ) దృష్టికి, జిల్లా విద్యాశాఖ అధికారుల (డీవీఓ) దృష్టికి తీసుకువెళ్లడంతో జిల్లా కలెక్టర్ కు వినతి పత్రం అందించినట్లు సర్పంచ్ తెలియజేశారు. అయినప్పటికీ ఇప్పటివరకు కూడా సమస్య పరిష్కారం కాకపోవడంతో సర్పంచ్ అసంతృప్తి వ్యక్తం చేశారు. విద్యార్థుల భవిష్యత్తుతో ముడిపడిన అంశంపై ఎంఈవో, డివిఓ, సారపాక లో ఉన్న ప్రాథమిక పాఠశాల పై ప్రత్యేక దృష్టి సారించి పాఠశాలలో ఉన్న ఉపాధ్యాయుల కొరతను తక్షణమే పరిష్కరించాలని సర్పంచ్ కిషోర్ శివరాం నాయక్ అన్నారు. పాఠశాలలో అన్ని వసతులు కల్పిస్తున్నాం కానీ విద్యా బోధన అందించే ఉపాధ్యాయులు లేకపోతే ఆ వసతుల ప్రయోజనం విద్యార్థులకు ఎలా అందుతుంది? అని సర్పంచ్ కిషోర్ శివరాం నాయక్ ప్రశ్నించారు. కొంతమంది పర్సనల్ రాజకీయ ఒత్తిళ్ల కారణంగా విద్యార్థులకు అన్యాయం జరుగుతుందా అనే అనుమానాలు కూడా వ్యక్తం అవుతున్నాయి సర్పంచ్ పేర్కొన్నారు. దీనిపై సంబంధిత అధికారులు వాస్తవ పరిస్థితులను పరిశీలించి విద్యార్థుల ప్రయోజనాలను దృష్టిలో ఉంచుకొని తక్షణమే నిర్ణయం తీసుకోవాలని కోరారు. సారపాక మేజర్ గ్రామపంచాయతీ ప్రాథమిక పాఠశాలలో తక్షణమే అర్హత కలిగిన ఉపాధ్యాయులను నియమించాలి ఎంఈఓ, డివిఓ, తోపాటు జిల్లా ఉన్నత విద్యాశాఖ అధికారులను కోరిన సర్పంచ్ సమస్య పరిష్కారం కాకపోతే మరోసారి జిల్లా కలెక్టర్ ను కలిసి పాఠశాలలోని లోటుపాట్లను వివరించాల్సి వస్తుందని కిషోర్ శివరాం నాయక్ స్పష్టం చేశారు. విద్యార్థులకు అందిస్తున్న మధ్యాహ్న భోజన నాణ్యతను పరిశీలించేటందుకు వారంలో రెండు సార్లు పాఠశాలను సందర్శిస్తున్నట్టు సర్పంచ్ తెలియజేశారు. విద్యార్థులకు మెరుగైన విద్య, నాణ్యమైన భోజనం, అవసరమైన అన్ని సౌకర్యాలు అందేలా పంచాయతీ తరపున మా వంతు సహకారం అందిస్తూనే ఉంటామంటూ తెలియజేశారు.