अन्न व औषध प्रशासन (FDA) आयुक्त तुकाराम मुंडे यांनी सर जे. जे. रुग्णालयावर धाडसी कारवाई करत अनेक रुग्णांचे प्राण वाचवल्याचे समोर आले आहे. रुग्णालयात मोठ्या प्रमाणावर रक्तसंकलन केले जात असले तरी, त्या रक्तातून प्लाझ्मा, पांढऱ्या रक्तपेशींसारखे महत्त्वाचे घटक वेगळे करूनही त्यांची मोठ्या प्रमाणात हेळसांड होत असल्याचे दिसून आले आहे. या गंभीर प्रकारानंतर, विरोधी पक्षनेत्या किशोरी किशोर पेडणेकर यांनी बृहन्मुंबई महानगरपालिकेच्या प्रशासनाला तातडीने सावध पावले उचलण्याचे आणि रुग्णांना सुरक्षित रक्तघटक उपलब्ध करून देण्याचे आवाहन केले आहे. प्रसारमाध्यमांशी बोलताना पेडणेकर यांनी प्लाझ्माचे महत्त्व अधोरेखित केले. विशेषतः गंभीर आजार आणि भाजलेल्या रुग्णांच्या उपचारात रक्तापेक्षाही अधिक प्लाझ्माची आवश्यकता असते. असे जीवनदायी रक्तघटक शासकीय रुग्णालयांमध्ये संकलित करूनही त्यांची दुर्दशा होणे, ही अत्यंत गंभीर बाब असल्याचे त्यांनी म्हटले. जे. जे. रुग्णालय हे मुंबईच्या आरोग्य व्यवस्थेचे हृदय असून, समाजसेवेच्या उदात्त हेतूने लोकांनी दिलेल्या रक्ताची अशी हेळसांड म्हणजे त्या उदात्त भावनेचाही अपमान असल्याचे सांगत, त्यांनी राज्य सरकारचा तीव्र शब्दांत निषेध केला. पेडणेकर यांनी पुढे म्हटले की, बृहन्मुंबई महानगरपालिकेचीही पाच मोठी रुग्णालये आहेत, जिथे नियमितपणे रक्तदान शिबिरे आयोजित करून रक्तघटक साठवले जातात. किमान जे. जे. रुग्णालयातील ही परिस्थिती पाहून तरी महानगरपालिकेने आता सावध होण्याची गरज आहे. स्वतः नगरसेवक आणि महापौर म्हणून आरोग्य व्यवस्थेत काम केल्याचा अनुभव सांगत, त्यांनी गेल्या चार वर्षांच्या प्रशासकीय राजवटीत पाहिलेली निष्काळजीपणा आणि हलगर्जीपणा यापुढे खपवून घेतला जाणार नाही, असा इशारा दिला. विरोधी पक्षनेत्या किशोरी किशोर पेडणेकर यांनी महापौर रितू तावडे यांना आवाहन केले आहे की, त्यांनी स्वतः रुग्णालयांना भेटी देऊन पाहणी करावी, प्रसंगी सर्व पक्षांच्या गटनेत्यांची बैठक बोलवावी आणि वैद्यकीय अधीक्षकांशी चर्चा करावी. महानगरपालिकेच्या रुग्णालयांवर प्रचंड ताण असला तरी, नागरिकांना दर्जेदार आणि सुरक्षित आरोग्य सेवा देणे हे आपले कर्तव्य आहे, यावर त्यांनी भर दिला. कोणत्याही रुग्णालयाने निष्काळजीपणा केल्यास संबंधित विभागप्रमुख, प्रशासकीय अधिकारी आणि वैद्यकीय अधीक्षक यांची जबाबदारी निश्चित केली पाहिजे, असेही त्यांनी नमूद करत, या बेफिकीर वृत्तीचा तीव्र शब्दांत निषेध केला.

