दक्षिण गडचिरोलीतील अहेरी उपजिल्हा रुग्णालयातील अनेक महत्त्वाची वैद्यकीय आणि प्रशासकीय पदे रिक्त असल्याने संपूर्ण आरोग्य यंत्रणा अपुऱ्या मनुष्यबळावर चालविण्याची वेळ आली आहे. अहेरी, सिरोंचा, एटापल्ली, भामरागड आणि मुलचेरा या पाच तालुक्यांतील नागरिकांसाठी ५० खाटांचे हे रुग्णालय आरोग्यसेवेचा प्रमुख आधार आहे. येथे दररोज शेकडो रुग्ण उपचारासाठी येत असतानाही कर्मचाऱ्यांच्या कमतरतेमुळे डॉक्टर व कर्मचाऱ्यांवर प्रचंड ताण पडत असून पाच तालुक्यांची आरोग्यसेवा अक्षरशः ऑक्सिजनवर आली आहे. रुग्णालयातील ११ पैकी ६ वैद्यकीय अधिकाऱ्यांची पदे रिक्त असून वैद्यकीय अधीक्षकाचे मुख्य पदही नुकतेच रिक्त झाले आहे. याशिवाय स्त्रीरोग व प्रसूती तज्ज्ञ, बालरोग तज्ज्ञ, भूलतज्ज्ञ, आरोग्य पथकातील वैद्यकीय अधिकारी आणि दंत चिकित्सक यांसारखी महत्त्वाची पदे भरलेली नाहीत. त्यामुळे दुर्गम भागातील रुग्णांना उपचारासाठी गडचिरोली किंवा चंद्रपूरकडे धाव घ्यावी लागत आहे. केवळ डॉक्टरच नव्हे, तर तृतीय श्रेणी कर्मचाऱ्यांच्या ३० पदांपैकी ९ पदे रिक्त आहेत. यात बाह्यरुग्ण लिपिक, साहाय्यक अधिसेविका, अधिपरिचारिका, औषधनिर्माता, प्रयोगशाळा तंत्रज्ञ आणि वाहन चालक यांसारख्या महत्त्वाच्या पदांचा समावेश असल्याने औषध वितरण, रुग्ण नोंदणी आणि प्रयोगशाळा तपासणीच्या कामांवर अतिरिक्त ताण निर्माण झाला आहे. दुर्गम व आदिवासीबहुल भागातील अपघाती रुग्ण, सर्पदंश, प्रसूती आणि इतर आपत्कालीन रुग्णांसाठी हे एकमेव प्रमुख शासकीय रुग्णालय असल्याने येथे सक्षम मनुष्यबळ असणे अत्यंत आवश्यक आहे. सध्या रुग्णालयातील कार्यरत अधिकारी आणि कर्मचारी अतिरिक्त जबाबदाऱ्या सांभाळत रुग्णसेवा अविरत सुरू ठेवण्याचा प्रयत्न करत आहेत. या गंभीर परिस्थितीची दखल घेऊन रिक्त पदे तत्काळ भरावीत, वैद्यकीय अधीक्षकांसह तज्ज्ञ डॉक्टरांची नियुक्ती करावी आणि आवश्यक मनुष्यबळ उपलब्ध करून द्यावे, अशी मागणी नागरिक, सामाजिक संघटना आणि रुग्णांकडून केली जात आहे.

विवेक मीरालवार

Pharmacist अहेरी, गडचिरोली, महाराष्ट्र•

6 hrs ago

दक्षिण गडचिरोलीतील अहेरी उपजिल्हा रुग्णालयातील अनेक महत्त्वाची वैद्यकीय आणि प्रशासकीय पदे रिक्त असल्याने संपूर्ण आरोग्य यंत्रणा अपुऱ्या मनुष्यबळावर चालविण्याची वेळ आली आहे. अहेरी, सिरोंचा, एटापल्ली, भामरागड आणि मुलचेरा या पाच तालुक्यांतील नागरिकांसाठी ५० खाटांचे हे रुग्णालय आरोग्यसेवेचा प्रमुख आधार आहे. येथे दररोज शेकडो रुग्ण उपचारासाठी येत असतानाही कर्मचाऱ्यांच्या कमतरतेमुळे डॉक्टर व कर्मचाऱ्यांवर प्रचंड ताण पडत असून पाच तालुक्यांची आरोग्यसेवा अक्षरशः ऑक्सिजनवर आली आहे. रुग्णालयातील ११ पैकी ६ वैद्यकीय अधिकाऱ्यांची पदे रिक्त असून वैद्यकीय अधीक्षकाचे मुख्य पदही नुकतेच रिक्त झाले आहे. याशिवाय स्त्रीरोग व प्रसूती तज्ज्ञ, बालरोग तज्ज्ञ, भूलतज्ज्ञ, आरोग्य पथकातील वैद्यकीय अधिकारी आणि दंत चिकित्सक यांसारखी महत्त्वाची पदे भरलेली नाहीत. त्यामुळे दुर्गम भागातील रुग्णांना उपचारासाठी गडचिरोली किंवा चंद्रपूरकडे धाव घ्यावी लागत आहे. केवळ डॉक्टरच नव्हे, तर तृतीय श्रेणी कर्मचाऱ्यांच्या ३० पदांपैकी ९ पदे रिक्त आहेत. यात बाह्यरुग्ण लिपिक, साहाय्यक अधिसेविका, अधिपरिचारिका, औषधनिर्माता, प्रयोगशाळा तंत्रज्ञ आणि वाहन चालक यांसारख्या महत्त्वाच्या पदांचा समावेश असल्याने औषध वितरण, रुग्ण नोंदणी आणि प्रयोगशाळा तपासणीच्या कामांवर अतिरिक्त ताण निर्माण झाला आहे. दुर्गम व आदिवासीबहुल भागातील अपघाती रुग्ण, सर्पदंश, प्रसूती आणि इतर आपत्कालीन रुग्णांसाठी हे एकमेव प्रमुख शासकीय रुग्णालय असल्याने येथे सक्षम मनुष्यबळ असणे अत्यंत आवश्यक आहे. सध्या रुग्णालयातील कार्यरत अधिकारी आणि कर्मचारी अतिरिक्त जबाबदाऱ्या सांभाळत रुग्णसेवा अविरत सुरू ठेवण्याचा प्रयत्न करत आहेत. या गंभीर परिस्थितीची दखल घेऊन रिक्त पदे तत्काळ भरावीत, वैद्यकीय अधीक्षकांसह तज्ज्ञ डॉक्टरांची नियुक्ती करावी आणि आवश्यक मनुष्यबळ उपलब्ध करून द्यावे, अशी मागणी नागरिक, सामाजिक संघटना आणि रुग्णांकडून केली जात आहे.