म्हसावद येथील वीज उपकेंद्रातून होणाऱ्या सततच्या लोडशेडिंगमुळे संतप्त झालेल्या परिसरातील शेकडो शेतकऱ्यांनी बुधवारी रात्री साडेआठ वाजेच्या सुमारास वीज उपकेंद्रावर धडक दिली. यावेळी शेतकऱ्यांनी अधिकाऱ्यांना जाब विचारला. म्हसावद परिसरातील शेतकऱ्यांनी केळी, पपई, ऊस, मिरची, हळद आदी पिकांची मोठ्या प्रमाणावर लागवड केली आहे. मात्र, वारंवार वीजपुरवठा खंडित होत असल्याने पिकांना वेळेवर पाणी मिळत नाही आणि त्यामुळे पिके अक्षरशः जळू लागली आहेत, ज्यामुळे शेतकऱ्यांमध्ये तीव्र नाराजी आहे. लोडशेडिंग कमी करून शेतीसाठी सुरळीत वीजपुरवठा करावा, या प्रमुख मागणीसाठी म्हसावद परिसरातील विविध गावांतील शेतकरी मोठ्या संख्येने वीज उपकेंद्रावर दाखल झाले होते. अधिकारी आणि शेतकरी यांच्यात चर्चा सुरू असतानाच पुन्हा लोडशेडिंगचा संदेश आल्याचे कळताच शेतकऱ्यांचा संताप अनावर झाला. संतप्त शेतकऱ्यांनी “आम्ही वीज बंद करू देणार नाही, आमच्या नुकसानीची दाद कोण देणार?” असा आक्रमक सवाल उपस्थित केला. यादरम्यान, वीज कंपनीचे सहायक अभियंता विजय गहाणे यांनी शेतकऱ्यांना आश्वासन दिले. लोडशेडिंगच्या काळात खंडित झालेला वीजपुरवठा अतिरिक्त वेळ देऊन भरून काढण्यात येईल, तसेच शेतीसाठी सुरळीत वीजपुरवठा करण्यासाठी सर्वतोपरी प्रयत्न केले जातील, असे त्यांनी स्पष्ट केले. अधिकाऱ्यांच्या या आश्वासनानंतर शेतकऱ्यांनी आपले आंदोलन तात्पुरते स्थगित केले. मात्र, येत्या दोन दिवसांत वीजपुरवठा सुरळीत न झाल्यास तीव्र आंदोलन छेडण्याचा इशारा शेतकऱ्यांनी दिला आहे.

सुमन नागनाथ अलमलकर

Local News Reporter शिरूर-अनंतपाळ, लातूर, महाराष्ट्र•

1 day ago

म्हसावद येथील वीज उपकेंद्रातून होणाऱ्या सततच्या लोडशेडिंगमुळे संतप्त झालेल्या परिसरातील शेकडो शेतकऱ्यांनी बुधवारी रात्री साडेआठ वाजेच्या सुमारास वीज उपकेंद्रावर धडक दिली. यावेळी शेतकऱ्यांनी अधिकाऱ्यांना जाब विचारला. म्हसावद परिसरातील शेतकऱ्यांनी केळी, पपई, ऊस, मिरची, हळद आदी पिकांची मोठ्या प्रमाणावर लागवड केली आहे. मात्र, वारंवार वीजपुरवठा खंडित होत असल्याने पिकांना वेळेवर पाणी मिळत नाही आणि त्यामुळे पिके अक्षरशः जळू लागली आहेत, ज्यामुळे शेतकऱ्यांमध्ये तीव्र नाराजी आहे. लोडशेडिंग कमी करून शेतीसाठी सुरळीत वीजपुरवठा करावा, या प्रमुख मागणीसाठी म्हसावद परिसरातील विविध गावांतील शेतकरी मोठ्या संख्येने वीज उपकेंद्रावर दाखल झाले होते. अधिकारी आणि शेतकरी यांच्यात चर्चा सुरू असतानाच पुन्हा लोडशेडिंगचा संदेश आल्याचे कळताच शेतकऱ्यांचा संताप अनावर झाला. संतप्त शेतकऱ्यांनी “आम्ही वीज बंद करू देणार नाही, आमच्या नुकसानीची दाद कोण देणार?” असा आक्रमक सवाल उपस्थित केला. यादरम्यान, वीज कंपनीचे सहायक अभियंता विजय गहाणे यांनी शेतकऱ्यांना आश्वासन दिले. लोडशेडिंगच्या काळात खंडित झालेला वीजपुरवठा अतिरिक्त वेळ देऊन भरून काढण्यात येईल, तसेच शेतीसाठी सुरळीत वीजपुरवठा करण्यासाठी सर्वतोपरी प्रयत्न केले जातील, असे त्यांनी स्पष्ट केले. अधिकाऱ्यांच्या या आश्वासनानंतर शेतकऱ्यांनी आपले आंदोलन तात्पुरते स्थगित केले. मात्र, येत्या दोन दिवसांत वीजपुरवठा सुरळीत न झाल्यास तीव्र आंदोलन छेडण्याचा इशारा शेतकऱ्यांनी दिला आहे.