Amit Omprakash tiwari

मुंबई, मुंबई, महाराष्ट्र•

14 hrs ago

अन्न व औषध प्रशासन (FDA) आयुक्त तुकाराम मुंडे यांनी सर जे. जे. रुग्णालयावर धाडसी कारवाई करत अनेक रुग्णांचे प्राण वाचवल्याचे समोर आले आहे. रुग्णालयात मोठ्या प्रमाणावर रक्तसंकलन केले जात असले तरी, त्या रक्तातून प्लाझ्मा, पांढऱ्या रक्तपेशींसारखे महत्त्वाचे घटक वेगळे करूनही त्यांची मोठ्या प्रमाणात हेळसांड होत असल्याचे दिसून आले आहे. या गंभीर प्रकारानंतर, विरोधी पक्षनेत्या किशोरी किशोर पेडणेकर यांनी बृहन्मुंबई महानगरपालिकेच्या प्रशासनाला तातडीने सावध पावले उचलण्याचे आणि रुग्णांना सुरक्षित रक्तघटक उपलब्ध करून देण्याचे आवाहन केले आहे. प्रसारमाध्यमांशी बोलताना पेडणेकर यांनी प्लाझ्माचे महत्त्व अधोरेखित केले. विशेषतः गंभीर आजार आणि भाजलेल्या रुग्णांच्या उपचारात रक्तापेक्षाही अधिक प्लाझ्माची आवश्यकता असते. असे जीवनदायी रक्तघटक शासकीय रुग्णालयांमध्ये संकलित करूनही त्यांची दुर्दशा होणे, ही अत्यंत गंभीर बाब असल्याचे त्यांनी म्हटले. जे. जे. रुग्णालय हे मुंबईच्या आरोग्य व्यवस्थेचे हृदय असून, समाजसेवेच्या उदात्त हेतूने लोकांनी दिलेल्या रक्ताची अशी हेळसांड म्हणजे त्या उदात्त भावनेचाही अपमान असल्याचे सांगत, त्यांनी राज्य सरकारचा तीव्र शब्दांत निषेध केला. पेडणेकर यांनी पुढे म्हटले की, बृहन्मुंबई महानगरपालिकेचीही पाच मोठी रुग्णालये आहेत, जिथे नियमितपणे रक्तदान शिबिरे आयोजित करून रक्तघटक साठवले जातात. किमान जे. जे. रुग्णालयातील ही परिस्थिती पाहून तरी महानगरपालिकेने आता सावध होण्याची गरज आहे. स्वतः नगरसेवक आणि महापौर म्हणून आरोग्य व्यवस्थेत काम केल्याचा अनुभव सांगत, त्यांनी गेल्या चार वर्षांच्या प्रशासकीय राजवटीत पाहिलेली निष्काळजीपणा आणि हलगर्जीपणा यापुढे खपवून घेतला जाणार नाही, असा इशारा दिला. विरोधी पक्षनेत्या किशोरी किशोर पेडणेकर यांनी महापौर रितू तावडे यांना आवाहन केले आहे की, त्यांनी स्वतः रुग्णालयांना भेटी देऊन पाहणी करावी, प्रसंगी सर्व पक्षांच्या गटनेत्यांची बैठक बोलवावी आणि वैद्यकीय अधीक्षकांशी चर्चा करावी. महानगरपालिकेच्या रुग्णालयांवर प्रचंड ताण असला तरी, नागरिकांना दर्जेदार आणि सुरक्षित आरोग्य सेवा देणे हे आपले कर्तव्य आहे, यावर त्यांनी भर दिला. कोणत्याही रुग्णालयाने निष्काळजीपणा केल्यास संबंधित विभागप्रमुख, प्रशासकीय अधिकारी आणि वैद्यकीय अधीक्षक यांची जबाबदारी निश्चित केली पाहिजे, असेही त्यांनी नमूद करत, या बेफिकीर वृत्तीचा तीव्र शब्दांत निषेध केला.